13 июли соли 2015 тахминан соати 17:00 дақиқа Муродов Ҷурабек Назархонович бо ҳамроҳии Софаев Комил Бафоевич, Азизгиев Давлатёр Ганҷибойевич, Шомуддинов Алишер Илҳомович, Муҳабатов Ҷамшед Саймуродович ва Файзуллаев Шавкатилло Негматуллаевич тавассути автомашинаи тамғаи “Опел-Зефира”, рақами давлатиаш ТJ 2287 СА 01, ки ба Муродов Ҷ.Н. тааллуқ дошт, бо мақсади оббозӣ ва истироҳат кардан ба лаби дарёи Кофарниҳон,
воқеъ дар ҷамоати деҳоти Гулистони шаҳри Ваҳдат рафта,ҳангоми оббозӣ нӯшокиҳои спиртӣ ва воситаи нашъадори навъи “ҳашиш” истеъмол менамоянд.
Тахминан соати 18:40 дақиқа ба лаби дарёи Кофарниҳон шаҳрванд Надиров Саидатор бо мақсади истироҳат намудан омада, аз Муродов Ҷ.Н. ва рафиқонаш тақрибан дар масофаи 40 метр дуртар нишастааст. Муродов Ҷ.Н., ки дар ҳолати сархушӣ қарор дошт, аз рафиқаш Азизгиев Д.Г. талаб намудааст, ки рафта аз Надиров С. барои ӯ харбуза биёрад. Азизгиев Д.Г. талаби Муродов Ҷ.-ро рад накарда, ба назди Надиров С. рафта, бо ӯ суҳбат карда, як қисми харбузаро оварда, ба Муродов Ҷ. додааст.
Муродов Ҷ.Н., ки дар ҳолати сархушӣ қарор дошт, маротибаи дигар Софаев К.Б.-ро боз барои аз Надиров С. гирифта овардани харбуза равона мекунад. Софаев К.Б. бошад, ба назди Надиров С. рафта, бо ӯ каме суҳбат намуда, аз пурсидани харбуза худдорӣ кардааст. Баъд аз он ки Софаев Б.К. бехарбуза баргаштааст, Муродов Ҷ.Н. ба ғазаб омада, ба назди Надиров С. рафта, муноқиша кардааст. Дар натиҷаи ин муноқиша Муродов Ҷ.Н. аз ҳиссиёти авбошӣ бо мақсади қасдан аз ҳаёт маҳрум сохтани Надиров С. бо ресмони синтетикии бо худ доштааш, вайро аз қисми гулӯяш қасдан буғӣ кардааст. Азизгиев Д.Г. ва Софаев К.Б. бо талаби Муродов Ҷ.Н. барои муқобилат нишон надодан аз пой ва зонуҳои Надиров С. доштаанд.
Муродов Ҷ.Н., Азизгиев Д.Г. ва Софаев К.Б., баъди ба қатл расонидани Надиров С., бо мақсади пинҳон кардани ҷинояти содир кардаашон ва нобуд сохтани ҷасад Муҳабатов Ҷ.С., Шомуддинов А.И. ва Файзуллаев Ш.Н.-ро ба наздашон даъват кардаанд. Онҳо якҷоя ҷасади Надиров С.-ро аз назди соҳили дарёи Кофарниҳон тахминан 35 метр дуртар бурда, ба дохили чуқурие гузоштаанд. Сипас, Муродов Ҷ.Н. бо қоғазпораҳо ва сӯзишвории “бензин” ҷасади Надиров С.-ро оташ задааст.
Прокуратураи шаҳри Ваҳдат вобаста ба куштори мазкур тафтиши парвандаи ҷиноятиро ба анҷом расонд ва ин парванда аз тарафи Прокуратураи генералӣ бо тасдиқи фикри айбдорӣ ба суд ирсол гардид.
