Бо қарори Ҳукумати Ҷумҳурии Тоҷикистон   аз "1" ноябри 2019, № 549 тасдиқ шудааст.

 

Тартиби ҳисоби собиқаи хизмат, таъин ва пардохти нафақаю кумакпулӣба шахсони дар Ҷумҳурии Тоҷикистон хизмати ҳарбиро адонамуда, шахсони ҳайати қаторӣва роҳбарикунандаи мақомоти корҳои дохилӣ, системаи иҷрои ҷазои ҷиноятӣва шахсони дорои рутбаҳои махсус дар мақомоти гумрук, воҳиҳои собиқполитсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии аз хизмат рухсатшуда ва аъзои оилаи онҳо

 

1. МУҚАРРАРОТИ УМУМӢ

1. Тартиби мазкур мутобиқи Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" таҳия гардида, тартиби ҳисоби собиқаи хизмат, таъин ва пардохти нафақаю кумакпулӣ ба шахсони дар Ҷумҳурии Тоҷикистон хизмати ҳарбиро адонамуда, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии аз хизмат рухсатшуда ва аъзои оилаи онҳоро (минбаъд - Тартиби мазкур) муайян менамояд.

2. ҲИСОБ НАМУДАНИ СОБИҚАИ ХИЗМАТ БАРОИ ТАЪИНИ НАФАҚА

2. Ба собиқаи хизмат барои таъини нафақа баъд аз рухсат шудан аз хизмат ба афсарон, прапоршикон, мичманҳо, хизматчиёни ҳарбии зиёдамуҳлат ва ба тариқи ихтиёрӣё аз рӯи қарордод дар вазифаҳои ҳайати сержантӣва қатории хизмати ҳарбиро адонамуда (минбаъдхизматчиёни ҳарбӣ), шахсони ҳайати қаторӣва роҳбарикунандаи мақомоти корҳои дохилӣ, системаи иҷрои ҷазои ҷиноятӣва шахсони дорои рутбаҳои махсус дар мақомоти гумрук, воҳидҳои собиқполитсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣва мубориза бо коррупсия, судяҳои суди ҳарбӣва кормандони мақомоти прокуратураи ҳарбӣҳисоб карда шавад:

- хизмати ҳарбӣ(аз ҷумла аз рӯи даъват) дар Қувваҳои Мусаллаҳ, қӯшунҳои сарҳади, дохилӣва роҳи оҳан, қӯшунҳои мудофиаи гражданӣ, мақомоти амният ва разведкаи берунӣ, воҳидҳои дигари ҳарбии мутобиқи қонунгузорӣтаъсисдодаи Ҷумҳурии Тоҷикистон, собиқИттиҳоди Ҷумҳуриҳои Шӯравии Сотсиалистӣ(минбаъд - ИҶШС) ва дар Қувваҳои Мусаллаҳи Муттаҳидаи Иттиҳоди Давлатҳои Мустақил;

- хизмат дар мақомоти амнияти собиқ ИҶШС дар вазифаҳои ҳайати оперативӣ (бо дар назар доштани давраи омӯзиш), ҳайати роҳбарикунанда ва фармондеҳӣ то 1 октябри соли 1995, аз рӯи рӯйхати вазифаҳои аз тарафи роҳбари мақомоти амнияти миллии Ҷумҳурии Тоҷикистон тасдиқгардида;

- хизмат дар мақомоти корҳои дохилӣ, воҳидҳои ҳарбикунонидашудаи муҳофизати сӯхтор, муассисаҳо ва ҷузъу томҳои дигари мақомоти корҳои дохилӣ, системаи иҷрои ҷазои ҷиноятии (ҳифзи тартиботи чамъиятии) Ҷумҳурии Тоҷикистон ва собиқ ИҶШС дар вазифаҳои ҳайати сержантӣ, қаторӣ ва роҳбарикунанда (аз ҷумла дар вазифаҳои таҷрибаомӯзон);

- хизмат дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия ба сифати шахсони дорои рутбаҳои махсус, дар мақомоти прокуратураи ҳарбии Ҷумҳурии Тоҷикистон, коллегияи ҳарбии Суди Олии Ҷумҳурии Тоҷикистон, судҳои ҳарбии гарнизонҳои Ҷумҳурии Тоҷикистон;

- хизмати ҳарбӣ дар Қувваҳои Мусаллаҳ (артишҳо, қӯшунҳо), мақомоти амният, сохторҳои дигари ҳарбии мутобиқи қонунгузорӣ таъсисдодашуда ва хизмат дар мақомоти корҳои дохилӣ (политсия), системаи иҷрои ҷазои ҷиноятии давлатҳои иштирокчии Иттиҳоди Давлатҳои Мустақил ва давлатҳои дигари ба ҳайати Иттиҳод дохилнашаванда, ки бо онҳо Ҷумҳурии Тоҷикистон ё собиқ ИҶШС созишномаҳо (шартномаҳо) оид ба таъминоти иҷтимоии пешбиникунандаи баҳисобгирии мутақобил ба собиқаи хизмат барои таъин намудани нафақаи хизматчиёни ҳарбии аз хизмат рухсатшуда, шахсони ҳайати қаторӣ ва роҳбарикунандаи мақомоти корҳои дохилӣ (политсия), системаи иҷрои ҷазои ҷиноятии хизмати онҳо дар давлатҳои дигар (аз ҷумла хизмати шахсони ҳарбӣ, шахсони ҳайати қаторӣ ва роҳбарикунандаи мақомоти корҳои дохилии ин давлатҳо дар ҳолатҳои дар сархати ёздаҳуми банди мазкур нишондодашуда);

- хизмат ба сифати сохтмончиёни ҳарбӣ дар отрядҳои (қисмҳои) ҳарбию сохтмонӣ;

- вақти дар тайёрии амалии ҳавонавардӣ будани шахсони ба хизмати ҳарбӣ даъватшуда ва таҳсил барои афсари эҳтиётии ҳайати парвозкунанда дар сохтори собиқ Ҷамъияти ихтиёрии мададрасони артиш, авиатсия ва флоти (ҶИМАФ) собиқ ИҶШС ва "Ташкилоти мададгори мудофиа"-и Ҷумҳурии Тоҷикистон - на пештар аз 1 январи соли 1961;

- давраи будубош дар ҷамъомадҳои ҳарбӣ - на пештар аз 2 майи соли 1994;

- хизмат дар баталионҳои қиркунанда, взводҳо ва отрядҳои муфоҳизати халқ, ки дар ҳудуди Украина, Беларус, Латвия, Литва ва Эстония фаъолият доштанд, - дар давраҳои аз 1 январи соли 1944 то 31 декабри соли 1951 ба ҳайси ҷанговарони дар реҷаи фавқулода ва инчунин дар вазифаҳои ҳайати роҳбарикунанда будан;

- давраи кори афсарон ва шахсони ҳайати роҳбарикунанда дар мақомоти ҳокимияти давлатӣ ва идоракунӣ, вазоратҳои ғайринизомӣ, муассиса ва ташкилот бо нигоҳ доштани онҳо дар хизмати ҳарбӣ ё ин ки кадрҳои (захираҳои амалкунандаи) мақомоти корҳои дохилӣ (ҳифзи тартиботи ҷамъиятӣ) ва системаи иҷрои ҷазои ҷиноятии Ҷумҳурии Тоҷикистон ва собиқ ИҶШС;

- давраи кори собиқ шахсони ҳайати қаторӣ ва роҳбарикунанда дар мақомоти Шӯроҳои вакилони халқӣ баъд аз 23 октябри соли 1973, агар шахсони номбурда аз хизмат дар мақомоти корҳои дохилӣ бо сабаби интихоби онҳо ба ҳайси вакил ба вазифаҳои интихобӣ дар мақомоти шӯроҳои вакилони халқӣ рухсат шуда, ба хизмат баъди ба охир расидани ваколатҳояшон аз рӯи вазифаи интихобӣ баргаштаанд;

- давраи кор то қабул шудан ба хизмат дар мақомоти корҳои дохилӣ, системаи иҷрои ҷазои ҷиноятӣ ба ҳайси коргар ва хизматчиёни муассисаҳои ислоҳотӣ, изоляторҳои тафтишотӣ, нуқтаҳои транзитӣ- интиқолӣ, профилакторияҳои табобатӣ-меҳнатӣ ва муассисаҳои табобатии ҷойҳои маҳрумият аз озодӣ;

- давраи дар асирӣ, иҳота ва тафтишоти махсус будани хизматчиёни ҳарбӣ (аз ҷумла тибқи даъват хизматро адонамуда), агар ихтиёран асир набошад ва ҳангоми дар асирӣ будан хизматчии ҳарбӣ бар зидди Ватан ҷиноят содир накарда бошад;

- давраи нигоҳ доштан дар маҳкумият, давраи адои ҷазои ҷиноятӣ дар ҷойҳои маҳрумият аз озодӣ ва дар бадарға будани хизматчиёни ҳарбӣ (аз ҷумла тибқи даъват хизмати ҳарбиро адонамуда), шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ, ки беасос ба ҷавобгарии ҷиноятӣ кашида шудаанд, беасос табъид (репрессия) ва баъдан сафед карда шудаанд;

- давраи таваққуф дар хизмати хизматчиёни ҳарбӣ, шахсони ҳайати каторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ дар ҳолатҳои аз хизмат ғайриқонунӣ рухсат намудан ва минбаъд барқарор намудани онҳо, ки қонунгузорӣ пешбинӣ намудааст;

- давраи дар амалиётҳои ҷангӣ (муноқишаҳо) иштирок кардани шахсони ба ҳайати ҷузъу томҳои ҳарбикунонидашуда воридгардида ҳангоми ҳимояи сохти конститутсионии Ҷумҳурии Тоҷикистон аз 27 апрели соли 1992 то 31 декабри соли 1993.

3. Ба собиқаи хизмат ҷиҳати таъин намудани нафақа ба хизматчиёни ҳарбии мақомоти амнияти миллӣ ва шахсони ҳайати роҳбарикунандаи мақомоти корҳои дохилӣ, ки ба хизмат то 1 январи соли 1991 қабул шудаанд, давраи кори онҳо то қабул шудан ба хизмат, ки мувофиқи қонунгузории пештар амалкунанда ҷиҳати пардохти фоизи иловапулӣ барои собиқаи хизмат ба назар гирифта шудааст, дохил карда шавад.

4. Ба собиқаи хизмат ҷиҳати таъин намудани нафақа ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ мувофиқи шартҳои имтиёзнок чунин ҳисоб карда шавад:

а) як моҳи хизмат баробар ба се моҳ:

- дар қисмҳои ҳарбӣ, ситодҳо ва муассисаҳои ба ҳайати артиши амалкунанда дохилшаванда, дар отрядҳо ва воҳидҳои шӯравии партизанӣ дар давраи амалиётҳои ҷангӣ;

- дар қисмҳои ҳарбӣ, ситодҳо ва муассисаҳои ба ҳайати артиши амалкунанда дохилнабуда ва мақомоти корҳои дохилӣ, ки дар давраи Ҷанги Бузурги Ватанӣ дар шаҳрҳои қаҳрамони Одесса - аз 10 август то 16 октябри соли 1941, Санкт-Петербург (собиқ Ленинград) - аз 8 сентябри соли 1941 то 27 январи соли 1944, Севастопол - аз 5 ноябри соли 1941 то 4 июли соли 1942 ва Сталинград - аз 12 июл то 19 ноябри соли 1942 қарор доштанд;

- вақти пайваста дар табобати муассисаҳои табобатӣ қарор доштан бо сабаби ярадоршавӣ, контузия, маслуқшавӣ ё бемории дар қисмҳои ҳарбӣ, ситодҳо ва муассисаҳо гирифташуда, ки ба ҳайати артиши амалкунанда ворид шудаанд;

- давраи иштироки хизматчиёни ҳарбӣ (аз он ҷумла хизмати ҳарбиро тибқи даъват адонамуда), инчунин шахсони дар сархати ҳаштуми банди 2 Тартиби мазкур зикргардида, дар амалиётҳои ҷангӣ оид ба барҳам додани ҷунбиши пинҳонкоронаи миллатгароӣ дар ҳудуди Украина, Беларус, Латвия, Литва ва Эстония дар давраи аз 1 январи соли 1944 то 31 декабри соли 1951 ва дар сурати ярадоршавӣ, контузия ё маслуқшавӣ дар ин амалиётҳо, инчунин вақти пайваста дар табобат қарор доштан дар муассисаҳои табобатӣ;

- дар ҳайати корпуси 64 авиатсионии қиркунанда, ки дар амалиётҳои ҷангӣ дар давраи аз ноябри соли 1950 то июли соли 1953 иштирок кардаанд;

- дар қисмҳои ҳарбӣ, ситодҳо ва муассисаҳои дар ҳудуди Венгрия ҷойгиршуда дар давраи амалиётҳои ҷангӣ дар ин давлат - аз 24 октябр то 10 ноябри соли 1956 ва дар сурати дар ин давра ярадорӣ, контузия ё маслуқӣ гирифтан, инчунин давраи пайваста дар табобат будан дар муассисаҳои табобатӣ;

- дар давлатҳое, ки артиши онҳо амалиётҳои ҷангӣ мебурданд ё ин ки ба давлатҳои дигар кумаки ҳарбӣ мерасониданд, ба мутахассисони ҳарбии ҳайати авиатсионӣ, ки ба ин давлатҳо сафарбар карда шуданд, новобаста аз иштироки онҳо дар амалиётҳои ҷангӣ, дар давраи аз 1 январи соли 1961 то 31 декабри соли 1982;

- дар ҳудуди Ҷумҳурии Исломии Афғонистон, инчунин дар давлатҳои дигар, ки дар онҳо амалиётҳои ҷангӣ гузаронида мешуданд (тибқи номгӯй ва давраҳои бо қарори Маҷлиси Олии Ҷумҳурии Тоҷикистон аз 7 апрели соли 1995, №60 пешбинигашта), агар хизматчиёни ҳарбӣ (аз он ҷумла тибқи даъват хизмати ҳарбиро адонамуда), шахсони ҳайати қаторӣ ва роҳбарикунандаи мақомоти корҳои дохилӣ дар ин амалиётҳо иштирок намудаанд (ба ғайр аз онҳое, ки барои паст задани шаъни хизматчии ҳарбӣ, ҳайати қаторӣ ва фармондеҳӣ аз хизмат рухсат шудаанд ё ин ки аз ин давлатҳо аз сафар ҷавоб шудаанд) ва вақти табобати муттасил дар муассисаҳои табобатӣ бо сабабҳои ярадоршавӣ, контузия, маслуқшавӣ ё ин ки бемории дар ин давлатҳо гирифташуда;

- дар корҳо вобаста ба бартарафкунии оқибатҳои садама дар неругоҳи барқи атомии Чернобил ва пешгирӣ намудани заҳролудшавии муҳити атроф дар минтақаи бегонашуда (дар ҳудуде, ки аз он аҳолӣ дар соли 1986 кӯчонида шудааст) дар давраи аз 26 апрели соли 1986 то 31 декабри соли 1987;

- давраи иҷрои вазифаҳо оид ба нигоҳдории реҷаи ҳолати фавқулода аз 23 октябри соли 1992 то 12 августи соли 1994;

- давраи нигоҳ доштан дар маҳкумияти пешакӣ, адои ҷазои ҷиноятӣ дар ҷойҳои маҳрумият аз озодӣ ва дар бадарға будани хизматчиёни ҳарбӣ (аз он ҷумла тибқи даъват хизмати ҳарбиро адонамуда), шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ, ки ба ҷавобгарии ҷиноятӣ беасос кашида шудаанд, табъид (репрессия) ва баъдан сафед карда шудаанд;

- давраи дар амалиётҳои ҷангӣ (муноқишаҳо) иштирок кардани шахсони ба қисмҳои ҳарбикунонидашуда воридгардида, ҳангоми ҳимояи сохти конститутсионии Ҷумҳурии Тоҷикистон аз 27 апрели соли 1992 то 31 декабри соли 1993;

- давраи иштирок дар амалиётҳои зиддитеррористӣ мутобиқ ба он давраҳо;

б) як моҳи хизмат баробар ба ду моҳ:

- дар давраи Ҷанги Бузурги Ватанӣ дар қисмҳои ҳарбӣ, ситодҳо ва муассисаҳои ба ҳайати артиши амалкунанда вориднашуда ва мақомоти корҳои дохилӣ (ба ғайр аз ҳолатҳои дар сархатҳои сеюм ва панҷуми зербанди а) банди мазкур нишондодашуда);

- давраи дар асирӣ будани хизматчиёни ҳарбӣ (аз ҷумла тибқи даъват хизмати ҳарбиро адонамуда) дар давраи Ҷанги Бузурги Ватанӣ, агар асирӣ ихтиёрӣ набуд ва хизматчии ҳарбӣ ҳангоми дар асирӣ будан бар зидди Ватан ҷиноят содир накарда бошад, инчунин дар ин давра бо риояи шарти мазкур дар конслагерҳои фашистӣ ва ҷойҳои дигари нигоҳдории маҷбурӣ будани шахсони ҳайати қаторӣ ва роҳбарикунандаи мақомоти корҳои дохилӣ;

- дар корҳои ҳавонавардӣ дар авиатсияи реактивӣ ва турбовинтӣ бо шартҳои муқаррарнамудаи вазири мудофиаи Ҷумҳурии Тоҷикистон;

- дар қувваҳои ҳарбӣ-ҳавоӣ ва мудофиаи зиддиҳавоии Қувваҳои Мусаллаҳи Ҷумҳурии Тоҷикистон, ба хизматчиёни ҳарбии хизмати ҳарбиро дар иншооти зеризаминӣ (қаърӣ) адонамуда аз 15 апрели соли 1995, аз рӯи номгӯйи воҳидҳо ва вазифаҳои аз тарафи вазири мудофиаи Ҷумҳурии Тоҷикистон тасдиқгардида;

- дар идора ва муассисаҳои мақомоти корҳои дохилӣ тибқи замимаи Тартиби мазкур;

- дар давлатҳое, ки артиши онҳо амалиёти ҷангӣ гузаронидаанд ё ба давлатҳои дигар кумаки ҳарбӣ расонидаанд - ба мутахассисони ҳарбии (ба ғайр аз ҳайати парвозкунанда) ба ин давлатҳо сафарбаркардашуда, новобаста аз иштироки онҳо дар амалиётҳои ҷангӣ, дар давраи аз 1 январи соли 1961 то 31 декабри соли 1982;

- дар маҳалҳои баландкӯҳ дар баландии 2500 метр ва аз ин зиёд аз сатҳи баҳр: барои хизматчиёни ҳарбӣ - аз 1 январи соли 1976, барои ҳайати қаторӣ ва роҳбарикунандаи мақомоти корҳои дохилӣ ва муассисаҳои системаи иҷрои ҷазои ҷиноятӣ - аз 1 майи соли 1985, барои шахсони дорои рутбаҳои махсус дар мақомоти гумрук - аз 1 феврали соли 1992, дар воҳидҳои собиқ политсияи андоз аз 1 феврали соли 1996, дар Агентии назорати маводи нашъаовар - аз 1 июни соли 1999, дар воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия - аз 10 январи соли 2007, барои кормандони прокуратураи ҳарбӣ аз 25 июни соли 1993;

- дар муассисаҳои иҷрои ҷазои ҷиноятӣ, ки барои нигоҳдорӣ ва табобати маҳкумшудагони гирифтори бемориҳои сирояткунанда ва нигоҳдории якумра маҳкумшудагон пешбинӣ шудаанд, барои ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ, ки баъди 13 августи соли 1994 рухсат шудаанд;

- давраи будубоши хизматчиёни ҳарбӣ, ки хизмати ҳарбиро тибқи даъват дар амалиётҳои ҷангӣ ё иҷрои вазифаҳо дар шароити муноқишаҳои ҳарбӣ адо намудаанд, инчунин давраи дар муассисаҳои тиббӣ буданашон вобаста ба гирифтани ярадорӣ, контузия, маслуқӣ ё бемориҳои дар ҳамин давра гирифташуда;

- дар ҷузъу томҳои бевосита бар зидди терроризм муборизабаранда.

