Бо Фармони Президенти Ҷумҳурии Тоҷикистон аз 8 декабри соли 2006 № 73 тасдиқкарда шудааст
Низомнома дар бораи рутбаҳои дараҷавии кормандони мақомоти Прокуратураи Ҷумҳурии Тоҷикистон
I. Муқаррароти умумӣ
1. Низомнома дар бораи рутбаҳои дараҷавии кормандони мақомоти Прокуратураи Ҷумҳурии Тоҷикистон (минбаъд - Низомнома) мутобиқи Қонуни конститутсионии Ҷумҳурии Тоҷикистон "Дар бораи мақомоти прокуратураи Ҷумҳурии Тоҷикистон" таҳия гардида, тартиби додан ва маҳрум кардан аз рутбаҳои дараҷавии кормандони мақомоти прокуратура, инчунин кормандони муассисаҳои таълимии системаи прокуратураи Ҷумҳурии Тоҷикистонро муқаррар мекунад.
2. Ба прокурорҳо ва муфаттишон, кормандони муассисаҳои илмию таълимии мақомоти прокуратураи Ҷумҳурии Тоҷикистон вобаста ба вазифаи ишғолкардаашон ва собиқаи кор рутбаҳои дараҷавии зерин дода мешаванд:
Мушовири ҳақиқии давлатии адлия;
Мушовири давлатии адлияи дараҷаи 1;
Мушовири давлатии адлияи дараҷаи 2;
Мушовири давлатии адлияи дараҷаи 3;
Мушовири адлияи дараҷаи 1;
Мушовири адлияи дараҷаи 2;
Мушовири адлияи дараҷаи 3;
Ҳукуқшиноси дараҷаи 1;
Ҳуқуқшипоси дараҷаи 2;
Ҳуқуқшшюси дараҷаи 3.
3. Рутбаи дараҷавӣбо нанардошти тавсифномаи мусбӣ, вазифаи ишғолкарда ва собиқаи кор ба таври мураттаб дода мешавад.
Бенавбат додани рутбаҳои дараҷавӣдар мавридҳои пешбининамудаи бандҳои 10 ва 11 ҳамин Низомнома дода мешавад.
4. Ба ҳар як корманди мақомоти прокуратура мувофиқи вазифаи ишғолнамуда бо назардошти талаботи зерин, рутбаҳои дараҷавӣдода мешавад:
|
№ т/р
|
Номгӯирутбаидараҷави
|
Вазифа
|
|
1.
|
Мушовириҳақиқии давлатии адлия
|
Прокурори генералии Ҷумҳурии Тоҷикистон
|
|
2.
|
Мушовири давлатии адлияи дараҷаи 1
|
Муовини аввали Прокурори генералии Ҷумҳурии Тоҷикистон
|
|
3.
|
Мушовири давлатии адлияи дараҷаи 2
|
Муовини Прокурори генералии Ҷумҳурии Тоҷикистон
|
|
4.
|
Мушовири давлатии адлияи дарачаи 3
|
Прокурори Вилояти Мухтори Кӯҳистони Бадахшон, вилоятҳо, шаҳри Душанбе, нақлиёти Тоҷикистон, сардорони Раёсат ва шӯъбаҳои Прокуратураи генералии Ҷумҳурии Тоҷикистон
|
|
5.
|
Мушовири адлияи дараҷаи 1
|
Директори Маркази такмили ихтисоси кормандони мақомоти прокуратураи Ҷумҳурии Тоҷикистон, муовинони сардорони раёсатҳо ва шӯъбаҳои Прокуратураи генералии Ҷумҳурии Тоҷикистон, ёрдамчиёни калони Прокурори генералии Ҷумҳурии Тоҷикистон, муфаттишони калони Раёсати тафтиши парвандаҳои ҷиноятии махсусан муҳими Прокуратураи генералии Ҷумҳурии Тоҷикистон, муовинони прокурори Вилояти Мухтори Кӯҳистони Бадахшон, вилоятҳо, шаҳри Душанбе, наклиёти Тоҷикистон, прокурорҳои шаҳрҳо, ноҳияҳои калон ва дигар прокуратураҳои ба онҳо баробар кардашуда
|
|
6.
