22-юми августи соли 2026 дар доираи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҷиҳати омодагиҳо ба таҷлили ҷашни муқаддасу бузурги миллӣ – 35-солагии Истиқлоли давлатии Ҷумҳурии Тоҷикистон, роҳбари гурӯҳи корӣ дар ноҳияи Муъминобод, Прокурори генералии Ҷумҳурии Тоҷикистон, генерал-полковники адлия Воҳидзода Ҳабибулло Сайдулло аз рафти корҳои сохтмонии иншоотҳои ҷашнӣ, аз қабили кӯдакистон, ду муассисаи таълимии таҳсилоти умумӣ ва маркази хизматрасонию савдо дидан намуда, дар маросими оғози сохтмони фурудгоҳи хатти ҳавоии маҳаллии ноҳияи Муъминобод ширкат варзида, барои бунёди иншооти мазкур санги асос гузоштанд.

Суханронии Прокурори генералии Ҷумҳурии Тоҷикистон аз 18-уми августи соли 2026 дар асоси нақшаи чорабиниҳои Ҳаракати ваҳдати миллӣ ва эҳёи Тоҷикистон дар тарғиби дастовардҳои даврони Истиқлол бахшида ба 35-солагии Истиқлолияти давлатии Ҷумҳурии Тоҷикистон дар вохӯрӣ бо сокинону фаъолони ноҳияи Рӯдакӣ дар мавзӯи «Истиқлол ва масъулияти шаҳрвандӣ дар шароити ҷаҳони муосир»

22-юми июли соли 2026 дар Прокуратураи генералии Ҷумҳурии Тоҷикистон бо иштироки  намояндагони воситаҳои ахбори омма нишасти  матбуотӣ баргузор гардид.

Дар нишасти матбуотӣ Прокурори генералии Ҷумҳурии Тоҷикистон, генерал-полковники адлия Воҳидзода Ҳабибулло Сайдулло ба хабарнигорон оид ба натиҷаҳои фаъолияти мақомоти прокуратура дар нимсолаи якуми соли 2026 дар таъмини волоияти қонун, таҳкими қонуният, тартиботи ҳуқуқӣ, мубориза бар зидди ҷинояткорӣ, ҳифзи манфиатҳои инсон ва шаҳрванд, ҷомеа ва давлат иттилоъ пешниҳод намуд.

Таъкид гардид, ки дар давраи ҳисоботӣ фаъолияти мақомоти прокуратура асосан ба пешгирии ҷинояткорӣ, истифодаи ғайриқонунии неруи барқ ва талафоти аз меъёр зиёди он, тасарруфи маблағҳои буҷетӣ, риояи қонунгузорӣ оид ба танзими ҷашну маросим, баррасии муроҷиатҳои шахсони воқеӣ ва ҳуқуқӣ, замин, меъморӣ ва шаҳрсозӣ, мубориза бо ҷинояткорӣ, бахусус байни ноболиғону ҷавонон, таълимоти ғайриқонунии динӣ, ҷиноятҳои киберӣ, терроризм, экстремизм, коррупсия ва муомилоти ғайриқонунии маводи мухаддир, моддаҳои психотропии сахттаъсир ва прекурсорҳо, инчунин, дигар қонунгузориҳо равона гардид.

9 июли соли 2026 дар Прокуратураи генералии Ҷумҳурии Тоҷикистон таҳти раисии Прокурори генералии Ҷумҳурии Тоҷикистон, генерал-полковники адлия Воҳидзода Ҳабибулло Сайдулло маҷлиси ҳайати мушовараи Прокуратураи генералӣ баргузор гардид.

Дар оғози маҷлис сараввал махсус таъкид гардид, ки сиёсати дурбинонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арсаи байналмилалӣ мавқеи Тоҷикистонро боз ҳам таҳким бахшида, қабули қатъномаи Маҷмаи Умумии Созмони Милали Муттаҳид оид ба эълон намудани «Даҳсолаи байналмилалӣ оид ба таҳкими сулҳ барои наслҳои оянда, солҳои 2027-2036» ҳамчун ташаббуси навбатии Ҷумҳурии Тоҷикистон бозгӯи эътирофи ҷомеаи ҷаҳонӣ аз сиёсати сулҳпарварона, созанда ва башардӯстонаи Президенти Ҷумҳурии Тоҷикистон мебошад.

26 июни соли 2026 дар Прокуратураи генералии Ҷумҳурии Тоҷикистон чорабинии тантанавӣ бахшида ба 29-умин солгарди Рӯзи Ваҳдати миллӣ баргузор гардид.

Дар он Прокурори генералии Ҷумҳурии Тоҷикистон, генерал- полковники адлия Воҳидзода Ҳабибулло Сайдулло суханронӣ намуда, қайд намуданд, ки пас аз пароканда гардидани Иттиҳоди Шӯравӣ, Ҷумҳурии Тоҷикистон ҳамчун давлати навбунёд ба бисёр нокомиҳо гирифтор шуд, ҳодисаҳои нангин, бадбинӣ, гурӯҳбозӣ, маҳалчигӣ ва майдоншинӣ рӯй дод, ки оқибат ба ҷанги шаҳрвандӣ оварда расонид. Ҷангҳои мусаллаҳона зиндагии мардумро халалдор намуда, ба соҳаҳои гуногуни хоҷагии халқи ҷумҳурӣ зарари калон расонида буд.