в) як моҳи хизмат баробар ба якуним моҳ:

- дар маҳалҳои баландкӯҳ дар баландии аз 1500 то 2500 метр аз сатҳи баҳр барои хизматчиёни ҳарбӣ аз 1 апрели соли 1973, барои шахсони ҳайати қаторӣ ва роҳбарикунандаи мақомоти корҳои дохилӣ ва системаи иҷрои ҷазои ҷиноятӣ - аз 1 майи соли 1985, барои шахсони дорои рутбаҳои махсус дар мақомоти гумрук - аз 1 феврали соли 1992, дар воҳидҳои собиқ политсияи андоз - аз 1 феврали соли 1996, дар Агентии назорати маводи нашъаовар - аз 1 июни соли 1999, дар воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия - аз 10 январи соли 2007 ва барои кормандони прокуратураи ҳарбӣ аз 25 июни соли 1993;

- дар маҳалҳои баландкӯҳ дар баландии аз 1000 то 1500 метр аз сатҳи баҳр, ба тариқи истисно бошад, аз ин ҳам пасттар, мутобиқи номгӯи қисмҳои ҳарбӣ, воҳидҳо ва муассисаҳое, ки аз тарафи вазири мудофиаи Ҷумҳурии Тоҷикистон ва роҳбарони вазорату идораҳои дар онҳо хизмати ҳарбӣ пешбиншуда, тасдиқ гардидааст - аз 1 январи соли 1988;

- дар маҳалҳои дорои шароити номусоиди иқлимӣ ва экологии Ҷумҳурии Тоҷикистон - аз 1 январи соли 1988:

- шаҳри Истиқлол (собиқ Табошар), ноҳияи Айнӣ, шаҳракҳои Адрасмон ва Зарнисори шаҳри Гулистони (собиқ Олтин-Топкан) вилояти Суғд;

- шаҳри Левакант (собиқ Сарбанд), ноҳияҳои Носири Хусрав, Қубодиён, Панҷ, Фархор, Шаҳритуз ва Ёвони вилояти Хатлон;

- шаҳри Турсунзода;

- дар ҳудуди боқимондаи Ҷумҳурии Тоҷикистон (ба ғайр аз маҳалҳои дар зербанди б) банди 4 ва сархатҳои якум, дуюм ва сеюми зербанди в) банди мазкур) - аз 1 январи соли 1988 то 31 декабри соли 2004;

- дар воҳидҳои таъиноти махсуси мақомоти амнияти миллӣ, ки барои таъмини амнияти шахсони муҳофизатшаванда вобаста мебошанд, тибқи муҳлат ва номгӯйи воҳидҳои аз тарафи роҳбари мақомоти амнияти миллии Ҷумҳурии Тоҷикистон тасдиқгардида;

- хизмат дар воҳидҳои садамавию наҷотдиҳии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон тибқи номгӯйи воҳидҳои аз тарафи раиси Кумитаи мазкур тасдиқгардида.

5. Хизмати ҳарбии аз рӯи даъват ба сифати сарбоз, маллоҳ, сержант ва старшина (пештар - хизмати муҳлатноки ҳарбӣ), ба ғайр аз давраҳое, ки бояд ба собиқаи хизмат бо шартҳои имтиёзноки пешбинишуда барои хизматчиёни ҳарбии қисмҳои ҳарбӣ, ситодҳо ва муассисаҳои артиши амалкунанда, хизматчиёни ҳарбии дар давраи Ҷанги Бузурги Ватанӣ хизмати ҳарбиро адонамуда ё дар асирибуда, дар бартарафкунии оқибатҳои садамаи неругоҳи барқи атомии Чернобил ва дар амалиётҳои ҷангӣ иштирокнамуда ё ин ки беасос ба ҷавобгарии ҷиноятӣ кашидашуда ва ё табъидгардида ба ҳисоб гирифта шаванд, ба собиқаи хизмат барои таъин намудани нафақа бо ҳисоби тақвимӣ ҳисобида шавад.

6. Занҳое, ки ихтиёран ба хизматии ҳарбӣ ба вазифаҳои сарбозон, маллоҳон, сержантҳо ва старшинаҳо (собиқ занон -хизматчиёни ҳарбӣ) даъват шудаанд, давраҳои хизмати дар банди 4 Тартиби мазкур нишондодашуда ба собиқаи хизмати онҳо барои таъини нафақа мувофиқи шартҳои имтиёзноки дахлдор на пештар аз 5 августи соли 1976 ҳисоб карда шавад.

7. Хизмати хизматчиёни ҳарбии мақомоти контрразведкаи ҳарбии мақомоти амнияти миллии Ҷумҳурии Тоҷикистон ва шуъбаҳои махсуси Кумитаи давлатии бехатарии собиқ ИҶШС, ки дар шароити якхелаи хизмат бо ҳайати шахсии қисмҳои ҳарбӣ ва воҳидҳои таъминкунанда қарор доранд, ба собиқаи хизмат барои таъини нафақа мутобиқи шартҳои имтиёзнок ва тартиби барои хизматчиёни ҳарбии ҳамин қисмҳои ҳарбӣ ва воҳидҳо муқарраргардида ҳисоб карда шавад.

8. Ҳангоми мавҷуд будани ду ё зиёда асос барои бо шартҳои имтиёзнок ҳисоб намудани ҳамон як давраи хизмат, собиқаи хизмат барои таъини нафақа бо як асос, ки имтиёзи бештар медиҳад, ҳисоб карда шавад.

9. Хизмати хизматчиёни ҳарбӣ то 15 майи соли 1992 (шахсони ҳайати қаторӣ ва роҳбарикунандаи мақомоти корҳои дохилӣ то 21 декабри соли 1993) дар маҳалҳои дур ва баландкӯҳ, ноҳияҳои дорои шароити иқлими номусоид, дар шароитҳои дигари махсуси хизмат (дар авиатсия, дар киштиҳои гуногун, киштиҳои флоти ҳарбии баҳрӣ, воҳидҳои махсус) дар ҳудуди ҷумҳуриҳое, ки ба ҳайати собиқ ИҶШС пештар дохил мешуданд (аз ҷумла ҳудуди Ҷумҳурии Тоҷикистон), ба собиқаи хизмат барои таъини нафақа бо шартҳои имтиёзноки дахлдори тибқи санадҳои меъёрии ҳуқуқии собиқ ИҶШС (бо дар назар доштани зербанди в) банди 4 Тартиби мазкур) муқарраргашта, ба ҳисоб гирифта шавад.

10. Аз 15 майи соли 1992 хизмати хизматчиёни ҳарбӣ (аз 21 декабри соли 1993 хизмати ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ) берун аз ҳудуди Ҷумҳурии Тоҷикистон дар ҳудуди давлатҳои дигари иштирокчиёни Иттиҳоди Давлатҳои Мустақил, дар маҳалҳои дур ва баландкӯҳ, маҳалҳои дорои шароити иқлими номусоид, шароитҳои дигари махсуси хизмат ба собиқаи хизмат барои таъини нафақа бо шартҳои имтиёзноки дахлдори тибқи қонунгузории давлатҳое, ки дар он адои хизмат намудаанд, то аз ҷониби ин давлатҳо қабул шудани санадҳои қонунгузорӣ оид ба ин масъала - мутобиқи санадҳои меъёрии ҳуқуқии собиқ ИҶШС ба ҳисоб гирифта шавад.

11. Ба собиқаи умумии меҳнатӣ барои таъини нафақа мутобиқи моддаи 18 Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" дар қатори давраҳои хизмат, кор ва фаъолияти дигари бо банди 2 Тартиби мазкур нишондода, ба ҳисоби тақвимӣ ҳамчунин давраҳои кор, фаъолияти меҳнатӣ ва давраҳои дигар бо шарт ва тартиби муқаррарнамудаи Қонуни Ҷумҳурии Тоҷикистон "Дар бораи таъмини нафақаи шаҳрвандони Ҷумҳурии Тоҷикистон" ва Қонуни Ҷумҳурии Тоҷикистон "Дар бораи нафақаҳои суғуртавӣ ва давлатӣ" ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ, ки аз хизмат вобаста ба расидан ба синни ниҳоӣ рухсат шудаанду 25 соли тақвимӣ ва зиёда аз он собиқаи умумии корӣ доранд, ки аз он на камтар аз 12 солу шаш моҳашро хизмати ҳарбӣ (хизмат) ё хизмат дар мақомоти дар банди 1 ҳамин Тартиб зикршуда ташкил медиҳад, собиқаи меҳнатии шаҳрвандии онҳо дохил карда шаванд. Ҳисоби собиқаи умумии меҳнатӣ бо тартиби муқаррарнамудаи қонунҳои болозикр, санадҳои дигари меъёрии ҳуқуқӣ доир ба масъалаҳои ҳисоби собиқаи меҳнатӣ барои таъини нафақа аз рӯи синну сол, бе истифодаи шартҳои имтиёзноки ҳисоби собиқа сурат мегирад.

3. ТАЪИН ВА ПАРДОХТИ НАФАҚАЮ КУМАКПУЛӢ

12. Нафақаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбӣ аз маблағи таъминоти пулии онҳо, ки дар бандҳои 13 ва 14 Тартиби мазкур нишон дода шудааст, бо зиёдкунии (индексатсияи) ин таъминоти пулӣ дар рӯзи таъин ё бозҳисобии нафақаи онҳо ҳисоб карда шавад.

13. Ба таъминоти пулӣ барои таъини нафақа бо тартиби дар банди 12 Тартиби мазкур муқарраргардида инҳо дохил мешаванд:

- ба хизматчиёни ҳарбии (ба ғайр аз дар сархатҳои сеюм, панҷум, шашум ва ҳафтуми банди мазкур нишондодашуда) аз хизмати ҳарбӣ рухсатшуда - маош аз рӯи вазифаи ишғолнамудаи охирин (бо дар назар доштани сархати дуюми банди мазкур), маош аз рӯи рутбаи ҳарбӣ ба рӯзи рухсатшавӣ додашуда ва фоизи иловапулӣ барои собиқаи хизматии аз ин маошҳо ҳисобкардашуда;

- ба афсарони бо вазъи саломатӣ ё синну сол аз кори ҳавонавардӣ ба вазифаҳои бо маоши пасттар гузаронидашуда, ки дар рӯзи гузаронидан дорои собиқаи хизматии зарурии ҳуқуқдиҳандаи таъини нафақа, мебошанд, ҳангоми рухсат шудани минбаъдаи онҳо аз хизмати ҳарбӣ, нафақаашон аз рӯи маоши вазифавии то гузаронидан ба вазифаи дигари ишғолнамуда таъин карда шавад. Бо ҳамин тартиб нафақаи афсарони аз хизмати ҳарбӣ рухсатшудаи дорои рутбаҳои полковник ва ба ӯ баробар ё баландтар, ки бо зарурати хизматӣ, вазъи саломатӣ, синну сол аз вазифаҳое, ки онҳо на камтар аз се сол ишғол намудаанд, ба вазифаҳои маоши вазифавиашон пасттар гузаронида шудаанд ва дар рӯзи гузаронидан дорои собиқаи хизматии ҳуқуқдиҳандаи таъини нафақа, таъин карда шавад;

- ба шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии рухсатшуда (ба ғайр аз онҳое, ки дар сархатҳои шашум ва ҳафтуми банди мазкур нишон дода шудаанд) - маош аз рӯи вазифаи штатии ишғолнамудаи охирин, маош аз рӯи рутбаи махсуси ба рӯзи рухсатшавӣ додашуда ва фоизи иловапулие, ки барои собиқаи хизмат аз рӯи ин маошҳо ҳисоб карда шудааст;

- ба шахсони ҳайати роҳбарикунандаи дорои рутбаҳои махсуси полковник ва баландтар, ки бо фармоиши роҳбари мақомоти дахлдор бо зарурати хизматӣ, бо вазъи саломатӣ ё синну сол аз вазифаҳое, ки онҳо дар муддати се сол ишғол намудаанд, ба вазифаҳои бо маоши пасттар гузаронида шудаанд ва дар рӯзи гузаронидан собиқаи хизматии зарурӣ барои таъини нафақа доштанд, нафақа ҳангоми рухсат шудани минбаъдаи онҳо аз хизмат, аз маошҳои вазифавие, ки то гузарондани зикршуда ишғол намуда буданд, таъин карда шавад;

- ба афсароне, ки аз хизмати ҳарбӣ то қабул гаштан ба иҷрои вазифаи штатӣ баъд аз хатми муассисаҳои таълимоти ҳарбӣ ё даъват аз эҳтиёт рухсат шудаанд, - маоши вазифавии муқарраршуда барои онҳо, маош аз рӯи рутбаи ҳарбии ба рӯзи рухсатшавӣ додашуда ва фоизи иловапулӣ барои собиқаи хизмат, ки аз рӯи ин маошҳо ҳисоб карда шудааст, агар хизматчии ҳарбӣ ҳуқуқи гирифтани ин иловапулиро дошта бошад;

- ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ, ки барои кор ба мақомоти олии ҳокимият ва идораи давлатӣ, вазоратҳо, идораҳо ва ташкилоти ғайринизомӣ фиристода шуда буданд ва дар баробари маоши вазифавӣ маошро аз рӯи рутбаи ҳарбӣ ё махсус ва фоизи иловапулӣ барои собиқаи хизматӣ мегирифтанд, инчунин ба шахсони барои кор (гузаштани хизмати ҳарбӣ) берун аз Ҷумҳурии Тоҷикистон фиристодашуда (сафарбаршуда), ки таъминоти пулӣ (музди меҳнат)-ро бо асъори хориҷӣ мегирифтанд - маоши муқарраршуда аз рӯи вазифаи ишғолнамудаи то фиристода (сафарбар) шудан, маош аз рӯи рутбаи ҳарбии (махсуси) ба рӯзи рухсатшавӣ додашуда ва фоизи иловапулӣ барои собиқаи хизматии аз ин маошҳо ҳисобкардашуда;

- ба шахсоне, ки бевосита пеш аз рухсат шудан танҳо музди меҳнати бо тартиб ва андозаи муқаррарнамудаи кормандони мақомот, вазоратҳо, идораҳо ва ташкилотҳои ба онҳо сафарбаршуда мегирифтанд - маоши вазифавии муқарраршуда аз рӯи вазифаи мушобеҳи барои афсарон ва ҳайати муносиби роҳбарикунанда дар мақомоти дахлдор қарордошта, маош аз рӯи рутбаи ҳарбӣ (рутбаи махсус), ки ба рӯзи рухсатшавӣ дода шудаанд ва иловапулӣ, ки барои собиқаи хизмат аз рӯи ин маошҳо ҳисоб карда шудааст.

14. Ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбии аз хизмат рухсатшуда, ки пеш аз рухсатшавӣ маошҳои вазифавии персоналӣ ё ин ки маоши таъминоти пулии барои хизмат дар маҳалҳои дурдаст, баландкӯҳ ва дорои шароити номусоиди иқлимӣ, вобаста ба иҷрои супоришҳои махсус мегирифтанд, нафақа на аз рӯи маоши персоналӣ ё зиёдгардида, балки аз рӯи маошҳои муқаррарӣ таъин карда шавад.

15. Ба аъзои оилаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбии вафоткарда (ҳалокшуда) нафақа аз маблағи таъминоти пулии шахсони номбурда, ки аз рӯи он нафақа ба саробон мебоист ҳисоб мешуд, бо болоравии (индексатсияи) ин маоши таъминоти пулӣ ба рӯзи таъинот ё бозҳисобии нафақаи аъзои оила таъин карда шавад. Дар ин маврид сархатҳои дуюм ва чоруми банди 13 Тартиби мазкур татбиқ намегарданд.

16. Ба аъзои оилаи нафақахӯрони фавтида, аз ҷумлаи хизматчиёни ҳарбӣ, шахсони ҳайати каторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ нафақаҳо аз маблағи таъминоти пулӣ, ки мутобиқи он нафақа ба саробон ҳисоб (бозҳисобӣ) шуда буд (бандҳои 12-14 Тартиби мазкур), бо зиёдкунии (индексатсияи) ин таъминоти пулӣ ба рӯзи таъин ё азнавҳисобкунии нафақа таъин карда шавад.

17. Ҳангоми таъин ё аз нав барқарор намудани пардохти нафақа дар Ҷумҳурии Тоҷикистон ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои назорати маводи нашъаовари давлатҳои иштирокчии Иттиҳоди Давлатҳои Мустақил ва давлатҳои дигар, ки бо онҳо Ҷумҳурии Тоҷикистон ё собиқ ИҶШС оид ба таъминоти иҷтимоӣ қарордодҳо (созишномаҳо) бастаанд, ба аъзои оилаи шахсони номбурда нафақаҳо аз таъминоти пулии мутобиқи қонунгузории Ҷумҳурии Тоҷикистон барои категорияҳои дахлдори хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои назорати маводи нашъаовар муқаррарнамуда, ҳангоми мушобеҳ будани вазъи хизматӣ ва шартҳои дигари баробари муайянкунанда, ки бо тартиби дар бандҳои 1216 Тартиби мазкур пешбинӣ шудааст, ҳисоб карда шаванд.

18. Дар ҳолатҳои бо қонунгузорӣ пешбинишудаи баландшавии индекси нархҳои истеъмолӣ, зиёдшавии таъминоти пулии хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбии дар хизмат қарордошта ё ин ки зиёдшавии андозаи ҳадди ақали нафақа аз рӯи синну соли мутобиқи қонун муқарраргардида, нафақаҳои дар доираи Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" таъингардида бо чунин тартиб аз нав ҳисоб карда шаванд:

- дар ҳолати баландшавии индекси нархҳои истеъмолӣ, нафақаҳои пештар таъингардидаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии аз хизмат рухсатшуда ва аъзои оилаи онҳо бо дар назар доштани баландшавии индекси нархҳои истеъмолӣ барои давраи дахлдори аз ҷониби мақомоти ваколатдори давлатӣ муайяншуда бо тартиб, андоза ва муҳлати тибқи қонунгузории Ҷумҳурии Тоҷикистон ва санадҳои меъёрии ҳуқуқии Ҷумҳурии Тоҷикистон дар бораи индексатсияи даромади пулии аҳолӣ муқарраршуда, зиёд (индексатсия) карда мешаванд;

- дар сурати зиёдшавии таъминоти пулии хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии дар хизмат қарордошта, ҳамзамон, нафақаҳои пештар таъингардидаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии аз хизмат рухсатшуда ва аъзои оилаи онҳо, агар сатҳи нафақаи ба онҳо пардохташаванда, бо дар назар доштани зиёдшавии (индексатсия) мувофиқи сархати якуми банди мазкур, то баландшавии таъминоти пулӣ пасттар аз сатҳи нафақаи тибқи шартҳои баробар аз таъминоти пулии зиёдкардаи гурӯҳҳои дахлдори хизматчиёни ҳарбӣ, шахсони ҳайати қаторӣ ва фармондеҳии мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук ва воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии аз хизмат рухсатшуда ва аъзои оилаи онҳо ҳисобшуда бошад.