Бо ҳукми коллегияи судӣ оид ба парвандаҳои ҷиноятии Суди Олии Ҷумҳурии Тоҷикистон аз 29 январи соли 2016 Муродов Ҷ.Н., Софаев К.Б., Азизгиев Д.А. бо моддаи 104 қисми 2 бандҳои “з” ва “к” (одамкушӣ) Кодекси ҷиноятии Ҷумҳурии Тоҷикистон, Шомуддинов А.И., Муҳабатов Ҷ.С. ва Файзуллаев Ш.Н. бо моддаи 347 қисми 2 (пинҳон доштани ҷинояти махсусан вазнин) Кодекси ҷиноятии Ҷумҳурии Тоҷикистон гунаҳгор дониста шуда, ба Муродов Ҷ.Н.ҷазои 24 (бистучор) сол маҳрум сохтан аз озодӣ, ба Софаев К.Б. ва Азизгиев Д.Г. – 23 (бистусе)-солӣ, ба Муҳабатов Ҷ.С. ва Шомуддинов А.И. – 3 (се)-солӣ, ба Файзуллаев Ш.Н. ҷазои 2 (ду) сол маҳрум сохтан аз озодӣ таъин карда шудааст.
Маркази матбуоти
Прокуратураи генералии
Ҷумҳурии Тоҷикистон
Хабарҳо
-
25.04.2016
Ҳолати иҷрои Қонуни танзими асъор ва назорати асъор
Гурӯҳи корие, ки дар Прокуратураи генералӣ бо ҳадафи пешгири намудани болоравии асъори хориҷӣ ва беқурбшавиии пули миллӣ таъсис ёфта буд, ҳолати иҷрои Қонуни Ҷумҳурии Точикистон «Дар бораи танзими асъор ва назорати асъор»-ро санҷида баромад, як қатор қонуншиканиҳоро ошкор намуд.
Чунончи, муқаррар гардид, ки шаҳрвандон Ғаффуров Ё.С. ва Бекназаров А. бо маслиҳати пешакӣ аз моҳи июни соли 2015 инҷониб дар нуқтаи хизматрасонии телефонҳои мобилӣ,
-
22.04.2016
Маҳкумшавӣ барои суиқасди иштирок дар сафи “Давлати Исломӣ”
Прокуратураи генералии Ҷумҳурии Тоҷикистон парвандаи ҷиноятиро нисбати Хушватов Насим Саймуҳиддинович аз рӯи қисми 3 моддаи 32 – моддаи 4011 Кодекси ҷиноятии Ҷумҳурии Тоҷикистон бо тасдиқи фикри айбдоркунӣ ба суд фиристод.
Бо ҳукми суди ноҳияи Исмоили Сомонии шаҳри Душанбе аз 1 апрели соли 2016 Хушвахтов Н.С. дар содир намудани ҷинояти мазкур гунаҳгор дониста шуда, ба ӯҷазои 6 (шаш) сол маҳрум сохтан аз озодӣ бо адои ҷазо дар колонияи ислоҳии дорои низомаш сахт таъин карда шуд.
-
22.04.2016
Маҳкумшавӣ барои суиқасди иштирок амалиёти ҷангии давлати хориҷӣ
Прокуратураи генералии Ҷумҳурии Тоҷикистон парвандаи ҷиноятиро нисбати Хушватов Насим Саймуҳиддинович аз рӯи қисми 3 моддаи 32 – моддаи 4011 Кодекси ҷиноятии Ҷумҳурии Тоҷикистон бо тасдиқи фикри айбдоркунӣ ба суд фиристод.
Бо ҳукми суди ноҳияи Исмоили Сомонии шаҳри Душанбе аз 1 апрели соли 2016 Хушвахтов Н.С. дар содир намудани ҷинояти мазкур гунаҳгор дониста шуда, ба ӯ ҷазои 6 (шаш) сол маҳрум сохтан аз озодӣ бо адои ҷазо дар колонияи ислоҳии дорои низомаш сахт таъин карда шуд.
-
18.04.2016
Сазои нашъафурӯш
Чанде қабл аз тарафи Прокуратураи генералӣ парвандаи ҷиноятӣ нисбати Муродов Фирӯз Хуршедович бо моддаи 200 қисми 3 бандҳои «в», «г» Кодекси ҷиноятии Ҷумҳурии Тоҷикистон бо тасдиқи фикри айбдоркунӣ барои моҳиятан баррасӣ намудан ба суд фиристода шуда буд. Муродов Ф.Х. барои он айбдор карда шудааст, ки 14 январи соли 2016, тахминан соати 11 дар ноҳияи Ёвон, кӯчаи Ҷавонӣ, дар қабати шоҳроҳи мошингарди Ёвон – Душанбе ҳангоми ба харидори шартӣ барои фурӯш пешниҳод кардани 1260 (як ҳазору дусаду шаст)
-
12.04.2016
Ҷаласаи ҳаяти мушовара дар Прокуратураи генералӣ
Имрӯз – 12 апрели соли 2016 дар Прокуратураи генералии Ҷумҳурии Тоҷикистон ҷаласаи ҳайати мушовараи Прокуратураи генералӣ баргузор гардид. Дар кори ҳайати мушовара роҳбарони Хадамотҳои назорати давлатии санитарию эпидемиологӣ, назорати давлатии фаъолияти фармасевтӣ, назорати давлатии байторӣ, Агентии стандартизатсия, метрология ва сертификатсия ва кормандони масъули Прокуратураи генералии Ҷумҳурии Тоҷикистон ширкат варзиданд.