|
Мушовири адлияи дарачаи 2
|
Муфаттишони Раёсати тафтиши парвандаҳои ҷиноятии махсусан муҳими Прокуратураи генералии Ҷумҳурии Тоҷикистон, ёрдамчиёни Прокурори генералии Ҷумҳурии Тоҷикистон, прокурорҳои калон, прокурорҳои раёсату шӯъбаҳо, прокурорҳои криминалисти Прокуратураи генералии Ҷумҳурии Тоҷикистон, ёрдамчиёни калони прокурорҳо, сардорони шӯъбаҳои прокуратураҳои Вилояти Мухтори Кӯҳистони Бадахшон, вилоятҳо, шаҳри Душанбе, нақлиёти Тоҷикистон, прокурорҳои шаҳру ноҳияҳо, муовинони прокурорҳои шаҳрҳо ва ноҳияҳои калон, муфаттишони калони шӯъбаи тафтиши парвандаҳои ҷиноятии махсусан муҳим, прокурорҳои калони шӯъбаҳои прокуратураҳои Вилояти Мухтори Кӯҳистони Бадахшон, вилоятҳо, шаҳри Душанбе, нақлиёти Тоҷикистон.
|
|
7.
|
Мушовири адлияи дараҷаи 3
|
Ёрдамчиёни прокурорҳо, прокурорҳои шӯъбаҳо, муфаттишони шӯъбаи тафтиши парвандаҳои ҷиноятии махсусан муҳим, прокурорҳо криминалистони прокуратураҳои Вилояти Мухтори Кӯҳистони Бадахшон, вилоятҳо, шаҳри Душанбе, нақлиёти Тоҷикистон, муовинони сардорони шӯъбаҳои прокуратураи Вилояти Мухтори Кӯҳистони Бадахшон, вилоятҳо, шаҳри Душанбе, прокуратураи нақлиёти Тоҷикистон, ёрдамчиёни калони прокурорҳо, муфаттишони калони прокуратураҳои шаҳру ноҳияҳо
|
|
8.
|
Ҳуқуқшиноси дараҷаи 1
Ҳуқуқшиноси дараҷаи 2
Ҳуқуқшиноси дараҷаи 3
|
Ёрдамчиёни прокурорхо ва муфаттишони
прокуратурахои шахру нохияхо ва дигар
прокуратураҳои ба онҳо баробар кардашуда
|
5. Мӯҳлати дар ҳар як рутбаи дараҷави будан ба тариқи зайл муқаррар мешавад:
- дар рутбаи ҳуқукшиноси дараҷаи 3 1,5 сол;
- дар рутбан ҳуқуқшиноси дараҷаи 2 2 сол;
- дар рутбаи ҳуқуқшииоси дараҷаи 1 2,5 сол;
- дар рутбаи мушовири адлияи дараҷаи 3 3 сол;
- дар рутбаи мушовири адлияи дараҷаи 2 3,5 сол;
- дар рутбаи мушовири адлияи дараҷаи 1 4 сол.
Мӯҳлати додани рутбаҳои мушовири давлатии адлияи дараҷаи 3,2,1 муқаррар карда намешавад.
Ин рутбаҳои дараҷави фақат дар ҳолатҳои зайл дода мешаванд:
- баланд кардани вазифа;
- барои хизмати шоиста.
II. Додани рутбаҳои дараҷавӣ
6. Рутбаи дараҷавии мушовири ҳақиқии давлатии адлия аз тарафи Президенти Ҷумҳурии Тоҷикистон бо пешниҳоди ҳайати мушовараи Прокуратураи генералии Ҷумҳурии Тоҷикистон дода мешавад. Рутбаҳои дараҷавии мушовири давлатии адлияи дараҷаи 1, 2, 3 аз тарафи Президенти Ҷумҳурии Тоҷикистон бо пешниҳоди Прокурори генералии Ҷумҳурии Тоҷикистон дода мешавад.
Дигар рутбаҳои дараҷавӣбо фармони Прокурори генералии Ҷумҳурии Тоҷикистон дода мешаванд.
7. Ба гирифтани рутбаи дараҷавии ҳуқуқшиноси дараҷаи 3, дар сурати доштани тавсифномаи мусбат кормандоне, ки дар вазифаи ёрдамчии прокурор ё муфаттиши прокуратура ё дигар вазифаҳои прокурорию тафтишотӣна камтар аз шаш моҳкор кардаанд, мутахассисони ҷавон бошанд баъд аз хатми коромӯзӣва ҳангоми бо хулосаи комиссияи аттестатсионӣба вазифаи ишғолкарда муносиб донистан пешниҳод карда мешаванд.