19. Дар баробари ин, агар барои аз нав дида баромадан асос мавҷуд бошад, нафақаҳои пештар ба онҳо таъингардида тибқи меъёрҳои муқаррарнамудаи қонунгузорӣ аз рӯи маблағи таъминоти пулии зиёдкардашуда, ки мувофиқи тартиби пешбининамудаи бандҳои 12-22 Тартиби мазкур муайян карда шудааст, аз нав ҳисоб карда шаванд. Андозаи ҳадди ақали нафақа, инчунин иловапулиҳо ба нафақа ва зиёдкуниҳои нафақа дар асоси андозаи ҳадди ақали нафақа аз рӯи синну сол дар рӯзи муқаррарнамудаи қонунгузорӣ оид ба аз нав ҳисоб кардани нафақаи онҳо муайян мегардад.

20. Ҳангоми дар як вақт ба вуҷуд омадани ду асоси дар сархатҳои якум ва дуюми банди 18 Тартиби мазкур нишондодашуда барои азнавҳисобкунии нафақаҳои ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбӣ баъд аз рухсатшавӣ аз хизмат таъингардида ва аъзои оилаи онҳо азнавҳисобкунии нафақаҳо бо яке аз ин асосҳо - вобаста ба он ки андозаи баландшавии нафақаҳои пештар таъингардида бо кадоме аз онҳо зиёдтар бошад, аз нав дида баромада шаванд.

21. Ҳангоми зиёдшавии маошҳои вазифавии категорияҳои алоҳидаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбӣ ҷиҳати ба танзим даровардани таъминоти пулӣ, на бо сабаби зиёдшавии индекси нархҳои истеъмолӣ, нафақаи категорияҳои дахлдори пештар аз хизмат рухсатшудаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбӣ ва аъзои оилаи онҳо таъингардида мутобиқи бандҳои 18-20 аз нав дида баромада намешаванд.

22. Ҳангоми баланд бардоштани андозаи ҳадди ақали нафақа мувофиқи синну сол аз рӯзи баланд бардоштани он нафақаи пештар таъиншудаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии аз хизмат рухсатшуда ва аъзои оилаи онҳо, ки бо иловапулиҳои дахлдор ва зиёдшавиҳо дар ҳаҷми ҳадди ақал ва ё андозаи то ҳадди ақал нарасида, ки бо дар назар доштани ҳаҷми нави ҳадди ақали нафақаи мувофиқи синну сол муайян мегардад, бояд аз нав ҳисоб шавад, агар ҳамзамон барои аз нав дида баромадани нафақаи онҳо мутобиқи сархати дуюми банди 18 Тартиби мазкур асос набошад. Дар ин ҳолат нафақаҳои зикршударо дар асоси ҳаҷми нави ҳадди ақали нафақаи аз рӯи синну сол муқарраршуда дар рӯзи аз нав дида баромадани нафақа ҳисоб намоянд.

23. Дар он ҳолате, ки агар ҳангоми азнавҳисобкунии нафақаи пештар таъингардида вобаста ба зиёдшавии он (ҳангоми муқаррар намудани гурӯҳи боз ҳам баландтари маъюбӣ, зиёд гардидани собиқаи хизмат, таъини иловапулӣ ва дигар) нафақа бо андозаи наве, ки аз таъминоти пулии дар рӯзи азнавҳисобкунӣ бо дар назар доштани банди 12 Тартиби мазкур зиёдкардашуда (индексатсияшуда) дар якҷоягӣ бо иловапулиҳои дахлдори аз андозаи ҳадди ақали нафақаи дар ин рӯз муайянкардашуда аз нафақаи дар ҳолатҳои пештар (мутобиқи сархати якуми банди 18 Тартиби мазкур) таъингардида (индексатсияшуда) камтар бошад, пардохти нафақа ба андозаи пештара, то ҳуқуқ пайдо намудани нафақахӯр барои дар оянда зиёд намудани он нигоҳ дошта мешавад.

24. Ба нафақахӯрон аз ҷумлаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии аз хизмат рухсатшуда ва аъзои оилаи онҳо дар давраи истиқоматашон дар маҳалҳое, ки дар он ҷо ба музди меҳнати кормандон барои кор дар ноҳияҳои баландкӯҳ ва ноҳияҳои дорои шароити номусоиди иқлимӣ коэффитсиентҳо муқаррар гардидаанд, бо дар назар доштани коэффитсиентҳои муқарраргашта мутобиқи қонунгузории Ҷумҳурии Тоҷикистон дар ин ноҳияҳо нафақаҳо ҳисоб карда шаванд.

25. Ҳангоми рухсат шудан аз хизмат кумакпулии яквақта пардохт карда шавад:

- ба хизматчиёни ҳарбӣ (ба ғайр аз афсарони хизмати ҳарбиро тибқи даъват адонамуда), ки аз хизмати ҳарбӣ вобаста ба расидан ба синни ниҳоӣ дар хизмати ҳарбӣ, вазъи саломатӣ ё вобаста ба чорабиниҳои ташкилию вазифавӣ (штатӣ) рухсат шудаанд - дар ҳаҷми муқаррарнамудаи моддаи 21 Қонуни Ҷумҳурии Тоҷикистон "Дар бораи вазъи ҳуқуқии хизматчиёни ҳарбӣ", бо асосҳои дигар рухсатшудагон (ба ғайр аз онҳое, ки дар сархати охирини банди мазкур нишон дода шудаанд) - 40 фоизи ҳаҷми муқарраргашта. Ба афсарони тибқи даъват хизмати ҳарбиро адонамуда ҳангоми рухсатшавии онҳо ба эҳтиёт ё истеъфо (ба ғайр аз онҳое, ки бо асосҳои дар сархати охирини банди мазкур нишондодашуда рухсат шудаанд) кумакпулии яквақта ба андозаи ду маоши моҳонаи таъминоти пулӣ;

- ба шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбӣ (ба ғайр аз онҳое, ки дар сархати охирини банди мазкур нишон дода шудаанд), ки аз хизмат вобаста ба расидан ба синни ниҳоӣ дар хизмат, вазъи саломатӣ ё вобаста ба чорабиниҳои ташкилию вазифавӣ (штатӣ) рухсатшуда, ҳангоми давомнокии хизмат бо ҳисоби тақвимӣ дар ҳаҷми зерин:

- то 5 сол - 1 маоши таъминоти пулӣ;

- аз 5 то 10 сол - 2 маоши таъминоти пулӣ;

- аз 10 то 20 сол - 3 маоши таъминоти пулӣ;

- зиёда аз 20 сол - 4 маоши таъминоти пулӣ;

- ба хизматчиёни ҳарбӣ, ки дар давоми хизмати ҳарбӣ бо орденҳои давлатӣ ё унвонҳои фахрии собиқ ИҶШС ё Ҷумҳурии Тоҷикистон сазовор гаштаанд, андозаи кумакпулии яквақтаи дар сархати якуми банди мазкур нишондодашуда дар ҳаҷми ду маоши таъминоти пулӣ зиёд карда шавад;

- кумакпулии яквақта ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии аз хизмат рухсатшуда, барои солҳои пурраи собиқаи хизматӣ, бе яклухткунӣ бидуни зиёд кардан пардохт карда шавад;

- ба собиқаи хизмат барои пардохти кумакпулии яквақта ҳангоми рухсатшавӣ давраҳои хизмате, ки дар банди 2 Тартиби мазкур нишон дода шудаанд, бо ҳисоби тақвимӣ ба ҳисоб гирифта шаванд;

- дар сурати такроран ба хизмат даъват (қабул) шудани хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбӣ кумакпулии яквақтаро ҳангоми минбаъд аз хизмат рухсат шудани онҳо дар асоси собиқаи умумии хизмат дар рӯзи рухсатшавии охирин, бо дар назар доштани фарқияти кумакпулиҳои ҳангоми рухсатшавии пештар пардохташуда (бо маоши таъминоти пулии моҳона), вале на камтар аз ду маоши таъминоти пулӣ пардохт намоянд;

- ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбӣ, ки аз хизмат вобаста ба маҳрум шудан аз рутбаи ҳарбӣ (махсус), ба қувваи қонунӣ даромадани ҳукми суд, вайрон кардани тартиби муқаррарнамудаи қонунгузории Ҷумҳурии Тоҷикистон оид ба танзими анъана ва ҷашну маросим, бинобар маҳрум шудан аз шаҳрвандии Ҷумҳурии Тоҷикистон, номутобиқатӣ ба вазифа аз рӯи аттестатсия, барои паст задани шаъни баланди рутбаи ҳарбӣ рухсат шудаанд, кумакпулии яквақтаи дар банди мазкур муқарраршуда пардохт намегардад. Инчунин, ба хизматчиёни ҳарбие, ки аз хизмати ҳарбӣ вобаста ба гузаштан ба хизмат дар мақомоти корҳои дохилӣ, системаи иҷрои ҷазои ҷиноятӣ, мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судҳои ҳарбӣ, мақомоти прокуратураи ҳарбӣ ва шахсони аз ин мақомот вобаста ба даъват шудан ба хизмати ҳарбӣ рухсат шудаанд, кумакпулии яквақта пардохт намегардад.

26. Ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ (ба ғайр аз онҳое, ки дар банди 27 Тартиби мазкур нишон дода шудаанд), ки вобаста ба расидан хизмат ба синни ниҳоӣ дар хизмат, вазъи саломатӣ ё вобаста ба чорабиниҳои ташкилию вазифавӣ (штатӣ) бе ҳуқуқи таъини нафақа аз хизмат рухсат шудаанд, ҳангоми рухсатшавӣ дар баробари пардохти кумакпулии яквақта дар муддати як сол аз рӯзи рухсатшавиашон аз хизмат пардохти маош аз рӯи рутбаи ҳарбӣ (махсус) мутаносибан нигоҳ дошта мешавад. Дар ин маврид, агар дар давраи мазкур маошҳо аз рӯи рутбаи ҳарбии (махсус) хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбии дар хизматбуда баланд бардошта шаванд, ҳамчунин мутаносибан ҳаҷми ин маошҳо то ба охиррасии як сол баъд аз рухсатшавӣ аз хизмат зиёд карда мешаванд.

27. Ба афсарон ва шахсони ҳайати миёна, калон ва олии роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбӣ, ки пеш аз рухсатшавӣ аз хизмат дар мақомоти идоракунии давлатӣ, вазорату идораҳои ғайринизомӣ ва муассисаҳо кор кардаанд (сархати даҳуми банди 2 Тартиби мазкур) ва баъди аз хизмат рухсатшавӣ дар кори пештараашон мондаанд, инчунин ба афсарони дар хизмати ҳарбӣ тибқи даъват қарордошта, маош аз рӯи рутбаи ҳарбӣ (махсус) дар муддати як сол аз рӯзи рухсатшавӣ аз хизмат пардохт намегардад.

28. Кумакпулии яквақтаи бо банди 25 Тартиби мазкур пешбинигардида ба инҳо ҳисоб карда мешавад:

- ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбӣ (ба ғайр онҳое, ки аз дар сархати дуюми банди мазкур нишон дода шудаанд) - аз маоши пардохтшаванда аз рӯи вазифаи охирин ва маош аз рӯи рутбаи ҳарбӣ ё махсус дар рӯзи рухсатшавӣ аз хизмат;

- ба хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии барои кор дар мақомоти олии ҳокимияти идоракунии давлатӣ ва вазорату идораҳо ва муассисаю ташкилотҳои ғайринизомӣ сафарбаршуда, ки бевосита пеш аз рухсатшавӣ аз хизмат музди меҳнати бо тартиб ва андозаи барои кормандони ин мақомот, вазорату идораҳо ва муассисаҳо муқаррарнамударо гирифтаанд, аз маоши вазифавии дар рӯзи рухсатшавӣ аз хизмат ишғолнамуда ва ба онҳое, ки дар баробари маоши вазифавӣ, маош аз рӯи рутбаи ҳарбӣ ё махсус мегирифтанд - аз маошҳои зикршуда ба шахсони барои кор (гузаштани хизмати ҳарбӣ) берун аз Ҷумҳурии Тоҷикистон фиристодашуда (сафарбаршуда), ки таъминоти пулӣ (музди меҳнат)-ро бо асъори хориҷӣ гирифтаандмаош аз рӯи вазифаи то фиристода (сафарбар) шудан ишғолнамуда ва маош аз рӯи рутбаи ҳарбии (махсуси) ба рӯзи рухсатшавӣ додашуда.

29. Ба нафақахӯрон аз ҷумлаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбӣ, ки кор намекунанд ва ба аъзои оилаи онҳо кумакпулиҳо барои таваллуди кӯдак ва маросими дафни аъзои оилаи фавтидаашон, ки дар таъминоти онҳоянд, бо тартиб ва андозаҳои муқаррарнамудаи қонунгузорӣ оид ба суғуртаи иҷтимоӣ пардохт мегарданд.

30. Ҳангоми вафоти нафақахӯр аз ҷумлаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ ба аъзои оилаи фавтида ё дигар шахсони маросими дафни ӯро гузаронанда, ба андозаи нафақаи семоҳа (ҳиссаи нафақа), ки нафақахӯр то рӯзи вафоташ мегирифт, вале на камтар аз кумакпулии маросимии бо қонунгузории Ҷумҳурии Тоҷикистон муқарраргашта кумакпулӣ барои дафн пардохт карда шавад. Агар нафақахӯр аз ҳисоби давлат дафн карда шуда бошад, кумакпулӣ барои дафн пардохт намегардад.

31. Ба аъзои оилаи нафақахӯри фавтида аз ҷумлаи хизматчиёни ҳарбии афсарони олирутба ва калонрутба, шахсони ҳайати олӣ ва калони роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ, ки аз хизмат вобаста ба расидан ба синни ниҳоӣ дар хизмат ё бо вазъи саломатӣ рухсат шудаанду собиқаи хизматии 25 сол ва аз он зиёд доранд, новобаста аз таъини нафақа, бинобар бесаробон мондан, кумакпулии яквақта пардохт карда шавад: ба ҳамсар - ба андозаи нафақаи семоҳаи саробон ва ба ҳар як аъзои оилаи нафақахӯр - нафақаи моҳонаи нафақахӯр, ки то рӯзи вафоташ мегирифт, агар ин оилаҳо ҳуқуқи гирифтани маблағҳои суғуртавӣ ва кумакпулиҳои андозаашон баландтари мутобиқи қонунгузорӣ барои аъзои оилаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ, қаҳрамонони ИҶШС, Ҷумҳурии Тоҷикистон ва дорандагони ҳамаи дараҷаҳои ордени Шараф муқарраргардидаро надошта бошанд.

32. Ҳангоми муайян намудани андозаи кумакпулии бо банди 31 Тартиби мазкур муқарраргардида ба аъзои оилаи дорои ҳуқуқи гирифтани кумакпулӣ инҳо дохил мешаванд:

- ҳамсар, новобаста аз синну сол ва коршоямӣ;

- фарзандони то 18-сола ё аз ин синну сол боло, агар онҳо то 18солагӣ маъюб шудаанд ё ин ки дар рӯзи вафоти саробон дар муассисаҳои таълимии шакли рӯзона таҳсил менамоянд ва ба 23-солагӣ нарасидаанд;

- падару модари дар таъминоти шахсони фавтида буда (мардҳо63-сола, занҳо - 58-сола) ё агар маъюб бошанд.

33. Ба ҳамсарони нафақахӯри фавтида аз ҷумлаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ, ки барои худ ё фарзандонашон нафақаи бинобар ба бесаробон монданро намегиранд, кумакпулии яквақта ба андозаи нафақаи якмоҳаи саробон, ки дар рӯзи вафоташ мегирифт, пардохт карда шавад, агар онҳо ҳуқуқи гирифтани маблағҳои суғуртавӣ ва кумакпулиҳои яквақтаи андозаашон баландтарро, ки тибқи қонунгузорӣ барои оилаҳои вафоткарда аз ҷумлаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ, қаҳрамонони собиқ ИҶШС ва дорандагони ҳамаи дараҷаҳои ордени Шараф муқаррар шудаанд ё ин ки кумакпулиро тибқи бандҳои 31 ва 32 Тартиби мазкур надошта бошанд.

34. Нафақа ва кумакпулиҳои бо Тартиби мазкур (ба ғайр аз дар бандҳои 25-27 Тартиби мазкур зикргашта) ва инчунин кумакпулиҳои дигар ва ҷубронпулиҳои мутобиқи қонунгузорӣ барои категорияҳои дахлдори нафақахӯрон пешбинишуда, аз ҳисоби маблағҳои ҷудошаванда аз буҷети ҷумҳуриявӣ бо тариқи мутамарказ барои таъминоти нафақаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбии аз хизмат рухсатшуда ва аъзои оилаи онҳо пардохт карда шавад.

35. Кумакпулии яквақтаи бо банди 25 Тартиби мазкур пешбинишуда аз ҳисоби маблағҳои вазорату идораҳо, муассисаҳо, мақомоти идоракунии давлатӣ, ки пеш аз рухсатшавӣ дар онҳо хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ ва кормандони мақомоти прокуратураи ҳарбӣ адои хизмат ё кор намудаанд, пардохт карда мешавад.

36. Пардохти маош аз рӯи рутбаи ҳарбӣ ё махсус дар муддати як сол баъд аз рухсатшавӣ аз хизмат (бандҳои 26-27 Тартиби мазкур) аз ҳисоби маблағҳои Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Агентии назорати маводи нашъаовари назди Президенти Ҷумҳурии Тоҷикистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон тибқи мансубияти категорияҳои дахлдор нисбати таъминоти нафақаи онҳо пардохт мегардад.

37. Таъминоти нафақаи иштирокчиёни амалиётҳои ҷангӣ оид ба ҳимояи сохти конститутсионии Ҷумҳурии Тоҷикистон ва дар давраи иҷрои вазифаҳо оид ба нигоҳдории реҷаи ҳолати фавқулода аз ҷумлаи хизматчиёни ҳарбӣ, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии аз хизмат рухсатшуда ва аъзои оилаи онҳо мувофиқи Қонуни Ҷумҳурии Тоҷикистон "Дар бораи таъмини нафақаи хизматчиёни ҳарбӣ" ба роҳ монда мешавад.

38. Таъминоти нафақаи иштирокчиёни амалиётҳои ҷангӣ оид ба ҳимояи сохти конститутсионии Ҷумҳурии Тоҷикистон ва дар давраи иҷрои вазифаҳо оид ба нигоҳдории реҷаи ҳолати фавқулода аз ҷумлаи хизматчиёни ҳарбии тибқи даъват хизмати ҳарбиро адонамуда ва уҳдадорони ҳарбии дар эҳтиётбуда, ки ҷамъомадҳои ҳарбиро гузаштаанд, мувофиқи Қонуни Ҷумҳурии Тоҷикистон "Дар бораи таъмини нафақаи шаҳрвандони Ҷумҳурии Тоҷикистон" ва Қонуни Ҷумҳурии Тоҷикистон "Дар бораи нафақаҳои суғуртавӣ ва давлатӣ" сурат мегирад.

39. Маблағҳо барои пардохти нафақаҳо ва кумакпулиҳо (ба ғайр аз кумакпулии дар банди 25 Тартиби мазкур зикршуда) ба нафақахӯрон аз ҷумлаи хизматчиёни ҳарбие, ки аз ҷузъу томҳои ҳарбии ба Қувваҳои Мусаллаҳи Ҷумҳурии Тоҷикистон ва вазорату идораҳои дигар дохилнабуда рухсат шудаанд ва аъзои оилаи онҳо аз буҷети ҷумҳуриявӣ, бевосита ба Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Агентии назорати маводи нашъаовари назди Президенти Ҷумҳурии Тоҷикистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Гвардияи миллии Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, ки ба зиммаи онҳо бо қонунгузории Ҷумҳурии Тоҷикистон амалӣ намудани таъмини нафақаи шахсони номбурда ва аъзои оилаи онҳо вогузор гардидааст, ҷудо мегарданд.