-
07.04.2016
Оқибати нашъаҷаллобӣ
Прокуратураи генералӣ чанде қабл парвандаи ҷиноятиро нисбати Бобоназаров Ҷ.Н. дар содир намудани ҷинояти пешбиникардаи моддаи 200 қисми 3 бандҳои “в”, “г” Кодекси ҷиноятии Ҷумҳурии Тоҷикистон бо тасдиқи фикри айбдоркунӣ ба суд фиристода буд.
Бобоназаров Ҷ.Н. барои он айбдор дониста шудааст,
-
07.04.2016
Маҳкумшавии нашъаҷаллобон
08.01.2016 тахминан соати 14-00 дақиқа Салимов А.М. ва Аҳлиддини А. 2 баста воситаи нашъадор навъи “ҳашиш”-ро ба миқдори 704 грамм, аз ҷойи пинҳонкардаи шарики дигариашон Масайнов К.Ч. гирифта, ба автомашинаи тамғаи “Нисан-Максима”, рақами транзитиаш А87-92 Д 01 ТҶ, ки ба Аҳлиддини А. тааллуқ дошт, ҷойгир намуда, бо мақсади ба соҳияти каси дигар додан ба самти кӯчаи Дӯстии халқҳои ш.Душанбе равон мешаванд.
-
30.03.2016
Маҳкумшавии зани ифротгар
Чанде қабл аз тарафи Прокуратураи генералии Ҷумҳурии Тоҷикистон парвандаи ҷиноятӣ нисбати Сардорова Зарина Толибовна бо моддаҳои 3071 қисми 2 ва 4011Кодекси ҷиноятии Ҷумҳурии Тоҷикистон бо тасдиқи фикри айбдоркунӣ ба суд фиристода шуда буд. Сардорова З.Т. барои он гунаҳкор дониста шудааст, ки охирҳои моҳи октябри соли 2015 дар сомонаи иҷтимоии «Одноклассники» бо номҳои мустаор саҳифаҳо кушода, дар онҳо расми зани силоҳбадастро гузошта,
-
25.03.2016
Натиҷаи сафари Прокурори генералии Ҷумҳурии Тоҷикистон ба Ҷумҳурии Халқии Хитой
Аз 20 то 24 марти соли 2016 Прокурори генералии Ҷумҳурии Тоҷикистон Раҳмон Юсуф Аҳмадзод ҷиҳати анҷом додани сафари корӣ ба Ҷумҳурии Халқии Хитой сафар намуд. Дар ҷараёни ин сафари корӣ вохӯриҳои Прокурори генералии Ҷумҳурии Тоҷикистон Ю.А.Раҳмон бо Прокурори генералии Прокуратураи Олии Халқии Ҷумҳурии Халқии Хитой Сао Сзянмин, Прокурори генералии Вилояти Мухтори Синзян-Уйғури Ҷумҳурии Халқии Хитой Нишан Ибраим, Прокурори генералии шаҳри Пекин Сзин Дали ва муовини Вазири адлияи Ҷумҳурии Халқии Хитой Ли Ҷиянг баргузор гардиданд.
-
18.03.2016
Маҳкум шудани экстремист
10 марти соли 2016 дар суди ноҳияи Исмоили Сомонии шаҳри Душанбе парвандаи ҷиноятӣ нисбати Ҷалолов Ботиралиро бо моддаҳои 32 қисми 3 - 4011 Кодекси ҷиноятии Ҷумҳурии Тоҷикистон (сўиқасд ба ҷалб ва иштироки ғайриқонунии шаҳрванди Ҷумҳурии Тоҷикистон ва шахсони бешаҳрванд дар воҳидҳои мусаллаҳ, задухурди мусаллаҳона ё амалиёти ҷангӣ дар қаламрави дигар давлатҳо) моҳиятан баррасӣ гардид.
Прокурори генералӣ
