Додихудоев Гулзорхон Раматович зода ва истиқоматкунандаи ноҳияи Шуғнони ВМКБ, пеш дар содир намудани ҷиноятӣ дар моддаи 200 қисми 4 банди»д» Кодекси ҷиноятии Ҷумҳурии Тоҷикистон (муомилоти ғайриқонунии воситаҳои нашъадор) суд шуда, ба худ хулосаи зарурӣ набароварда, боз дар бозори назди сарҳади давлатӣ воқеъ дар маҳаллаи Теми шаҳри Хоруғ бо шаҳрванди Ҷумҳурии Исломии Афғонистон Муҳаммадвалӣ ном шахс шиносои пайдо намуда, бо маслиҳати пешакӣ бар ивази ду литр машруботи спиртӣ 1 килограмму 50 грамм воситаи нашъадори навъи ҳашишро гирифта, маводи мазкурро дар бадани худ барои минбаъд ба шаҳри Душанбе интиқол додан пинҳон мекунад.

  08 октябри соли 2003 Храмов Вячеслав Николаевич, сокини шаҳри Ҳисор тахминан соати 19:30 дақиқа ба автомошинаи мусофиркашонии тамғаи ВАЗ 2107 рақами қайди давлатиаш К 6560 РТ 01 таҳти идоракунии шаҳрванд Сафаров Ҷавҳархоҷа Довудович савор шуда, ба суроғаи шаҳри Душанбе, ноҳияи Фирдавсй кӯчаи Деҳотӣ, назди бинои 21/2 рафтааст. Ҳангоми расидан ба суротаи мазкур ронанда Сафаров Ҷ.Д. бо дархости Храмов В.Н. автомошинаро дар назди бино қарор дода, ҳақи роҳкироро пурсон шудааст. 

  Халилов Наим Каримович, Бахтоваршоев Алишер Саидмансурович, Танибеков Ҷамшед Куканбекович, Дустмуродов Азам Давлатович ва Алиев Азаматулло Акбарович сокинони шаҳри Хоруғ, 18 феврали соли 2019 ҳангоми дар шаҳри Хоруғ қарор доштанашон барои харид намудани 2 кг маводи нашъавори навъи “ҳашиш” ва минбаъд ба шаҳри Душанбе интиқол доданашон, маслиҳати пешакӣ намудаанд. 20 феврали соли 2019 Халилов Н.К. баъди ба даст овардани воситаҳои нашъадори навъи “ҳашиш” ба микдори 2 кг онро аз рӯи маслиҳати пешакӣ ба соҳибияти Бахтоваршоев А.С. дод.