4. МУҚАРРАРОТИ ХОТИМАВӢ

40. Амали Тартиби мазкур ба судяҳое, ки мутобиқи моддаи 19 Қонуни конститутсионии ҶумҳурииТоҷикистон "Дар бораи судҳои Ҷумҳурии Тоҷикистон" ба истеъфо баромаданд ва кумакпулии ҳармоҳаи умрбод мегиранд, татбиқ намегардад.

 

Замима ба Тартиби ҳисоби собиқаи хизмат, таъин ва пардохти нафақаю кумакпулӣ ба шахсони дар Ҷумҳурии Тоҷикистон хизмати ҳарбиро адонамуда, шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ ва шахсони дорои рутбаҳои махсус дар мақомоти гумрук, воҳидҳои собиқ политсияи андоз, Агентии назорати маводи нашъаовар, воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсия, судяҳои суди ҳарбӣ, кормандони мақомоти прокуратураи ҳарбии аз хизмат рухсатшуда ва аъзои оилаи онҳо

 

Рӯйхатиташкилотҳое, ки хизмати шахсони ҳайати қаторӣ ва роҳбарикунандаи мақомоти корҳои дохилӣ, системаи иҷрои ҷазои ҷиноятӣ дар онҳо то 1 январи соли 1970 ба собиқаи кор барои таъини нафақаи имтиёзнок - як моҳи хизмат ба ду моҳ ҳисоб карда мешавад

 

Дар системаи Далстрои Вазорати корҳои дохилии собиқ ИҶШС дар давраи аз 29 октябри соли 1945 (дар халиҷи Ванино аз 17 феврали соли 1947) то 18 марти соли 1953 барои шахсони ҳайати қаторӣ ва роҳбарикунандаи Вазорати металлҳои рангаи собиқ ИҶШС то рухсат шуданашон аз кадрҳои корҳои дохилӣ, аммо на дертар аз 31 декабри соли 1954.

Дар ҳавзаи ангишти Печора ва комбинати Ухтинск дар давраи аз 30 декабри соли 1945 то муҳлати дар ҳудуди мансуб ба ноҳияҳои Шимоли Дур ва минтақаҳои ба онҳо баробаркардашуда - то 1 январи соли 1970 (дертар аз санаи зикршуда - танҳо аз ҳудуди шимолтар аз Доираи қутби ҷойгиршуда), дар ҳудуде, ки ба ноҳияҳои Шимоли Дур ва минтақаҳои ба онҳо баробаркардашуда мансубият надоранд - то рӯзи қатъи имтиёзҳо, аммо на дертар аз 1 июли соли 1959.

Дар сохтмон ва истифодабарии шоҳроҳи оҳани Шимоли Печора - дар давраи аз 29 апрели соли 1946 то муҳлати дар ҳудуди мансуб ба ноҳияҳои Шимоли Дур ва минтақаҳои ба онҳо баробаркардашуда то рӯзи қатъи амали имтиёзҳо, аммо на дертар аз 1 январи соли 1970 (дертар аз санаи зикршуда - танҳо аз ҳудуди шимолтар аз Доираи қутби ҷойгиршуда), дар ҳудуде, ки ба ноҳияҳои Шимоли Дур ва минтақаҳои ба онҳо баробаркардашуда мансубият надоранд - то рӯзи қатъи амали имтиёз, аммо на дертар аз 1 июли соли 1959.

Дар комбинати Норилск - аз 1 июни соли 1946.

Дар сохтмони иншооти №501 ва Идораи шимолии сохтмони роҳи оҳан - дар давраи аз 22 апрели соли 1947 то 18 марти соли 1953 ва барои шахсони ҳайати қаторӣ ва роҳбарикунанда, ки корро дар сохтмони иншооти №501 ва идораи Шимолии сохтмони роҳи оҳан давом додаанд - то рӯзи рухсат шуданашон аз мақомоти корҳои дохилӣ, аммо на дертар аз 31 декабри соли 1954.

Дар сохтмони иншооти №503 - дар давраи аз 14 апрели соли 1948 то 18 марти соли 1953 ва барои шахсони ҳайати қаторӣ ва роҳбарикунанда, ки корро дар сохтмони иншооти №503 давом додаандто рӯзи рухсат шуданашон аз мақомоти корҳои дохилӣ, аммо на дертар аз 31 декабри соли 1954.

 

 

 

                     Бо фармони Прокурори генералии Ҷумҳурии Тоқикистон таҳти №3 аз 15 феврали соли 2016 тасдиқ карда шудааст.  

 

                                 РЕГЛАМЕНТИ 

ПРОКУРАТУРАИ ГЕНЕРАЛИИ ҶУМҲУРИИ ТОҶИКИСТОН

 

                        I.       МУҚАРРАРОТИ УМУМӢ

1.    Регламенти мазкур тартиб ва ташкили фаъолияти Прокуратураи генералии Ҷумҳурии Тоҷикистонро (минбаъд Прокуратураи генералӣ) дар асоси Конститутсияи Ҷумҳурии Тоҷикистон, Қонуни конститутсионии Ҷумҳурии Тоҷикистон «Дар барои мақомоти прокуратураи Ҷумҳурии Тоҷикистон», дигар қонунҳо, санадҳои ҳуқуқии байналмилалии эътирофнамудаи Ҷумҳурии Тоҷикистон, фармонҳо, дастурҳо, низомномаҳо ва дастурамалҳои Прокурори генералии Ҷумҳурии Тоҷикистон муайян менамояд.

2.      Прокуратураи генералӣ шахси ҳуқуқӣ, дорои муҳру нишон буда, роҳбарии умумии онро Прокурори генералии Ҷумҳурии Тоҷикистон (минбаъд Прокурори генералӣ) ба амал мебарорад, ки ҳамзамон Раиси ҳайати мушовараи Прокуратураи генералӣ ва Раиси Шӯрои ҳамоҳангсозии фаъолияти мақомоти ҳифзи ҳуқуқи Ҷумҳурии Тоҷикистон мебошад. Дар мавриди набудани Прокурори генералӣ, ваколатҳои ӯро муовини якуми Прокурорӣ генералӣ ва ҳангоми набудани муовини якум яке аз муовинон иҷро менамоянд.

3.      Муовинони Прокурори генералӣ дар асоси Фармони Прокурори генералӣ «Дар бораи тақсимоти вазифаҳои хизматӣ байни роҳбарияти Прокуратураи генералии Ҷумҳурии Тоҷикистон» кори Раёсату шуъбаҳое, ки сарпарастии онҳоро ба уҳда доранд, роҳбарӣ, ташкил ва назорат намуда, дар доираи ваколаташон тибқи қонунгузории ҷорӣ қарорҳо қабул мекунанд.

4.      Тартиби фаъолияти Сарпрокуратураи ҳарбии Ҷумҳурии Тоҷикистон, ки ба сохтори Прокуратураи генералӣ бо ҳуқуқи воҳиди низомӣ дохил шуда, ба он муовини Прокурори генералӣ - Сарпрокурори ҳарбӣ роҳбарӣ мекунад, дар асоси Регламенти мазкур ва Регламенти Сарпрокуратураи ҳарбӣ муқаррар карда мешавад.

5.      Сардорони раёсату шуъбаҳо ва муовинони онҳо ташкилкунандаи бевоситаи фаъолияти воҳидҳои сохтории дастгоҳи марказии Прокуратураи генералӣ ба шумор рафта, барои иҷрои вазифаҳои дар наздашон гузошта масъулияти бевосита дошта, оид ба тақсимоти вазифаҳои хизматӣ дар байни кормандон фармоишҳо мебароранд, ки онҳо аз тарафи Прокурори генералӣ ва ё муовинони ӯ тасдиқ карда мешаванд.

6.      Прокурори генералӣ санадҳои меъёрӣ-ҳуқуқиро, ки иҷрои онҳо ба ҳамаи кормандон ҳатмӣ мебошад, мебарорад ва Низомномаҳои раёсату шуъбаҳоро, ки дар онҳо самтҳои асосии фаъолият, вазифаҳо, ухдадориҳо ва ваколатҳои ин воҳидҳо муқаррар шудаанд, тасдиқ мекунад.

7.      Барои баҳодиҳӣ ба кори кормандони прокурории мақомоти прокуратура комиссияи аттестатсионӣ созмон дода мешавад, ки фаъолияти худро дар асоси Низомнома «Оид ба аттестатсиякунонии кормандони прокурории мақомоти прокуратураи Ҷумҳурии Тоҷикистон» амалӣ намуда, ташкили кор ва назорати фаъолияти он ба зиммаи яке аз муовинони Прокурори генералӣ гузошта мешавад.

8.      Барои таъмин намудани ҳамоҳангсозии фаъолияти мақомоти хифзи ҳуқуқи ҷумҳурӣ дар мубориза бар зидди ҷинояткорӣ Шӯрои хамоҳангсозӣ таъсис дода мешавад, ки дар асоси Низомнома «Дар бораи ҳамоҳангсозии фаъолияти мақомоти ҳифзи ҳуқуқи ҷумҳурӣ дар мубориза бар зидди ҷинояткорӣ» амал менамояд.

9.      Прокуратураи генералӣ фаъолияти худро ошкоро, агар хилофи конунгузории Ҷумҳурии Тоҷикистон оид ба ҳифзи ҳуқуқ ва озодиҳои шаҳрванд, сирри давлатӣ, ки он бо қонун муҳофизат карда мешавад набошад, ба амал мебарорад.

10.  Коргузории махфӣ дар мақомоти прокуратураи Ҷумҳурии Тоҷикистон дар асоси Қонуни Ҷумҳурии Тоҷикистон «Дар бораи сирри давлатӣ», Дастурамал «Оид ба таъмини низоми махфият дар вазоратҳо, идораҳо, дигар мақомоти идоракунии давлатӣ, мақомоти хокимияти иҷроия дар маҳалҳо (ҳукуматҳо), корхонаҳо, муассисаҳо за ташкилотҳои Ҷумҳурии Тоҷикистон» амалӣ карда мешавад.

11.  Дар назди Прокуратураи генералӣ Донишкадаи омӯзиши масъалаҳои қонуният, тартиботи ҳуқуқӣ, ҷинояткорӣ ва такмили ихтисоси кормандони мақомоти прокуратура (минбаъд Донишкадаи мақомот) амал менамояд, ки фаъолияти он дар асоси Низомнома ва  фармону дастурҳои Прокурори генералӣ ба роҳ монда мешавад.

12.  Ҳамкории Прокуратураи генералӣ бо мақомот, ташкилот ва муассисаҳои давлатҳои хориҷӣ, ташкилотҳои байналмилалӣ, намояндагӣ дар онҳо ва мукотибот оид ба ҳамкориҳои байналмилалӣ дар асоси тартиби муқаррарнамудаи санадҳои ҳуқуқии байналмилалии эътирофнамудаи Ҷумҳурии Тоҷикистон, қонунгузории ҷумҳурӣ ва фармонҳои Прокурори генералӣ амалӣ карда мешавад.

13.  Ахбороти расмӣ аз номи Прокуратураи генералӣ дар воситаҳои ахбори омма ва алоқаи электронӣ танҳо тавассути шуъбаи таъминоти ҳуқуқӣ, мониторинги қонунгузорӣ ва маркази матбуот, бо розигии Прокурори генералӣ нашр карда мешавад.

14.  Маводҳо барои тайёр намудани ахбороти расмӣ аз тарафи муовинони Прокурори генералӣ ё ин ки дар мувофиқа бо онҳо аз тарафи сардорони Раёсату шуъбаҳо ва ёрдамчиёни калони Прокурори гене­ралӣ оид ба супоришҳои махсус ба шуъбаи таъминоти ҳуқуқӣ, мони­торинги қонунгузорӣ ва маркази матбуот пешниҳод карда мешаванд.

15.  Дигар маводҳо оид ба назорати прокурорӣ ва тафтишот ба воситаҳои ахбори омма (матбуот, радио, телевизион ва алоқаи элек­тронӣ) низ бо ҳамин тартиб пешниҳод карда шуда, сардорони раёсату шуъбаҳо ва иҷрочиён барои асоснокии маълумотҳои пешниҳодшуда масъул мебошанд.

16.  Кормандони прокурории мақомоти прокуратура, ки рутбаҳои дараҷавӣ доранд, дар маҷлисҳои ҳайати мушовара, Шӯрои ҳамоҳангсозӣ, мурофиаҳои судӣ ва дигар ҷаласаву чорабиниҳои расмӣ бо либоси хизматӣ иштирок менамоянд.

17.  Прокуратураи генералии Ҷумҳурии Тоҷикистон метавонад адабиёти махсус нашр намояд ва нашрияи худро дошта бошад.

 

     

                 II. ТАШКИЛИ ФАЪОЛИЯТ, БАНАҚШАГИРӢ ВА НАЗОРАТИ ИҶРОИ ОН

18.     Фаъолияти Прокуратураи генералӣ тибқи принсипи минтақавӣ-мавзӯӣ амалӣ карда мешавад.

19.     Шуъбаи таҳлил ва омор воҳидҳои сохтории дастгоҳи марказии Прокуратураи генералиро бо маълумотҳои омории муқоисавӣ дар бораи вазъи ҷинояткорӣ, фаъолият дар самтҳои назорати прокурорӣ ва тафтишот таъмин менамояд.

20.      Раёсату шуъбаҳои дастгоҳи марказӣ мунтазам маълумотҳоро оид ба вазъи қонуният, тартиботи ҳукуқӣ, мубориза бар зидди ҷинояткорӣ, таҷрибаи назорати прокурорӣ, тафтишотӣ ва судӣ мавриди омӯзишу таҳлил қарор дода, бо мақсади такмил додани таҷрибаи на­зорати прокурорӣ, тафтишот, беҳтар намудани фаъолияти мақомоти прокуратура ва дар сатҳи давлатӣ баррасӣ намудани масъалаҳои ҳалталаб ба Прокурори генералӣ таклифҳои асоснок пешниҳод менамоянд.

21.     Фаъолияти Прокуратураи генералӣ ҳар нимсола дар асоси таклифи сардорони раёсату шуъбаҳо, директори Донишкадаи мақомот, ки бо розигии муовинони Прокурори генералӣ (сарпарастон) дар асоси таҳлили пурраю ҳаматарафаи вазъи қонуният ва тартиботи ҳуқуқӣ, ҳамчунин бо назардошти супоришҳои Президенти Ҷумҳурии Тоҷикистон, Маҷлиси Олии Ҷумҳурии Тоҷикистон, Ҳукумати Ҷумҳурии Тоҷикистон, қарорҳои ҳайати мушовара, Шӯрои ҳамоҳангсозӣ ва супоришҳои Прокурори генералӣ пешниҳод шудаанд, ба нақша гирифта мешавад.

22.     Таклифҳо ба нақшаи корӣ бояд асоснок карда шуда, бо нишон додани муҳлат, роҳҳои таъмини иҷрои чорабиниҳо ва шахсони масъул на дертар аз 10 июн ва 10 декабри соли банақшагирӣ ба Раёсати ташкили кор ва назорати иҷро пешниҳод карда шаванд.

23.     Дар ҳолати ба нақшаи корӣ ворид намудани чорабиниҳое, ки амалӣ намудани онҳо дар якҷоягӣ бо дигар мақомот пешбинӣ шудааст, бояд розигии онҳо гирифта шавад.

24.         Раёсати ташкили кор ва назорати иҷро дар асоси таклифҳои пешниҳодшуда лоиҳаи нақшаи кориро мураттаб сохта, пас аз баррасӣ ва такмили он дар маҷлиси ҳайати мушовара ва ё фаврӣ-назоратии назди Прокурори генералӣ барои тасдиқ ба Прокурори генералӣ пешниҳод менамояд.

25.     Нақшаи кории Прокуратураи генералӣ пас аз тасдиқ бетаъхир ба муовинони Прокурори генералӣ, сардорони воҳидҳои сохтории Прокуратураи генералӣ ва прокуророни поёнӣ фиристонида меша­вад.

26.     Ба нақшаи кории Прокуратураи генералӣ даровардани тагйирот, иваз намудани чорабиниҳои нақшавӣ, дароз намудани муҳлати иҷро ва ё хориҷ кардани онҳо салоҳияти истисноии Прокурори ге­нералӣ буда, дар асоси гузориши асосноки сардорони раёсату шуъ- баҳо, ки онро муовинони Прокурори генералӣ ҷонибдорӣ намудаанд, амалӣ карда мешавад.

27.     Раёсату шуъбаҳои Прокуратураи генералӣ нақшаҳои кории худро бо назардошти нақшаи кории Прокуратураи генералӣ, вазъи қонуният, тартиботи ҳуқуқӣ, таҷрибаи тафтишотӣ ва назорати прокурорӣ тартиб дода, пас аз тасдиқи онҳо аз тарафи Прокурори гене­ралӣ ё муовинони ӯ нусхаи онро барои таъмини назорат ба Раёсати ташкили кор ва назорати иҷро то 5 январ ва 5 июли соли банақшагирӣ пешниҳод менамоянд.

       Ба нақшаҳои кории раёсату шуъбаҳо дар асоси гузориши асосноки сардорони онҳо Прокурори генералӣ ва ё муовинони ӯ тағйирот дохил карда, муҳлати иҷрои чорабиниҳои нақшавӣ тамдид ва ё иҷрои онро ба муҳлати дигар мегузаронанд.

28.     Раёсату шуъбаҳо ба нақшаи кориашон бояд он масъалаҳоеро ворид намоянд, ки иҷрои онҳо бо қувваи кормандонашон таъмин карда шуда, зарурияти ҷалби кормандони прокуратураҳои поёнӣ ва ирсоли супоришҳоро надошта бошад.

29.     Дар ҳолатҳои зарурӣ вобаста ба таъмини иҷрои дастуру супориш ва Фармонҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, Маҷлиси Олии Ҷумҳурии Тоҷикистон ва дигар маҷлису чорабиниҳои сатҳи ҷумҳурӣ, нақшаи чорабиниҳои алоҳида ба тасвиб расонида шуда, мавриди иҷро қарор дода мешавад.

30.     Гузоришҳо оид ба даровардани тағйирот, иваз намудани чорабиниҳои нақшавӣ на дертар аз 20 рӯз ва оид ба дароз намудани муҳлати иҷро ва ё хориҷ кардани онҳо на дертар аз 5 рӯзи ба итмомрасии муҳлати муқарраршуда ба Раёсати ташкили кор ва назорати ичро пешниҳод карда мешаванд.

31.     Сардорони раёсату шуъбаҳо ва дигар воҳидҳо иҷрои чорабиниҳои нақшавиро дар муҳлат ва босифат таъмин намуда, дар ин хусус маълумотнома бо таклифу пешниҳоди мушаххас тартиб дода, на дер­тар аз 25-уми моҳи дар нақша пешбинигардида ба Раёсати ташкили кор ва назорати ичро пешниҳод менамоянд.

32.     Маълумотнома оид ба иҷрои чорабинии нақшавие, ки натиҷааш бояд дар мачлиси ҳайати мушовара мавриди баррасӣ қарор гирад, то санаи 15-уми моҳи дар нақша пешбинишуда ба Раёсати ташкили кор ва назорати ичро пешниҳод карда мешавад.

33.     Масъулияти сари вақт ва босифат таъмин намудани иҷрои чорабиниҳои нақшавӣ ба зиммаи муовинони Прокурори генералӣ (сарпарасти соҳа), сардорони раёсату шуъбаҳо ва иҷрочиён гузошта ме­шавад.

