Бинои Донишкада иборат аз 5 ошёна бо масоҳати умумии 1905,04 метри мураббаъ  аз 2 толори маҷлисгоҳ, 10 синфхонаи омӯзишии муҷаҳҳаз бо технологияи муосири таълимӣ, 17 ҳуҷраи корӣ, китобхона, толори китобхонӣ, синфхонаҳои компютерӣ ва забономузӣ, утоқи криминалистика бо мизу курсиҳои корӣ, техникаву таҳҷизоти гуногуни иттилоотию коммуникатсионӣ, компютерӣ ва криминалистӣ (проектор, ҷомадони тафтишотӣ, дастгоҳҳои сабти видео ва расмгирӣ) ва дигар воситаҳои муосири техникии таълимӣ иборат буда, ҳуҷраҳои кории муаллимон бо компютерҳои замонавии ҳамарўза ба шабакаи интернетӣ пайваст таъмин мебошанд.

       Ҳамзамон, Донишкада дорои  махзани электронии барномаҳои таълимӣ ва китобхона бо 7 ҳазор адад адабиётҳои таълимию бадеӣ мебошад.