Бо чунин тартиб ба кормандони муассисаҳои илмӣва таълимии мақомоти прокуратура рутбаҳои дараҷавӣдода мешаванд.
8. Рутбаи дараҷавии навбатӣбаъди ба охир расидани мӯҳлати рутбаи қаблӣ, ки дар банди 5 ин Низомнома пешбинӣшудааст, дода мешавад.
9. Ҳангоми додани рутбаи дараҷавии навбатӣҳолатҳои зерин бояд ба инобат гирифта шаванд:
- вазифаи ишғолнамуда;
- собиқаи кор дар мақомоти прокуратура;
- мӯҳлати будан дар рутба;
- тавсифномаи ба корманд додашуда.
10. Ба кормандоне, ки ба мақомоти прокуратура аз дигар мақомоти ҳифзи ҳуқуқ, корхонаву муассиса ва ташкилотҳо ба кор гузаштаанд, бо назардошти вазифа, дониш ва таҷрибаи корӣ, ҳамчунин мавҷуд будани дигар рутбаву унвонҳо рутбаи дараҷавӣдода мешавад.
Рутбаҳои дараҷавии кормандоне, ки аз ҷониби Президенти Ҷумҳурии Тоҷикистон дода шудаанд, ҳангоми аз дигар мақомот ба мақомоти прокуратура ба кор гузаштан нигоҳдошта мешавад.
11. Ба Прокурори генералии Ҷумҳурии Тоҷикистон дар мавридҳои алоҳида барои аз ҷониби кормандон софдилона иҷро кардани вазифаи хизматӣ, ба даст овардани муваффақиятҳои корӣдар таҳкими қонуният ва муборизаи зидди ҳуқуқвайронкуниҳо чунин ҳуқуқҳо дода мешаванд:
- пеш аз итмоми муҳлати дар банди 5 ин Низомнома нишон додашуда ба корманд рутбаи дараҷавии навбатӣдиҳад;
- ҳангоми пешбарӣба вазифаи баланд ба риояи навбат то ду зина боло рутбаи дараҷавӣдиҳад, вале ин рутбаи дараҷавӣаз рутбаи дараҷавии вазифавие, ки ба он пешбарӣшудааст, баланд набошад;
- дар бораи додани рутбаи дараҷавии мушовири давлатии адлияи дараҷаи 3, 2, 1, ки баланд аз вазифаи ишғолкардаи корманд мебошад, ба Президенти Ҷумҳурии Тоҷикистон пешниҳод ирсол намояд;
- баландтар аз вазифаи ишғолнамудаи корманд рутбаи дараҷавӣдиҳад.
12. Рутбаҳои дараҷавие, ки ба кормандони мақомоти Прокуратураи Ҷумҳурии Тоҷикистон дода шудаанд, якумрӣмебошанд.
Дар сурати барои кирдорҳои бадномкунанда аз макомоти прокуратура озод намудани корманд, ӯро аз рутбаи дараҷавӣмаҳрум кардан мумкин аст. Ҳангоми вазифаи хизматиашро дағалона вайрон намудани корманди мақомоти прокуратура ё содир кардани кирдори бадномкунанда аз тарафи ӯ, рутбаи дараҷавии ӯро паст намудан мумкин аст.
Маҳрумгардонӣаз рутбаи дараҷавӣва паст намудани рутбаи дараҷавии мушовири ҳақиқии давлатии адлия, мушовири давлатии адлияи дараҷаи 1, 2, 3 бо Фармони Президннти Ҷумҳурии Тоҷикистон ва мутобиқи тартиби муқарраргардида аз ҷониби суд сурат мегирад.
13. Ба кормандони макомоти прокуратура, ки рутбаи дараҷавӣдоранд, ба андозаҳое, ки Президенти Ҷумҳурии Тоҷикистон муайян мекунад, иловапулӣдода мешаванд.
14. Кормандони мақомоти прокуратура, ки рутбаи дараҷавӣдоранд, ҳангоми иҷрои вазифаҳои хизматӣбояд либоси расмии дорои нишонаҳои фарқкунандаи муқарраргардида дошта бошанд.