34.     Назорати таъмини иҷрои нақшаҳои кории Прокуратураи ге­нералӣ, раёсату шуъбаҳо ва дигар нақша-чорабиниҳо ба зиммаи Ра­ёсати ташкили кор ва назорати иҷро гузошта шуда, Раёсати мазкур охири ҳар моҳ аз натачаӣ иҷрои онҳо дар маҷлисҳои фаврӣ-назоратӣ ба Прокурори генералӣ ахборот педшиҳод намуда, дар се моҳ як маротиба вазъи иҷрои онҳоро санчида, дар сурати ошкор намудани камбудиҳо ҷиҳати чораҷӯӣ таклиф пешниҳод менамояд.

35.     Дар сурати бесифат иҷро намудани чорабиниҳои нақшавӣ Раёсати ташкили кор ва назорати иҷро маводҳои пешниҳодшударо ба­рон пурра намудан бо назорат ба иҷрочиён баргардонида, ҳангоми ислоҳ накардани камбудиҳои ҷойдошта ва ё дағалона вайрон намуда­ни муҳлати иҷро ба Прокурори генералӣ барои чораандешӣ нисбати кормандони ба камбудиҳо роҳдода таклиф пешниҳод менамояд.

36.     Раёсати ташкили кор ва назорати иҷро ҳар нимсола таҷрибаи ба нақшагирии фаъолиятро дар Прокуратураи генералӣ мавриди омӯзиш ва ҷамъбаст қарор дода, барои такмили он таклифҳо пешниҳод менамояд.

37.     Кори Шӯрои ҳамоҳангсозии фаъолияти мақомоти ҳифзи ҳуқуқи ҷумҳурӣ, комиссияи аттестатсионӣ, коромӯзии кормандон ва такмили ихтисоси кадрҳо дар алоҳидагӣ, бо назардошти нақшаи ко­рии Прокуратураи генералӣ ба нақша гирифта мешавад.

38.     Аз тарафи раёсату шуъбаҳо вобаста ба корҳои иҷрошуда ва натиҷаи таҳлилу ҷамъбаст ҳар ҳафта ба Раёсати ташкили кор ва назо­рати иҷро маълумотнома пешниҳод карда мешавад.

 

 

III.    ТАШКИЛИ КОРИ ҲАЙАТИ МУШОВАРА, ШӮРОИ ҲАМОҲАНГСОЗИИ ФАЪОЛИЯТИ МАҚОМОТИ ҲИФЗИ ҲУҚУҚИ ҶУМҲУРӢ ВА МАҶЛИСҲО

39.     Дар Прокуратураи генералӣ ҳайати мушовара бо фармони Прокурори генералӣ дар ҳайати Прокурори генералӣ (раис), муовинони ӯ ва дигар кормандони прокурорӣ ташкил карда мешавад.

40.     Шумора ва ҳайати аъзои ҳайати мушовараро Раиси ҳайати му­шовара - Прокурори генералӣ муқаррар намуда, ҳайати мушовара дар сурати мавҷуд будани кворум (на камтар аз нисфи аъзо) ҳуқуқи қабули қарорро дорад, ки иҷрои он барои ҳамаи кормандони проку- рории мақомот ҳатмӣ мебошад.

41.     Ҳайати мушовараи Прокуратураи генералӣ мақоми машваратӣ буда, дар маҷлисҳои худ масъалаҳои муҳими фаъолияти мақомоти прокуратура оид ба назорати иҷрои қонунҳо, таҳкими қонуният ва ҳимояи ҳуқуқу озодиҳои инсон, ҳолати иҷрои фармонҳои Прокурори генералӣ, интихобу ҷобаҷогузории кадрҳо ва дигар масъалаҳоро мав­риди баррасӣ қарор дода, ҳисоботи Сарпрокурори ҳарбӣ, директори Донишкада, сардорони раёсату шуъбаҳои Прокуратураи генералӣ, прокуророни вилоятҳо, шаҳри Душанбе, нақлиёти Тоҷикистон, назо­рати иҷрои қонунҳо дар муассисаҳои ислоҳӣ ва иҷрои ҷазои ҷиноятӣ, шаҳру ноҳияҳо ва ба онҳо баробаркардашударо мешунавад.

42.     Маҷлисҳои ҳайати мушовара тибқи нақшаи кории Прокуратураи генералӣ, супориши раиси ҳайати мушовара ва ё пешниҳоди аъзо, бо розигии раиси он баргузор шуда, шумораи масъалаҳои баррасишаванда маҳдуд карда намешавад.

43.     Рӯз, вақт ва ҷои гузаронидани маҷлиси ҳайати мушовара аз тарафи Раиси ҳайати мушовара муқаррар карда мешавад.

44.     Дар маҷлиси ҳайати мушовараи Прокуратураи генералӣ вобаста ба масъалаҳои баррасишаванда мумкин аст роҳбарони мақомоти ҳокимияти давлатӣ, ҳифзи ҳуқуқ, иттиҳодияҳои ҷамъиятӣ, корхонаҳо, муассисаҳо, ташкилотҳо ва шахсони мансабдор иштирок намуда, баёноти онҳо шунида шавад.

45.     Муовинони Прокурори генералӣ (сарпарастон) ва иҷрочиён оид ба дар муҳлат ва босифат пешниҳод намудани маводҳо барои баррасӣ дар маҷлиси ҳайати мушовара масъул буда, дар қисми тавсифии (баёнӣ) лоиҳаи қарори ҳайати мушовара таҳлили масъалаи бар­расишаванда, моҳияти қонунвайронкуниҳои ошкоргардида, шахсони ба онҳо роҳдода ва дар қисми хулосавӣ таклифу пешниҳодҳо, дастуру тавсияҳо оид ба пурзӯр намудани қонуният, тартиботи ҳуқуқӣ, роҳу усулҳои бартараф намудани ҳуқуқвайронкуниҳо, мутасаддиён ва муҳлати иҷро бояд мушаххас дарҷ карда шаванд.

46.     Маводҳо барои баррасӣ дар маҷлиси ҳайати мушовара (маълумотнома на зиёда аз 15 саҳифа, лоиҳаи қарори ҳайати мушовара, фармонҳо оид ба масъалаи баррасишаванда, рӯйхати даъватшавандагон ва ғайра) бо имзои иҷрочиён дар мувофиқа бо муовини Прокурори генералӣ (сарпарасти соҳа) 10 рӯз пеш аз баргузории маҷлиси ҳайати мушовара ё муҳлати муқаррарнамудаи раиси ҳайати мушовара ба раис ва якнусхагӣ барои ҳамаи аъзои ҳайати мушовара ба Раёсати ташкили кор ва назорати иҷро пешниҳод карда мешавад.

47.     Раёсати ташкили кор ва назорати иҷро маводҳои ба баррасии маҷлиси ҳайати мушовара пешниҳодшударо мавриди омӯзиш қарор дода, дар сурати дастгирӣ ёфтан, рӯзномаи маҷлис, тартиби пешбурд (сенария) ва рӯйхати даъватшавандагонро тартиб дода, онҳоро барои мувофиқа ба раиси ҳайати мушовара пешниҳод менамояд.

48.     Дар сурати нопурра будани маводҳои пешниҳодшуда, дар асоси хулосаи Раёсати ташкили кор ва назорати иҷро бо супориши раиси ҳайати мушовара онҳо бо нишон додани муҳлат барои мукаммал намудан ба иҷрочиён баргардонида шуда ё масъала аз рӯзномаи маҷлис бардошта мешавад.

49.     Баъди аз ҷониби Раиси ҳайати мушовара муқаррар кардани рӯзи баргузории маҷлиси ҳайати мушовара, Раёсати ташкили кор ва назорати иҷро маводҳои (маълумотнома ва лоиҳаи қарор) дар маҷлис баррасишавандаро 3 рӯз пеш аз оғози он ба раиси ҳайати мушовара ва аъзои он пешниҳод намуда, иштирокчиён ва даъватшавандагонро аз рӯз, вақт ва ҷои гузаронидани маҷлис хабардор карда, ба онҳо рӯзнома ва маърӯзачиёнро эълон менамояд.

50.     Баррасии масъала дар маҷлиси ҳайати мушовара мувофиқи тартиби муқаррарнамудаи раиси ҳайати мушовара, дар мувофиқа бо аъзои ҳайати мушовара ба роҳ монда шуда, рафти маҷлис пайнавис (стенография) ва аз натиҷаи он бо тарафдории аксарияти овозҳои аъзо қарор қабул карда мешавад.

51.     Дар сурати ихтилофи назар байни раис ва аъзои ҳайати мушо­вара, қарори қабулкардаи раиси ҳайати мушовара татбиқ карда ме­шавад.

52.     Иҷрочиён бо назардошти таклифҳои дар рафти маҷлиси ҳайати мушовара пешниҳодгашта дар муҳлатӣ на дертар аз 3 рӯз ё муҳлати муқаррарнамудаи раиси ҳайати мушовара қарор ва дигар санадҳоро пурра намуда, онҳоро дар мувофиқа бо муовинони Прокурори генералӣ (сарпарасти соҳа) ба Раёсати ташкили кор ва назорати иҷро пешниҳод менамоянд.

53.     Раёсати ташкили кор ва назорати иҷро (дар баъзе мавридқо иҷрочиён) протоколи маҷлиси ҳайати мушовараро на дертар аз 7 рӯз баъди гузаронидани маҷлис тайёр намуда, ба раиси ҳайати мушовара пешниҳод менамоянд.

54.     Иҷрочиён фармон, супориш ва дигар санадҳои хусусияти амрдиҳӣ - ташкилии дар заминаи қарори ҳайати мушовара қабулшударо баъди гузаронидани маҷлис дар муҳлати на дертар аз 5 рӯз ё муҳлати муқаррарнамудаи раиси ҳайати мушовара ба ӯ пешниҳод менамоянд.

55.     Протоколи маҷлиси ҳайати мушовараро дар баробари раиси ҳайати мушовара, вобаста ба масъалаҳои кадрӣ - сардори Раёсати кадрҳо ва оид ба дигар масъалаҳо - сардори Раёсати ташкили кор ва назорати иҷро имзо мегузоранд.

56.     Қарори маҷлиси ҳайати мушовара мушаххасу ухдадоркунанда буда, баъди ба имзо расидан барои иҷро ба воҳидҳои дахлдори мақомоти прокуратураи Ҷумҳурии Тоҷикистон бетаъхир фиристонида шуда, дар ҳолатҳои зарурӣ бо фармони Прокурори генералӣ дар амал татбиқ карда мешавад.

57.     Муовинони Прокурори генералӣ, Сарпрокурори ҳарбӣ, сардорони Раёсату шуъбаҳо, директори Донишкада, прокуророни Вилояти Мухтори Кӯҳистони Бадахшон, вилоятҳо, шаҳри Душанбе, нақлиёти Тоҷикистон, назорати иҷрои қонунҳо дар муассисаҳои ислоҳӣ ва иҷрои ҷазои ҷиноятӣ, шаҳру ноҳияҳо ва ба онҳо баробаркардашуда, иҷрои қарори ҳайати мушовараи Прокуратураи генералӣ, фармон, дастуру супоришҳои Прокурори генералиро, ки дар ин замина қабул шудаанд, зери назорат гирифта, иҷрои пурра ва босифати онҳоро дар муҳлат таъмин менамоянд.

58.     Сарпрокурори ҳарбӣ, сардорони раёсату шуъбаҳо, директори Донишкада, прокуророни ВМКБ, вилоятҳо, шаҳри Душанбе, нақлиёти Тоҷикистон, назорати иҷрои қонунҳо дар муассисаҳои ислоҳӣ ва иҷрои ҷазои ҷиноятӣ, шаҳру ноҳияҳо ва ба онҳо баробаркардашуда баробари гирифтани қарори ҳайати мушовараи Прокуратураи гене­ралӣ онро на дертар аз 7 рӯз (дар ҳолатҳои зарурӣ бетаъхир) бо иштироки кормандон дар маҷлисҳои ҳайати мушовара ва фаврӣ-назоратӣ баррасӣ намуда, баҳри амалӣ намудани он чораҳои зарурӣ ва мушаххас андешида, аз натиҷааш дар муҳлатҳои муқарраршуда ба Проку­рори генералӣ ахборот пешниҳод менамоянд.

59.     Раёсати ташкили кор ва назорати иҷро ахборотро оид ба иҷрои қарорҳои ҳайати мушовара мавриди омӯзишу таҳлил қарор дода, вобаста ба сифату самаранокии корҳои анҷомдода ва чораҳои андешидашуда ба Раиси ҳайати мушовара маълумот ва таклиф пешниҳод менамояд.

60.     Супоришҳои дар заминаи қарори ҳайати мушовара додашуда дар асоси гузориши асосноки иҷрочиён, дар мувофиқа бо муовинони Прокурори генералӣ, Раёсати ташкили кор ва назорати иҷро танҳо аз тарафи раиси ҳайати мушовара аз назорат соқит ё муҳлати иҷрои онҳо дароз карда мешаванд.

61.     Гузориш ва маводҳо оид ба таъмини иҷрои қарори ҳайати му­шовара бо амри хаттии раиси ҳайати мушовара бетаъхир ба Раёсати ташкили кор ва назорати иҷро пешниҳод карда мешаванд.

62.     Дар сурати бесифат ва беасос вайрон намудани муҳлати омода намудани маводҳо барои баррасӣ дар маҷлиси ҳайати мушовара, иҷро накардани қарорҳои он, Раёсати ташкили кор ва назорати иҷро дар мувофиқа бо Прокурори генералӣ баёноти иҷрочиёнро гирифта, масъалаи ба ҷавобгарии интизомӣ кашидани кормандони ба камбудиҳо рохдодаро мегузорад. Масъалаи ба ҷавобгарӣ кашидани кор­мандон мумкин аст, бо ташаббуси сардорони раёсату шуъбаҳо низ амалӣ карда шавад.

63.     Раёсати ташкили кор ва назорати иҷро кори маҷлиси ҳайати мушовараро ташкил ва назорати иҷрои қарорҳои онро таъмин намуда, таҷрибаро дар ин ҷода ҳар нимсола ҷамъбаст карда, барои беҳтар намудани фаъолият дар ин самт ба Раиси ҳайати мушовара таклиф пешниҳод менамояд.

64.     Маҷлисҳои ҳайати мушовараи Прокуратураи генералӣ ошкоро ва дар баъзе ҳолатҳо махфӣ мебошад, агар ин ба манфиатҳои мақомоти прокуратура, дигар мақомот ва нигохдории сирри давлатӣ ё дигар сирре, ки қонун ҳифз менамояд, мухолиф набошад.

65.     Шуъбаи таъминоти ҳуқуқӣ, мониторинги қонунгузорӣ ва маркази матбуот дар асоси супориши раиси ҳайати мушовара, бо мувофиқа бо иҷрочиён иштироки намояндагони воситақои ахбори омма ва доираи маълумотҳои ба онҳо пешниҳодшавандаро муқаррар наму- да, таклиф пешниҳод менамояд.

66.     Шуъбаи муҳосибот ва молия хароҷоти молиявии гузаронидани маҷлиси ҳайати мушовараи Прокуратураи генералиро таъмин мена­мояд.

67.     Раёсати кадрҳо иштироки прокуророни тобеъро дар маҷлиси ҳайати мушовара мутобиқи рӯйхати пешниҳодкардаи иҷрочиён дар мувофиқа бо Раёсати ташкили кор ва назорати иҷро таъмин менамояд.

68.     Сарпрокуратураи ҳарбӣ, прокуратураҳои ВМКБ, вилоятҳо, шаҳри Душанбе, нақлиёти Тоҷикистон вазифадоранд, ки қарори ҳайати мушовараи худро баъди қабул бетаъхир барои маълумот ва омӯзиш ба Раёсати ташкили кор ва назорати иҷро пешниҳод намоянд.

69.     Дар ҳолати мутобиқ набудани қарори ҳайати мушовараи прокуратураҳои поёнӣ ба санадҳои меъёрии ҳуқуқӣ, Регламенти мазкур, фармон ва рупоришҳои Прокурори генералӣ онҳо дар асоси хулосаи Раёсати ташкили кор ва назорати иҷро аз тарафи раиси ҳайати му­шовара беэътибор ё барои мутобиқ намудан ба санадҳои зикршуда бозпас гардонида мешаванд.

70.     Масъалаҳои баррасиашон дар маҷлиси ҳайати мушовара ҳатми набуда дар маҷлисҳои фаврӣ-назоратии назди Прокурори генералӣ, муовинони ӯ, сардорони раёсату шуъбаҳо, ки ҳафтае як маротиба гузаронида мешавад, муҳокима гардида, вақт ва доираи иштирокчиёни онро роҳбаре, ки маҷлисро раисӣ менамояд, муайян мекунад.

71.     Дар маҷлисҳои фаврӣ-назоратии назди Прокурори генералӣ муовинони ӯ, директори Донишкада, сардорони раёсату шуъбаҳо, бахши коргузории махфӣ ва ёрдамчиёни калони Прокурори генералӣ оид ба супоришҳои махсус иштирок намуда, вобаста ба масъалаҳои баррасишаванда мумкин аст, ки кормандони прокурории мақомот барои иштирок даъват карда шаванд.

72.     Рӯзномаи маҷлиси фаврӣ-назоратии назди Прокурори генералӣ аз ҷониби Раёсати ташкили кор ва назорати иҷро дар асоси пешниҳоди воҳидҳои сохтории Прокуратураи генералӣ таҳия шуда, бо Прокурори генералӣ мувофиқа карда мешавад.

73.     Тартиби гузаронидани маҷлисҳои фаврӣ-назоратиро, ки бояд бетаъхир барпо шаванд, Раёсати ташкили кор ва назорати иҷро бо тартиби корӣ муайян менамояд.

74.     Омодасозии маводҳо барои маҷлиси фаврӣ-назоратии назди Прокурори генералӣ аз ҷониби воҳиди сохторие, ки масъаларо барои баррасӣ таклиф намудааст, амалӣ карда шуда, 3 рӯз пеш аз маҷлис ба Раёсати ташкили кор ва назорати иҷро пешниҳод мешавад.

75.     Дар ҳолати пурра набудани маводҳои пешниҳодшуда, Раёсати ташкили кор ва назорати иҷро дар мувофиқа бо Прокурори генералӣ онҳоро барои пурра намудан бармегардонад.

76.     Раёсати ташкили кор ва назорати иҷро як рӯз пеш аз маҷлиси фаврӣ-назоратӣ маводҳои дар маҷлис баррасишавандаро ба Проку­рори генералӣ пешниҳод менамояд.

77.     Қарори маҷлиси фаврӣ-назоратии назди Прокурори генералӣ дар шакли протокол дар муддати як рӯз ба расмият дароварда шуда, пас аз ба имзо расидан аз ҷониби Прокурори генералӣ бетаъхир ба муовинони Прокурори генералӣ, директори Донишкада, сардорони раёсату шуъбаҳо, ёрдамчиёни калони Прокурори генералӣ оид ба супоришҳои махсус дастрас ва дар сурати зарурият ба прокуророни поёнӣ ирсол карда мешавад.

78.     Протоколи маҷлиси фаврӣ-назоратӣ дар асоси хулоса ва таклифҳои дар маълумотномаҳои вобаста ба масъалаҳои баррасишаванда пешниҳодшуда, супоришҳои дар рафти маҷлис додашуда таҳия кардашуда, қарорҳои он мушаххас, бо дарҷи шахсони масъул ва муҳлати иҷро тартиб дода мешаванд.

79.     Дар сурати дар протоколи маҷлиси фаврӣ-назоратӣ муқаррар нашудани муҳлати иҷро, супориш дар муҳлати 7 рӯз иҷро карда шуда, иҷроиши қарорҳои маҷлиси фаврӣ-назоратӣ дар асоси гузориш ва ё маълумотномаи бо муовинони Прокурори генералӣ (сарпарасти соҳа) мувофиқа кардашуда, аз ҷониби Прокурори генералӣ аз назорат соқит ва ё муҳлати он дароз карда мешавад.

80.     Таҳия намудани протоколи маҷлиси фаврӣ-назоратӣ, бақайдгирии онҳо ва назорати иҷрои қарорҳои қабулшуда ба зиммаи Ра­ёсати ташкили кор ва назорати иҷро гузошта мешавад. Дар ҳолати зарурӣ Раёсати мазкур метавонад иҷрои воқеии қарорҳои маҷлисҳои фаврӣ-назоратиро дар асоси ахбороти пешниҳоднамудаи иҷрочиён мавриди санҷиш қарор диҳад.

81.     Таъмини ташкили кори маҷлисҳои Шӯрои ҳамоҳангсозӣ ба зиммаи муовинони Прокурори генералӣ, сардорони раёсату шуъбаҳое, ки масъаларо омода намудаанд, инчунин котиби масъули Шӯрои ҳамоҳангсозӣ вогузор карда мешавад.

82.     Раёсати ташкили кор ва назорати иҷро назорати иҷрои қарорҳои Шӯрои ҳамоҳангсозиро амалӣ менамояд.

                        IV.   ҚАБУЛИ ШАҲРВАНДОН ВА БАРРАСИИ МУРОҶИАТҲОИ ОНҲО

83.     Тартиби қабул ва баррасии муроҷиатҳои шаҳрвандон, шахсони бешаҳрванд, шахсони ҳуқуқй, муроҷиату дархостҳои аз мақомоти ҳокимияти давлатӣ ва тариқи телефони боварии Прокуратураи генералӣ воридшуда, дар воситаҳои ахбори омма нашршуда бо тартиби муайяннамудаи қонунҳо ва дигар санадқои меъёрии ҳуқуқӣ, фармону супоришҳои Прокурори генералӣ, ки ин масъалаҳоро ба танзим медароранд, ба роҳ монда мешавад.

84.     Муовинони Прокурори генералӣ, сардорони воҳидҳои сохтории Прокуратураи генералӣ вазифадоранд, ки мунтазам баҳри пурраю ҳаматарафа, дар муҳлат ва босифат баррасӣ кардани муроҷиатҳои шаҳрвандон тадбирҳои зарурӣ андешанд.

85.     Сардорони воҳидҳои сохтории Прокуратураи генералӣ барои ташкили кор бо муроҷиатҳо ва қабули шаҳрвандон ва иҷрочиён ба­рои риояи талаботи санадҳои меъёрии ҳуқуқӣ ва супоришҳои Прокурори генералӣ ҳангоми баррасии муроҷиатҳои мушаххас масъул мебошанд.

86.     Вогузор намудани баррасии муроҷиатҳои шаҳрвандон аз як воҳид ба воҳиди дигар дар асоси гузориши асосноки хаттии сардоро­ни Раёсату шуъбаҳо аз тарафи Прокурори генералӣ ва муовинони ӯ амалӣ карда мешавад.

87.     Дар сурати дар муроҷиати шаҳрвандон дарҷ гардидани масъалаҳои ба ваколати якчанд раёсату шуъбаҳо дахлдошта санҷишро дар ҳаҷми пуррааш сардори раёсат ё шуъбае, ки аз байни идрочиён аввал номбар шудааст, ташкил менамояд. Сардори Раёсат ва ё шуъбаи масъул нусхаи муроҷиатро ба ҳамиҷрочиён расонида, аз онҳо маълумотҳои заруриро талаб намуда, гузаронидани санҷиш, дароз намуда­ни муҳлат ва фиристонидани ҷавоби пурраро таъмин менамояд.

88.     Бо он муроҷиатҳое, ки ҷараёни баррасии онҳоро Прокурори генералӣ зери назорати бевоситаи худ гирифтааст, ҷавобҳо ба муроҷиаткунандагон танҳо пас аз ба Прокурори генералӣ ахборот до­дан фиристонида шуда, ба Раёсати ташкили кор ва назорати иҷро дар ин хусус маълумот пешниҳод карда мешавад.

89.     Қабули шаҳрвандон, намояндагони сохторҳои давлатию ҷамъиятӣ аз тарафи Шуъбаи қабули шаҳрвандон ва баррасии муроҷиатҳои онҳо ба роҳ монда мешавад.

90.     Сардорони раёсату шуъбаҳои Прокуратураи генералӣ, муовинони онҳо шаҳрвандонеро қабул менамоянд, ки муроҷиати онҳо дар прокуратураи поёнӣ мавриди баррасӣ қарор гирифта, аз натиҷааш қарор қабул шудааст. Дар мавридҳое, ки қарор аз тарафи роҳбарияти Прокуратураи генералӣ қабул шуда бошад, қабули шахсӣ дар асоси супориши Прокурори генералӣ ё муовинони ӯ ташкил карда мешавад.

91.     Қабули шахсӣ аз тарафи Прокурори генералӣ ва муовинони ӯ дар сурате доир мегардад, ки муроҷиат аз тарафи сардорони раёсату шуъбаҳои Прокуратураи генералӣ баррасӣ гардида бошад.

92.     Прокурори генералӣ дар қабули шахсӣ шаҳрвандонеро қабул менамояд, ки муроҷиатҳои онҳо аз тарафи муовинони Прокурори ге­нералӣ баррасӣ гардида, аз натиҷааш қаноатманд намебошанд.

93.     Ҷадвали қабули шаҳрвандон аз тарафи роҳбарият ва сардоро­ни раёсату шуъбаҳои Прокуратураи генералӣ аз ҷониби Шуъбаи қабули шаҳрвандон ва баррасии муроҷиатҳои онҳо тартиб дода шуда, бо фармони Прокурори генералӣ тасдиқ карда мешавад.

94.     Шуъбаи қабули шаҳрвандон ва баррасии муроҷиатҳои онҳо барои дар сатҳи зарурӣ қабул намудани шаҳрвандон ва баррасӣ намудани муроҷиатҳои онҳо дар Прокуратураи генералӣ масъул буда, фаъолияти раёсату шуъбаҳоро дар ин самт таҳти назорат қарор дода, ҳар семоҳа баррасии муроҷиатҳои шаҳрвандонро ҷамъбаст ва таҳлил намуда, аз натиҷааш ба Прокурори генералӣ таклиф пешниҳод мена­мояд.

 

V.   ТАЙЁР НАМУДАН ВА БА МАҲАЛҲО ФИРИСТОДАНИ ФАРМОНУ СУПОРИШҲО ВА ДИГАР САНАДҲОИ ХУСУСИЯТИ ДАСТУРӢ - АХБОРОТИДОШТА

95.     Супоришҳо ба прокуратураҳои поёнӣ дар асоси дастуру супоришҳои Президенти Ҷумҳурии Тоҷикистон, Ҳукумати Ҷумҳурии Тоҷикистон, қарорҳои Маҷлиси миллии Маҷлиси Олии Ҷумҳурии Тоҷикистон, нақшаи корни Прокуратураи генералӣ, Шӯрои ҳамоҳангсозии фаъолияти мақомоти ҳифзи ҳуқуқи Ҷумҳурии Тоҷикистон, қарорҳои ҳайати мушовара ва маҷлисҳои фаврӣ-назоратии назди Прокурори генералӣ фиристонида шуда, шумораи онҳо набояд дар як нимсола зиёда аз 20 адад бошад. Дар дигар ҳолатҳо супоришҳо ба прокуророни поёнӣ танҳо бо иҷозати Прокурори генералӣ ирсол карда мешаванд.

96.     Ҳангоми ирсол намудани супоришҳо ба кадом прокуратураҳо дахл доштан ё надоштани онҳо ба инобат гирифта шуда, тибқи нақшаи кории раёсату шуъбаҳои Прокуратураи генералӣ фиристодани супоришҳо манъ мебошад.

97.     Дар ҳолатҳои ба зиммаи якчанд раёсату шуъбаҳо вогузор гардидани ичрои чорабинии нақшавӣ ё дигар супоришҳо танҳо як супориш аз тарафи иҷрочии асосӣ, бо назардошти таклифу дархостҳои раёсату шуъбаҳои ҳамиҷрочӣ фиристонида шуда, натиҷаи иҷрои он ҷамъбаст карда мешавад.

98.     Раёсати ташкили кор ва назорати иҷро бо мақсади такроран нафиристонидани супоришҳо, таъмин намудани сарбории баробар, рӯйхати прокуратураҳоеро, ки ба онҳо супориш фиристонида меша­вад, тартиб до да, мунтазам масъалаи мазкурро зери назорат гирифта, таҳлилу ҷамъбаст намуда, чора меандешад.

99.     Дар прокуратураҳое, ки фаъолияти онҳо дар давраи банақшагирӣ мавриди санҷиши маҷмӯӣ қарор мегиранд, санчишҳои фосилавӣ гузаронида намешаванд. Дар ҳолатҳои зарурӣ сандишҳо танҳо бо дастур ва розигии Прокурори генералӣ гузаронида мешаванд. Раёсати ташкили кор ва назорати иҷро бояд раёсату шуъбаҳои Прокуратураи генералиро дар бораи он, ки фаъолияти кадом прокуратураҳо ва кай мавриди санҷиши маҷмӯӣ қарор мегиранд, воқиф гардонида, назора­ти талаботи мазкурро таъмин намояд.

100.  Супоришҳои доимоамалкунанда бо пешниҳоди асосноки сардорони раёсату шуъбаҳо дар мувофиқа бо муовинони Прокурори ге­нералӣ бо имзои Прокурори генералӣ фиристода мешаванд.

101.  Супоришҳо бо ҳамаи ичрочиён мувофиқа карда шуда, дар онҳо бояд вазифаҳо, номгӯи масъалаҳои ҳалталаб, муҳлати иҷрои онҳо дарҷ ёфта, на дертар аз 10 рӯзи баъди тасдиқ шудани нақшаҳои корӣ фиристонида мешаванд.

102.  Супоришҳои нақшавии ба прокуророни поёнӣ ирсолшаванда аз тарафи Прокурори генералӣ ва ё муовинони ӯ ба имзо расонида мешаванд.

103.  Супоришҳо вобаста ба санҷиши муроҷиатҳои мушаххас ба Сарпрокурори ҳарбй, прокуророни ВМКБ, вилоятҳо, шаҳри Душан­бе, нақлиёти Тоҷикистон, назорати иҷрои қонунҳо дар муассисаҳои ислоҳӣ ва иҷрои ҷазои ҷиноятӣ, шаҳру ноҳияҳо ва ба онҳо баробаркардашуда аз тарафи Прокурори генералӣ ва ё муовинони ӯ, инчунин бо супориши роҳбарият аз ҷониби сардорони раёсату шуъбаҳо фиристонида мешаванд.

104.  Мактубҳои иттилоотӣ бо натиҷаи таҳлилу ҷамъбасти фаъолияти мақомоти прокуратура ҳар нимсола ба прокуратураҳои поёнӣ аз тарафи раёсату шуъбаҳо бо имзои Прокурори генералӣ ва муови­нони ӯ фиристонида шуда, онҳо бояд хусусияти супоришӣ надошта бошанд.

105.  Мактубҳои эродӣ бо натиҷаи таҳлилу ҷамъбасти ҳолати иҷрои супоришҳо ва ҳангоми пайдоиши зарурият оид ба камбудиҳои ҷиддии ошкоршуда танҳо ба прокуратураҳои дахлдор ирсол карда шуда, онҳо хусусияти ухдадоркунанда доранд.

106.  Мактубу ахборот унвонии Прокурори генералӣ танҳо бо им­зои Сарпрокурори ҳарбӣ, прокуророни ВМКБ, вилоятҳо, шаҳри Ду­шанбе, нақлиёти Тоҷикистон, шаҳру ноҳияҳо ва ба онҳо баробаркардашуда ё иҷрокунандагони вазифаи онҳо пешниҳод карда мешаванд.

107.  Ба ахбороти аз натиҷаи иҷрои супоришҳо ирсолгардида нусхаи санадҳои эътиноии прокурорӣ ва дигар ҳуҷҷатҳо танҳо дар ҳолатҳои истисноӣ талаб карда мешаванд.

108.  Нусхабардорӣ ва ба ҷойҳо фиристодани супоришҳо, мактубҳои иттилоотию эродӣ, ҷамъбастию дастурҳо ва дигар ҳуҷҷатҳои дахлдор аз тарафи Шуъбаи коргузории Прокуратураи генералӣ ба амал бароварда шуда, бо ҳамин тартиб ҳуҷҷатҳо тавассути телефакс ва почтаи электронӣ ирсол карда мешаванд.

109.  Раёсату шуъбаҳои Прокуратураи генералӣ пеш аз ирсол намудани супоришҳо, мактубҳои иттилоотӣ ва эродӣ онҳоро бо гирифтани раками тартибӣ дар Раёсати ташкили кор ва назорати иҷро ба қайд мегиранд.

110.  Раёсати ташкили кор ва назорати иҷро таҷрибаи назорати прокурориро вобаста ба фиристодани супоришҳо, мактубҳои итти­лоотӣ, эродӣ ва дигар ҳуҷҷатҳои дахлдор ҳар нимсола таҳлилу ҷамъбаст намуда, барои такмил додани кор дар ин самт ба Прокурори ге­нералӣ ё муовинони ӯ таклифҳо пешниҳод менамояд.

111.  Назорати иҷрои супоришҳо аз ҷониби раёсату шуъбаҳои онҳоро таҳия ва ба маҳалҳо ирсолнамуда амалӣ карда мешаванд.

 

VI.    САФАР БА МАҲАЛҲО

112.     Сафар ба маҳалҳо бо мақсади санҷиши вазъи иҷрои қонуни мушаххас ва ё фаъолияти прокуророни поёнӣ, расонидани ёрии амалӣ, омӯхтани таҷрибаи пешқадами онҳо, баррасии муроҷиатҳо, гузаронидани ҳаракатҳои тафтишотӣ, санҷиши мақомоти зерназоратӣ ва иштирок дар мурофиаҳои судӣ ба амал бароварда мешавад.

113.     Сафар ба маҳалҳо дар асоси нақшаҳои корни Прокуратураи генералӣ ва раёсату шуъбаҳо ё худ дастуру супориши Прокурори генералӣ ва муовинони ӯ сурат мегирад.

114.     Барои гузаронидани санҷишҳои ғайринақшавии фаъолияти мақомоти давлатӣ ва субъектони хоҷагидор мумкин аст, ки кормандони воҳидҳои сохтории Прокуратураи генералӣ аз тарафи Прокуро­ри генералӣ ва муовинони ӯ (дар мувофиқа бо Прокурори генералӣ) ба сафари хизматӣ фиристода шаванд.

115.     Муҳлати сафари хизматӣ аз тарафи роҳбарияти Прокурату­раи генералӣ муқаррар карда мешавад.

116.     Гузаронидани санҷишҳои маҷмӯӣ тибқи нақшаи корни Про­куратураи генералӣ ва дар ҳолатҳои истисноӣ ҳангоми мавҷуд будани маълумот оид ба ҷой доштани камбудиҳои ҷиддӣ дар фаъолияти прокуророни поёнӣ дар асоси супориши Прокурорӣ генералӣ амалӣ карда мешавад.

117.     Фармон дар бораи сафар ба маҳалҳо аз рӯи нақша бо дарҷ гардидани ҳайати гурӯҳ аз тарафи Раёсати ташкили кор ва назорати идро дар мувофиқа бо сардорони раёсату шуъбаҳо тартиб до да шуда, аз тарафи Прокурори генералӣ ба имзо расонида мешавад.

118.     Гурӯҳҳои кориро оид ба гузаронидани санҷишҳои маҷмӯӣ му­овинони Прокурори генералӣ, аъзои ҳайати мушовара ва бо дастури Прокурори генералӣ сардорони раёсату шуъбаҳо, муовинони онҳо ва ёрдамчиёни калони Прокурори генералӣ оид ба супоришҳои махсус роҳбарӣ менамоянд.

119.     Бо иҷозати Прокурори генералӣ ва муовинони ӯ дар мувофиқа бо Сарпрокурори ҳарбӣ, прокурорҳои ВМКБ, вилоятҳо, шаҳри Ду­шанбе, нақлиёти Тоҷикистон, шаҳру ноҳияҳо ва ба онҳо баробаркардашуда ба санҷиш кормандони прокуратураҳои поёниро ҷалб наму- дан мумкин мебошад.

120.     Фармони Прокурори генералӣ оид ба таъсиси ҳайати гурӯҳи корӣ барои гузаронидани санҷишҳои маҷмӯӣ аз тарафи Раёсати таш­кили кор ва назорати иҷро як ҳафта пеш аз сафар ба маҳал бароварда мешавад.

121.     Пеш аз сафар кормандон бо маълумотҳои оморӣ, дигар маводҳое, ки ҳолати воқеии қонуният, назорати прокурориро муайян мекунанд, фармону супоришҳои Прокурори генералӣ, қарорҳои ҳайати мушовара ва Шӯрои ҳамоҳангсозии фаъолияти мақомоти ҳифзи ҳуқуқ, натиҷаи санҷишқои қаблӣ ва қарорҳои бо онҳо қабулшуда шинос шуда, вобаста ба мақсади сафар самтҳои асосии корро муайян намуда, нақшаи гузаронидани санҷишро тартиб медиҳанд.

122.     Шуъбаи таҳлил ва омор на дертар аз се рӯз то сафар ба маҳалҳо барон гузаронидани санҷишҳои маҷмӯӣ ё соҳавӣ маълумотҳои омориро дар бораи вазъи қонуният, ҷинояткорӣ, тафтишот ва назорати прокурорӣ дар маҳал тайёр менамояд.

123.     Нақшаи санҷиш аз тарафи ҳар як узви гурӯҳи корӣ дар алоҳидагӣ вобаста ба самти назоратии барои санҷиш вобасташуда тартиб дода шуда, онро роҳбари гурӯҳ тасдиқ менамояд.

124.     Пеш аз сафар ба маҳал Прокурори генералӣ ё муовинони ӯ бо ҳайати гурӯҳи корӣ машварат мегузаронанд.

125.     Санҷиши маҷмӯӣ дар асоси талаботи Дастурамал «Дар бораи гузаронидани санҷишҳои маҷмӯӣ дар прокуратураҳои поёнӣ» гузаронида шуда, давомнокии он на бештар аз 10 шабонарӯзро ташкил дода, дар ҳолати зарурӣ ин муҳлат аз тарафи роҳбарияти Прокура- тураи генералӣ тамдид карда мешавад. Маълумотномаи умумӣ аз натиҷаи санҷиши маҷмӯӣ на бештар аз 15 саҳифа ва оид ба масъалаҳои алоҳида на бештар аз 10 саҳифаро ташкил дода, маълумотҳо оид ба таҳлили фаъолият, камбудиҳои ҷойдошта ва таклифҳои мушаххас дар бораи бартараф намудани онҳоро дарбар мегирад.

126.     Маълумотномаи умумӣ аз тарафи роҳбар ва узви гурӯҳ ба имзо расонида шуда, як нусхаи он ба роҳбарияти прокуратураи санҷидашуда супорида мешавад.

127.     Натиҷаи санҷиш дар ҳолатҳои зарурӣ дар прокуратураи таҳти санҷиш қароргирифта муҳокима карда мешавад.

128.     Роҳбари гурӯҳи корӣ дар муҳлати на дертар аз 3 рӯз баъди ба итмом расидани санҷиш ба Прокурори генералӣ ахбори муфассал пешниҳод менамояд.

129.     Маълумотнома оид ба натиҷаи санҷиш ва дигар ҳуҷҷатҳо дар муҳлати на дертар аз 5 рӯзи баитмомрасии санҷиш ба Раёсати ташкили кор ва назорати иҷро пешниҳод карда мешаванд.

130.     Натиҷаи санҷиши маҷмӯӣ дар маҷлиси ҳайати мушовараи Прокуратураи генералӣ, дар ҳолатҳои алоҳида бо супориши Проку­рори генералӣ дар маҷлиси фаврӣ-назоратии назди Прокурори генералӣ мавриди муҳокима қарор дода мешавад.

131.     Кормандони воҳидҳои дар санҷиши маҷмӯӣ иштирок варзида оид ба натиҷаи корҳои анҷомдода аз рӯи самтҳои назоратӣ ба сардорони раёсату шуъбаҳои тобеашон маълумотномаи дахлдор пешниҳод менамоянд.

132.     Натиҷаи санҷишҳои соҳавӣ, дар сурати ҳатмӣ набудани баррасии онҳо дар маҷлиси ҳайати мушовара ва маҷлисҳои фаврӣ-назоратии назди Прокурори генералӣ ё муовинони ӯ дар маҷлисҳои фаврии раёсату шуъбаҳо баррасӣ карда шуда, оид ба бартараф намудани камбудиҳои ҷойдошта чораҳои зарурӣ андешида мешаванд.

133.     Масъалаи хароҷоти молиявӣ барои сафарҳои хизматӣ ба маҳалҳо рафтан, дар асоси Қарори Ҳукумати Ҷумҳурии Тоҷикистон «Дар бораи пардохти хароҷоти сафари хизматии хизматчиёни давлатӣ ва кормандони ташкилоту муассисаҳои давлатӣ ба кишварҳои хориҷӣ, инчунин дар дохили Ҷумҳурии Тоҷикистон» сурат гирифта (ба истиснои ҳолатҳои фавқулода), бо шуъбаи муҳосибот ва молия мувофиқа карда мешавад.

 

VII.    САНАДҲОИ МЕЪЁРИИ ҲУҚУҚӢ

134.     Лоиҳаи санадҳои меъёрии ҳуқуқии (фармонҳо, супоришҳо, амрҳо, низомномаҳо, дастур ва дастурамалҳо) Прокурори генералӣ дар асоси супориши роҳбарияти Прокуратураи генералӣ, қарорҳои ҳайати мушовара, Шӯрои ҳамоҳангсозӣ ва ё бо ташаббуси бевоситаи кормандони раёсату шуъбаҳо тартиб дода мешаванд.

135.     Дар сурати бо ташаббуси кормандон омода гаштани лоиҳаи санадҳои меъёрии ҳуқуқӣ ба лоиҳа гузориши асоснок оиди зарурияти таҳияи он ба унвони Прокурори генералӣ замима карда мешавад.

136.     Муовинони Прокурори генералии Ҷумҳурии Тоҷикистон ба Прокурори генералӣ оид ба дар соҳаҳои иазоратӣ таҳия ва нашр на­мудани дастурамал таклиф пешниҳод менамоянд.

137.     Сардорони раёсату шуъбаҳо, лоиҳаҳои санадҳои меъёрии ҳуқуқиро бо муовинони Прокурори генералӣ (сарпарастони соҳа) ва дар ҳолатҳои зарурӣ бо раёсату шуъбаҳои дахлдор ва Донишкадаи мақомот мувофиқа менамоянд. Дар ҳолати аз ҷониби Прокурори ге­нералӣ ва муовинони ӯ муайян карда нашудани муҳлати мувофиқаи лоиҳаи санад, муҳлати мувофиқаи он 10 рӯз муқаррар карда мешавад.

138.     Дар ҳолатҳои зарурӣ бо супориши Прокурори генералӣ шуъ­баи таъминоти ҳуқуқӣ, мониторинги конунгузорӣ ва маркази матбуоти Прокуратураи генералӣ ташхиси ҳуқуқии лоиҳаи санадро гузаронида, хулоса тартиб медиҳад.

139.     Дар сурати зарурият лоиҳаи санадҳои меъёрии ҳуқуқӣ дар мувофиқа бо Прокурори генералӣ ва ё муовинони ӯ барон муҳокима ба прокуророни поёнӣ ирсол гардида, барои баррасӣ ба маҷлиси ҳайати мушовара ва ё фаврӣ-назоратӣ бароварда мешавад.

140.     Прокуророни ВМКБ, вилоятҳо, шаҳри Душанбе, нақлиёти Тоҷикистон, назорати иҷрои қонунҳо дар муассисаҳои ислоҳӣ ва иҷрои ҷазои ҷиноятӣ, шаҳру ноҳияҳо ва ба онҳо баробаркардашуда, инчунин кормандони онҳо метавонанд дар омода сохтани санадҳои меъёрии ҳуқуқӣ ҷалб карда шаванд ва ё чунин санадҳоро таҳия ва омода сохта, барон омӯзиш ва қабули қарори дахлдор ба Прокурори генералӣ пешниҳод намоянд.

141.     Лоиҳаи санадҳои меъёрии ҳуқуқӣ бо сардорони раёсату шуъбаҳо, ки дар омода сохтани он ширкат варзидаанд ва муовинони Про­курори генералӣ, ки масъули ин соҳаи назорат мебошанд, мувофиқа карда шуда, баъди таҳрир шудан барои омӯзиш ба Раёсати ташкили кор ва назорати иҷро пешниҳод карда мешаванд.

142.     Ба лоиҳа маълумотномаи асоснок оид ба рад намудани таклифҳо ва эродҳои пешниҳодшуда ҳамроҳ карда мешавад.

143.     Санадҳои меъёрии ҳуқуқӣ (ба истиснои онҳое, ки махфӣ мебо­шанд) аз тарафи Раёсати кадрҳо ба қайд гирифта мешаванд.

144.     Тартиби омода сохтани лоиҳаҳои фармон, дастур ва низомномаҳои якҷоя бо дигар мақомоти ҳифзи ҳуқуқ аз тарафи Прокурори генералӣ ва ё муовинони ӯ муқаррар карда мешавад.

 

VIII.     ДАЪВАТИ КОРМАНДОН A3 МАҲАЛҲО

145.     Даъвати кормандони прокуратураҳои тобеъ ба Прокуратураи генералӣ мувофиқи супориши Прокурори генералӣ, муовинони ӯ ё бо иҷозати онҳо, дар асоси гузориши асосноки сардорони воҳидҳои сохтории Прокуратураи генералӣ сурат мегирад.

146.     Давомнокии сафари хизматии кормандоне, ки барои иштирок намудан дар маҷлисҳои ҳайати мушовара, Шӯрои ҳамоҳангсозӣ, маҷлисҳои фаврӣ-назоратӣ ё додани маълумот оид ба парвандаҳои мушаххас, санҷишҳои хизматӣ ва аттестатсия ба Прокуратураи гене­ралӣ даъват карда мешаванд, набояд аз 3 рӯз ва аз ВМКБ аз 5 рӯз зиёд бошад (ба истиснои таҷрибаомӯзӣ, такмили ихтисос ва дигар шароиту ҳолатҳое, ки муҳлати дарозтарро талаб мекунанд.)

147.     Масъалаи хароҷоти сафари хизматии кормандони даъватшуда ва ҷобаҷокунии онҳо (дар сурати мавчуд набудани маблаг барои сафари хизматӣ дар прокуратураҳои тобеъ), пешакӣ бо муовини Прокурори генералӣ (сарпарасти соҳа) мувофиқа карда шуда, бе ҳал намудани ин масъала даъвати кормандон манъ мебошад.

148.     Бақайдгирии сафари хизматии кормандони аз маҳалҳо даъватшуда оид ба муҳлати дар Прокуратураи генералӣ будани онҳо аз тарафи раёсату шуъбаҳои дахлдор ва Раёсати кадрҳо амалӣ гардонида мешавад.

149.     Асос ва тартиби ба Прокуратураи генералӣ даъват намудани муфаттишон ва дигар кормандони прокуратураҳои поёнӣ барон иштирок дар гурӯҳҳои фаврӣ-тафтишотӣ ва тартиби додани хароҷоти молиявии ин кормандон бевосита аз тарафи Прокурори генералӣ муайян карда мешавад.

150.     Дар ҳолате, ки корманди дар сафари хизматибуда супоришро иҷро намекунад, интизоми меҳнат ва иҷроияро вайрон намуда, муҳлати дар сафар буданро рйоя намекунад, сардори раёсат ва ё шуъба гузориши асоснок тартиб дода, онро бо муовинони Прокуро­ри генералӣ (сарпарастон) мувофиқа намуда, барои чораандешӣ ба Прокурори генералӣ пешниҳод менамояд.

            Раёсату шуъбаҳое, ки сарпарастии онҳо ба зиммаи Прокурори ге­нералӣ мебошад, гузоришро дар ин хусус бевосита ба Прокурори ге­нералӣ пешниҳод менамоянд.

 

IX.    НАЗОРАТИ ИҶРО

151.     Назорати иҷрои фармонҳо, дастурҳо, дастурамалу низомномаҳо, амрҳои Прокурори генералӣ, қарорҳои маҷлисҳои ҳайати мушовара, фаврӣ-назоратии назди Прокурори генералӣ, Шӯрои ҳамоҳангсозии фаъолияти мақомоти ҳифзи ҳуқуқи ҷумҳурӣ, чорабиниҳои нақшавӣ ва дигар супоришҳо аз тарафи муовинони Прокурори генералӣ, сардорони раёсату шуъбаҳо ва Раёсати ташкили кор ва на­зорати иҷро таъмин карда мешавад.

152.     Назорат бо роҳи мунтазам омӯхтан ва таҳлил намудани маълумотҳои оморӣ, нақшаҳои корӣ, ҳуҷҷатҳои назорати прокурорӣ, санадҳои эътиноии прокурорӣ, ахборот, маводҳое, ки аз прокуророни поёнй ворид мегарданд, таъмин карда мешавад. Дар ҳолатҳои зарурӣ, барои санҷиш тариқи назоратӣ, сафар ба маҳалҳо ташкил карда ме­шавад.

153.     Ҳуҷҷатҳои зерин таҳти назорат гирифта мешаванд:

-       санаду супоришҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, протоколҳои маҷлис ва ё бандҳои алоҳидаи онҳо (аз ҷумла дар нақша-чорабиниҳо дарҷгардида), фармоиш ва супоришҳои Сарвазири Ҷумҳурии Тоҷикистон ва Дастгоҳи иҷроияи Президенти Ҷумҳурии Тоҷикистон, ки бо онҳо аз Прокуратураи генералӣ ахборот талаб ва ё вазифадор карда шудааст;

-       дархостҳои узви Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон;

-       лоиҳаи санадҳои меъёрии хуқуқии барои мувофиқа воридшуда;

-       фармонҳо, қарорҳои маҷлисҳои Шӯрои қамоҳангсозии фаъолияти мақомоти ҳифзи ҳуқуқи ҷумҳурӣ, ҳайати мушовара ва фаврӣ-назоратии назди Прокурори генералӣ, чорабиниҳои нақшавӣ, супоришҳои роҳбарияти Прокуратураи генералӣ;

-       ҳуҷҷатҳое, ки рафти баррасӣ ва иҷрои онҳо аз ҷониби Прокуро­ри генералӣ ва муовинони ӯ ба назорат гирифта шудаанд;

-       ҳуҷҷатҳое, ки аз натиҷаи баррасии онҳо мақомоти ирсолнамуда ахборот пурсидааст.

154.     Шуъбаи коргузорӣ ба ҳуҷҷатҳои зикршуда (ба истиснои ҳуҷҷатҳои дар зербанди 4 банди 153 ҳамин Регламент зикршуда) дар асоси Дастурамал «Дар бораи коргузорӣ дар мақомоти прокуратураи Ҷумҳурии Тоҷикистон» дар 2 нусха варақаҳои назоратӣ тартиб дода, нусхаи аввалро ба иҷрочиён ва нусхаи дуюмро барои назорат ба Раёсати ташкили кор ва назорати иҷро месупорад.

            Охири ҳар ҳафта (нимаи дуюми рӯзи чумъа) шуъбаи коргузорӣ бо омӯзиши китобҳои воридотӣ, бақайдгирии муроҷиатҳо ва дигар китобҳои дахлдор ба Раёсати ташкили кор ва назорати иҷро маълумотнома оиди ҳолати риояи интизоми иҷро аз ҷониби кормандони раёсату шуъбаҳо ва ёрдамчиёни калони Прокурори генералӣ оид ба супоришҳои махсус пешниҳод менамояд.

155.     Фармону супоришҳои Прокурори генералӣ, ки ба прокуратураҳо ё соҳаҳои алоҳидаи назорат, қарорҳои ҳайати мушовара, Шӯрои ҳамоҳангсозии фаъолияти мақомоти ҳифзи ҳуқуқ тааллуқ доранд, на бештар аз як сол (агар дар худи санад муҳлати дигар муқаррар нашуда бошад), таҳти назорат гирифта мешаванд.

156.     Пас аз ба итмом расидани муҳлат, масъалаи аз назорат соқит кардан ё идома додани он аз тарафи Прокурори генералӣ, муовинони ӯ, дар асоси гузориши асосноки сардорони раёсат, шуъба ва ёрдамчи­ёни калони Прокурори генералӣ оид ба супоришҳои махсус ҳал карда мешавад.

157.     Назорати иҷрои супоришҳои аз тарафи Прокурори генералӣ додашуда, ҳамчунин тартиб ва муҳлати баррасӣ гардидани дархост ва муроҷиатҳои аз мақомоти олии ҳокимияти давлатӣ дохилгардида, аз тарафи Раёсати ташкили кор ва назорати иҷро таъмин карда ме- шавад.

158.     Раёсати ташкили кор ва назорати иҷро ҳолати иҷро, риоя намудани тартиби омодасозии шакли санадҳои меъёрии ҳуқуқӣ, иҷрои Регламенти мазкурро дар раёсату шуъбаҳо ва прокуратураҳои поёнӣ месанҷад, санадҳо ва маълумотҳои лозимаро талаб менамояд ва ҳангоми муайян намудани камбудиҳо барои бартараф намудан ва пешгирии онҳо чораҳои дахлдор меандешад.

159.     Сарпрокурори ҳарбӣ, прокуророни ВМКБ, вилоятҳо, шаҳри Душанбе, нақлиёти Тоҷикистон вазифадоранд, ки Регламенти прокуратураҳои худро мутобиқи Регламенти мазкур мураттаб сохта, тибқи он фаъолиятро ба амал бароранд.

 

 

КОНСТИТУТСИЯИ ҶУМҲУРИИ ТОҶИКИСТОН

Конститутсияи Ҷумҳурии Тоҷикистон 6 ноябри соли 1994 дар раъйпурсии умумихалқӣ қабул карда шуд. 26 сентябри соли 1999, 22 июни соли 2003 ва 22 майи соли 2016 бо тариқи раъйпурсии умумихалқӣ ба он тағйиру иловаҳо ворид карда шудаанд.

 

МО, ХАЛҚИ ТОҶИКИСТОН,

қисми ҷудонашавандаи ҷомеаи ҷаҳон буда, худро дар назди наслҳои гузашта, ҳозира ва оянда масъул ва вазифадор дониста,

таъмини соҳибихтиёрии давлати худ ва рушду камоли онро дарк намуда,

озодӣ ва ҳуқуқи шахсро муқаддас шумурда,

баробарҳуқуқӣ ва дӯстии тамоми миллату халқиятҳоро эътироф карда,

бунёди ҷомеаи адолатпарварро вазифаи худ қарор дода,

ҲАМИН КОНСТИТУТСИЯРО ҚАБУЛ ВА ЭЪЛОН МЕНАМОЕМ.

 

Боби якум

АСОСҲОИ СОХТОРИ КОНСТИТУТСИОНӢ

 

Моддаи 1

Ҷумҳурии Тоҷикистон давлати соҳибихтиёр, демократӣ, ҳуқуқбунёд, дунявӣ ва ягона мебошад.

Шакли идораи Ҷумҳурии Тоҷикистон президентӣ мебошад.

Тоҷикистон давлати иҷтимоӣ буда, барои ҳар як инсон шароити зиндагии арзанда ва инкишофи озодонаро фароҳам меорад.

Ҷумҳурии Тоҷикистон ва Тоҷикистон ҳаммаъноянд.

 

Моддаи 2

Забони давлатии Тоҷикистон забони тоҷикӣ аст.

Забони русӣ ҳамчун забони муоширати байни миллатҳо амал мекунад.

Ҳамаи миллатҳо ва халқиятҳое, ки дар ҳудуди ҷумҳурӣ зиндагӣ мекунанд, ҳуқуқ доранд аз забони модариашон озодона истифода кунанд.

 

Моддаи 3

Рамзҳои давлатии Тоҷикистон Парчам, Нишон ва Суруди Миллӣ аст.

 

Моддаи 4

Пойтахти Тоҷикистон шаҳри Душанбе аст. 

 

Моддаи 5

Инсон, ҳуқуқ ва озодиҳои ӯ арзиши олӣ мебошанд.

Ҳаёт, қадр, номус ва дигар ҳуқуқҳои фитрии инсон дахлнопазиранд.

Ҳуқуқу озодиҳои инсон ва шаҳрвандро давлат эътироф, риоя ва ҳифз менамояд.

 

Моддаи 6

Дар Тоҷикистон халқ баёнгари соҳибихтиёрӣ ва сарчашмаи ягонаи ҳокимияти давлатӣ буда, онро бевосита ва ё ба воситаи вакилони худ амалӣ мегардонад.

Ифодаи олии бевоситаи ҳокимияти халқ раъйпурсии умумихалқӣ ва интихобот аст.

Халқи Тоҷикистонро сарфи назар аз миллаташон шаҳрвандони Тоҷикистон ташкил менамоянд.

Ҳеҷ як иттиҳодияи ҷамъиятӣ, ҳизбҳои сиёсӣ, гурӯҳи одамон ва ё фарде ҳуқуқ надорад, ки ҳокимияти давлатиро ғасб намояд.

Ғасби ҳокимият ва ё тасарруфи салоҳияти он манъ аст.

Аз номи тамоми халқи Тоҷикистон фақат Президент, Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон дар ҷаласаи якҷояи худ ҳуқуқи сухан гуфтан доранд.

 

Моддаи 7

Ҳудуди Тоҷикистон тақсимнашаванда ва дахлнопазир мебошад.

Тоҷикистон аз Вилояти Мухтори Кӯҳистони Бадахшон, вилоятҳо, шаҳрҳо, ноҳияҳо, шаҳракҳо ва деҳаҳо иборат аст.

Соҳибихтиёрӣ, истиқлолият ва тамомияти арзии Тоҷикистонро давлат таъмин менамояд. Тарғиб ва амалиёти ҷудоиандозӣ, ки ягонагии давлатро халалдор мекунад, манъ аст.

Тартиби таъсис ва тағйири воҳидҳои маъмурию ҳудудиро қонуни конститутсионӣ танзим менамояд.

 

Моддаи 8

Дар Тоҷикистон ҳаёти ҷамъиятӣ дар асоси равияҳои гуногуни сиёсӣ ва мафкуравӣ инкишоф меёбад.

Мафкураи ҳеҷ як ҳизб, иттиҳодияи ҷамъиятӣ, динӣ, ҳаракат ва гурӯҳе наметавонад ба ҳайси мафкураи давлатӣ эътироф шавад.

Иттиҳодияҳои ҷамъиятӣ ва ҳизбҳои сиёсӣ дар доираи Конститутсия ва қонунҳо таъсис меёбанд ва амал мекунанд.

Иттиҳодияҳои динӣ аз давлат ҷудо буда, ба корҳои давлатӣ мудохила карда наметавонанд.

Таъсис ва фаъолияти иттиҳодияҳои ҷамъиятӣ ва ҳизбҳои сиёсие, ки нажодпарастӣ, миллатгароӣ, хусумат, бадбинии иҷтимоӣ ва мазҳабиро тарғиб мекунанд ва ё барои бо зӯрӣ сарнагун кардани сохтори конститутсионӣ ва ташкили гурӯҳҳои мусаллаҳ даъват менамоянд, манъ аст.

Дар Тоҷикистон фаъолияти ҳизбҳои сиёсии дигар давлатҳо, таъсиси ҳизбҳои хусусияти миллӣ ва динидошта, инчунин маблағгузории ҳизбҳои сиёсӣ аз ҷониби давлатҳо ва созмонҳои хориҷӣ, шахсони ҳуқуқӣ ва шаҳрвандони хориҷӣ манъ аст.

 

Моддаи 9

Ҳокимияти давлатӣ дар асоси таҷзияи он ба ҳокимияти қонунгузор, иҷроия ва судӣ амалӣ мегардад.

 

Моддаи 10

Конститутсияи Тоҷикистон эътибори олии ҳуқуқӣ дорад ва меъёрҳои он мустақиман амал мекунанд. Қонунҳо ва дигар санадҳои ҳуқуқие, ки хилофи Конститутсияанд, эътибори ҳуқуқӣ надоранд.

Давлат ва ҳамаи мақомоти он, шахсони мансабдор, шаҳрвандон ва иттиҳодияҳои онҳо вазифадоранд Конститутсия ва қонунҳои ҷумҳуриро риоя ва иҷро намоянд.

Санадҳои ҳуқуқии байналмилалие, ки Тоҷикистон онҳоро эътироф кардааст, қисми таркибии низоми ҳуқуқии ҷумҳуриро ташкил медиҳанд. Агар қонунҳои ҷумҳурӣ ба санадҳои ҳуқуқии байналмилалии эътирофшуда мутобиқат накунанд, меъёрҳои санадҳои байналмилалӣ амал мекунанд.

Қонунҳо ва санадҳои ҳуқуқии байналмилалие, ки Тоҷикистон эътироф кардааст, пас аз интишори расмӣ амал мекунанд.

 

Моддаи 11

Тоҷикистон сиёсати сулҳҷӯёнаро ба амал татбиқ намуда, соҳибихтиёрӣ ва истиқлолияти дигар давлатҳои ҷаҳонро эҳтиром менамояд ва муносибатҳои хориҷиро дар асоси меъёрҳои байналмилалӣ муайян мекунад.

Ташвиқоти ҷанг манъ аст.

Тоҷикистон вобаста ба манфиатҳои олии халқ метавонад ба иттиҳодияҳо ва ташкилотҳои байналмилалӣ дохил шавад, аз онҳо барояд, бо кишварҳои хориҷӣ робита намояд.

Давлат бо ҳамватанони берунмарзӣ ҳамкорӣ мекунад.

 

Моддаи 12

Асоси иқтисодиёти Тоҷикистонро шаклҳои гуногуни моликият ташкил медиҳанд.

Давлат фаъолияти озоди иқтисодӣ, соҳибкорӣ, баробарҳуқуқӣ ва ҳифзи ҳуқуқии ҳамаи шаклҳои моликият, аз ҷумла моликияти хусусиро кафолат медиҳад.

 

 

Моддаи 13

Замин, сарватҳои зеризаминӣ, об, фазои ҳавоӣ, олами набототу ҳайвонот ва дигар боигарии табиӣ моликияти истисноии давлат мебошанд ва давлат истифодаи самараноки онҳоро ба манфиати халқ кафолат медиҳад.

 

Боби дуюм

ҲУҚУҚ, ОЗОДӢ, ВАЗИФАҲОИ АСОСИИ ИНСОН
 ВА ШАҲРВАНД

 

Моддаи 14

Ҳуқуқу озодиҳои инсон ва шаҳрванд ба воситаи Конститутсия, қонунҳои ҷумҳурӣ ва санадҳои ҳуқуқии байналмилалие, ки аз тарафи Тоҷикистон эътироф шудаанд, ҳифз мегарданд.

Ҳуқуқ ва озодиҳои инсон ва шаҳрванд бевосита амалӣ мешаванд. Онҳо мақсад, мазмун ва татбиқи қонунҳо, фаъолияти ҳокимияти қонунгузор, иҷроия, мақомоти маҳаллии ҳокимияти давлатӣ ва худидоракуниро муайян мекунанд ва ба воситаи ҳокимияти судӣ таъмин мегарданд.

Маҳдуд кардани ҳуқуқу озодиҳои инсон ва шаҳрванд танҳо ба мақсади таъмини ҳуқуқ ва озодии дигарон, тартиботи ҷамъиятӣ, ҳимояи асосҳои сохтори конститутсионӣ, амнияти давлат, мудофиаи мамлакат, ахлоқи ҷомеа, сиҳатии аҳолӣ ва тамомияти арзии ҷумҳурӣ раво дониста мешавад.

 

Моддаи 15

Шаҳрванди Ҷумҳурии Тоҷикистон шахсе ҳисоб меёбад, ки дар рӯзи қабули Конститутсия шаҳрванди Ҷумҳурии Тоҷикистон буд ё мутобиқи қонунгузории Ҷумҳурии Тоҷикистон ё шартномаҳои байналмилалии Тоҷикистон шаҳрвандии Ҷумҳурии Тоҷикистонро соҳиб шуда бошад.

Мансубияти шаҳрванди Тоҷикистон ба шаҳрвандии давлати дигар эътироф намешавад, ба истиснои мавридҳое, ки дар қонун ё шартномаҳои байнидавлатии Тоҷикистон нишон дода шудааст.

Тартиби соҳиб шудан ва қатъ гардидани шаҳрвандии Ҷумҳурии Тоҷикистонро қонуни конститутсионӣ танзим менамояд.

 

Моддаи 16

Шаҳрванди Тоҷикистон дар хориҷи кишвар таҳти ҳимояи давлат мебошад. Ҳеҷ як шаҳрванди ҷумҳуриро ба давлати хориҷӣ супурдан мумкин нест. Супурдани ҷинояткор ба давлати хориҷӣ дар асоси шартномаи тарафайн ҳал мешавад.

Шаҳрванди хориҷӣ ва шахси бешаҳрванд аз ҳуқуқ ва озодиҳои муқарраргардида истифода мебаранд ва баробари шаҳрванди Тоҷикистон вазифа ва масъулият доранд, ба истиснои ҳолатҳое, ки қонун пешбинӣ намудааст.

Тоҷикистон ба шаҳрвандони хориҷие, ки гирифтори вайронкунии ҳуқуқи инсон гаштаанд, метавонад паноҳгоҳи сиёсӣ диҳад.

 

Моддаи 17

Ҳама дар назди қонун ва суд баробаранд. Давлат ба ҳар кас, қатъи назар аз миллат, нажод, ҷинс, забон, эътиқоди динӣ, мавқеи сиёсӣ, вазъи иҷтимоӣ, таҳсил ва молу мулк, ҳуқуқу озодиҳоро кафолат медиҳад.

Мардон ва занон баробарҳуқуқанд.

 

Моддаи 18

Ҳар кас ҳуқуқ ба ҳаёт дорад.

Ҳеҷ кас аз ҳаёт маҳрум карда намешавад, ба истиснои ҳукми суд барои ҷинояти махсусан вазнин.

Дахлнопазирии шахсро давлат кафолат медиҳад. Ба ҳеҷ кас шиканҷа, ҷазо ва муносибати ғайриинсонӣ раво дида намешавад. Мавриди озмоиши маҷбурии тиббӣ ва илмӣ қарор додани инсон манъ аст.

 

Моддаи 19

Ҳар кас кафолати ҳифзи судӣ дорад. Ҳар шахс ҳуқуқ дорад талаб намояд, ки парвандаи ӯро суди босалоҳият, мустақил ва беғараз, ки тибқи қонун таъсис ёфтааст, баррасӣ намояд.

Ҳеҷ касро бе асоси қонунӣ дастгир, ҳабс кардан мумкин нест. Ҳар шахс аз лаҳзаи дастгир шудан метавонад аз ёрии адвокат истифода кунад.

 

Моддаи 20

Ҳеҷ кас то эътибори қонунӣ пайдо кардани ҳукми суд дар содир кардани ҷиноят гунаҳгор дониста намешавад.

Ҳеҷ кас баъди гузаштани муҳлати таъқиби ҷиноятӣ, инчунин барои содир кардани рафторе, ки ҳангоми воқеъ шуданаш ҷиноят ҳисоб намеёфт, ба ҷавобгарӣ кашида намешавад. Барои як ҷиноят ҳеҷ кас такроран ҷазо намебинад.

Қонуне, ки баъд аз содир шудани рафтори ғайриқонунии шахс қабул шудааст ва он ҷазои шахсро вазнин мекунад, қувваи бозгашт надорад. Агар баъд аз содир шудани рафтори ғайриқонунӣ барои он ҷазо пешбинӣ нашуда бошад ва ё ҷазои сабук пешбинӣ шуда бошад, қонуни нав амал мекунад.

Мусодираи пурраи молу мулки шахси маҳкумшуда манъ аст.

 

Моддаи 21

Ҳуқуқи ҷабрдидаро қонун ҳифз мекунад. Давлат ҳифзи судӣ ва ҷуброни зарарро барои ҷабрдида кафолат медиҳад.

 

Моддаи 22

Манзили шахс дахлнопазир аст.

Ба манзили шахс зӯран даромадан ва касеро аз манзил маҳрум кардан манъ аст, ба истиснои мавридҳое, ки қонун муқаррар кардааст.

 

Моддаи 23

Маҳрамияти мукотиба, суҳбатҳои телефонӣ, муросилот ва мухобироти шахс таъмин карда мешавад, ба истиснои мавридҳое, ки дар қонун нишон дода шудааст.

Дар бораи ҳаёти шахсии инсон бе розигии ӯ ҷамъ намудан, нигоҳ доштан, истифода ва паҳн кардани маълумот манъ аст.

 

Моддаи 24

Шаҳрванд ба мусофират, интихоби озоди маҳалли зист, тарки ҷумҳурӣ ва бозгашт ба он ҳуқуқ дорад.

 

Моддаи 25

Мақомоти давлатӣ, иттиҳодияҳои ҷамъиятӣ, ҳизбҳои сиёсӣ ва шахсони мансабдор вазифадоранд ба ҳар кас имконияти пайдо намудан ва шинос шуданро ба ҳуҷҷатҳое, ки ба ҳуқуқ ва манфиати ӯ дахл доранд, таъмин намоянд, ба истиснои ҳолатҳое, ки қонун муайян кардааст.

 

Моддаи 26

Ҳар кас ҳуқуқ дорад муносибати худро нисбат ба дин мустақилона муайян намояд, алоҳида ва ё якҷоя бо дигарон динеро пайравӣ намояд ва ё пайравӣ накунад, дар маросим ва расму оинҳои динӣ иштирок намояд.

 

Моддаи 27

Шаҳрванд ҳуқуқ дорад дар ҳаёти сиёсӣ ва идораи давлатӣ бевосита ва ё ба воситаи вакилонаш иштирок намояд.

Шаҳрвандон ба хидмати давлатӣ ҳуқуқи баробар доранд.

Шаҳрванд аз синни 18 ҳуқуқи дар раъйпурсӣ иштирок кардан, интихоб намудан, инчунин аз синни муқаррарнамудаи Конститутсия, қонунҳои конститутсионӣ ва қонунҳо ҳуқуқи интихоб шуданро дорад.

Шаҳрвандоне, ки аз тарафи суд ғайри қобили амал дониста шудаанд ва ё мувофиқи ҳукми суд дар ҷойҳои аз озодӣ маҳрумшудагон нигоҳ дошта мешаванд, ҳуқуқи дар интихобот ва раъйпурсӣ иштирок кардан надоранд.

Тартиби гузаронидани интихоботро қонунҳои конститутсионӣ ва қонунҳо танзим менамоянд. Баргузории раъйпурсӣ тибқи қонуни конститутсионӣ сурат мегирад.

 

Моддаи 28

Шаҳрвандон ҳуқуқи муттаҳид шудан доранд. Шаҳрванд ҳуқуқ дорад дар ташкили ҳизбҳои сиёсӣ, иттифоқҳои касаба ва дигар иттиҳодияҳои ҷамъиятӣ иштирок намояд, ихтиёран ба онҳо дохил ва аз онҳо хориҷ гардад.

Ҳизбҳои сиёсӣ дар асоси гуногунандешии сиёсӣ барои ташаккул ва ифодаи иродаи халқ мусоидат мекунанд ва дар ҳаёти сиёсӣ иштирок менамоянд. Сохтор ва фаъолияти онҳо бояд ба меъёрҳои демократӣ мувофиқ бошанд.

 

Моддаи 29

Шаҳрванд ҳуқуқ дорад дар маҷлис, гирдиҳамоӣ, намоиш, раҳпаймоии осоишта, ки қонун муқаррар кардааст, ширкат варзад.

Ҳеҷ касро ба ин тадбирҳо маҷбуран ҷалб кардан мумкин нест.

 

Моддаи 30

Ба ҳар кас озодии сухан, нашр, ҳуқуқи истифодаи воситаҳои ахбор кафолат дода мешавад.

Таблиғот ва ташвиқоте, ки бадбинӣ ва хусумати иҷтимоӣ, нажодӣ, миллӣ, динӣ ва забониро бармеангезанд, манъ аст.

Сензураи давлатӣ ва таъқиб барои танқид манъ аст.

Номгӯи маълумотҳоеро, ки сирри давлатӣ доранд, қонун муайян мекунад.

 

Моддаи 31

Шаҳрванд ҳуқуқ дорад шахсан ва ё якҷоя бо дигарон ба мақомоти давлатӣ муроҷиат намояд.

 

Моддаи 32

Ҳар кас ҳуқуқ дорад соҳиби моликият ва мерос бошад.

Ҳеҷ кас ҳуқуқ надорад ҳуқуқи шахсро ба моликият бекор ва маҳдуд кунад. Молу мулки шахсро барои эҳтиёҷоти ҷамъият фақат дар асоси қонун ва розигии соҳиби он бо пардохти арзиши пуррааш давлат гирифта метавонад.

Товони зарари моддӣ ва маънавие, ки шахс дар натиҷаи амали ғайриқонунии мақомоти давлатӣ, иттиҳодияҳои ҷамъиятӣ, ҳизбҳои сиёсӣ, дигар шахсони ҳуқуқӣ ва ё шахсони алоҳида мебинад, мувофиқи қонун аз ҳисоби онҳо рӯёнида мешавад.

 

Моддаи 33

Давлат оиларо ҳамчун асоси ҷамъият ҳимоя мекунад.

Ҳар кас ҳуқуқи ташкили оила дорад. Мардон ва занон, ки ба синни никоҳ расидаанд, ҳуқуқ доранд озодона ақди никоҳ банданд. Дар оиладорӣ ва бекор кардани ақди никоҳ зану шавҳар баробарҳуқуқанд.

Бисёрникоҳӣ манъ аст.

 

Моддаи 34

Модару кӯдак таҳти ҳимоя ва ғамхории махсуси давлатанд.

Падару модар барои таълиму тарбияи фарзандон ва фарзандони болиғу қобили меҳнат барои нигоҳубин ва таъминоти иҷтимоии падару модар масъул мебошанд.

Давлат барои ҳифзи кӯдакони ятим, маъюб ва таълиму тарбияи онҳо ғамхорӣ менамояд.

 

Моддаи 35

Ҳар кас ба меҳнат, интихоби касбу кор, ҳифзи меҳнат ва ҳимояи иҷтимоӣ ҳангоми бекорӣ ҳуқуқ дорад. Музди кор аз ҳадди ақали музди меҳнат набояд кам бошад.

Дар муносибатҳои меҳнатӣ ҳама гуна маҳдудият манъ аст. Барои иҷрои кори якхела музди баробар дода мешавад.

Ҳеҷ кас ба меҳнати маҷбурӣ ҷалб карда намешавад, ба истиснои мавридҳое, ки қонун муайян кардааст.

Дар корҳои вазнин, зеризаминӣ ва шароити меҳнаташон зарарнок истифодаи меҳнати занон ва ноболиғон манъ аст.

 

Моддаи 36

Ҳар кас ба манзил ҳуқуқ дорад. Ин ҳуқуқ бо роҳи сохтмони манзили давлатӣ, ҷамъиятӣ, кооперативӣ ва хусусӣ таъмин карда мешавад.

 

Моддаи 37

Шаҳрванд ҳуқуқи истироҳат дорад. Ин ҳуқуқ бо роҳи муқаррар кардани ҳафта ва рӯзи корӣ, рухсатии ҳарсолаи пардохтшаванда, рӯзҳои ҳарҳафтаинаи истироҳат ва шароитҳои дигаре таъмин карда мешавад, ки қонун муайян кардааст.

 

Моддаи 38

Ҳар шахс ҳуқуқи ҳифзи саломатӣ дорад. Шахс дар доираи муқаррарнамудаи қонун аз ёрии тиббии ройгон дар муассисаҳои нигаҳдории тандурустии давлатӣ истифода менамояд. Давлат барои солимгардонии муҳити зист, инкишофи оммавии варзиш, тарбияи ҷисмонӣ ва сайёҳӣ тадбирҳо меандешад.

Шаклҳои дигари ёрии тиббиро қонун муайян мекунад.

 

Моддаи 39

Ҳар шахс дар пиронсолӣ, ҳангоми беморӣ, маъюбӣ, гум кардани қобилияти кор, маҳрум шудан аз сарпараст ва мавридҳои дигаре, ки қонун муайян кардааст, кафолати таъмини иҷтимоӣ дорад.

 

Моддаи 40

Ҳар шахс ҳуқуқ дорад озодона дар ҳаёти фарҳангии ҷомеа, эҷоди бадеӣ, илмӣ ва техникӣ ширкат варзад, аз дастовардҳои онҳо истифода кунад.

Сарватҳои фарҳангӣ ва маънавиро давлат ҳимоя мекунад.

Моликияти зеҳнӣ таҳти ҳимояи қонун аст.

 

Моддаи 41

Ҳар шахс ҳуқуқи таҳсил дорад. Таълими умумии асосӣ ҳатмист. Давлат таълими умумии асосии ҳатмии ройгонро дар муассисаҳои таълимии давлатӣ кафолат медиҳад.

Шахс дар доираи муқаррарнамудаи қонун дар муассисаҳои таълимии давлатӣ метавонад ба таври ройгон таълими миёнаи умумӣ, ибтидоии касбӣ, миёнаи касбӣ ва олии касбӣ гирад.

Шаклҳои дигари таълимро қонун муайян мекунад.

 

Моддаи 42

Дар Тоҷикистон ҳар шахс вазифадор аст, ки Конститутсия ва қонунҳоро риоя кунад, ҳуқуқ, озодӣ, шаъну шарафи дигаронро эҳтиром намояд.

Надонистани қонун ҷавобгариро истисно намекунад.

 

Моддаи 43

Ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии он вазифаи муқаддаси шаҳрванд аст.

Тартиби хизмати ҳарбиро қонун муайян мекунад.

 

Моддаи 44

Ҳифзи табиат, ёдгориҳои таърихиву фарҳангӣ вазифаи ҳар як шахс аст.

 

Моддаи 45

Супоридани андоз ва пардохтҳо, ки қонун муайян кардааст, ҳатмист.

Қонунҳое, ки андози навро муқаррар мекунанд ва ё шароити андозсупорандагонро вазнин менамоянд, қувваи бозгашт надоранд.

 

Моддаи 46

Ҳангоми таҳдиди бевосита ба ҳуқуқу озодиҳои шаҳрвандон, истиқлолияти давлат, тамомияти арзии он ва офатҳои табиӣ, ки дар натиҷаи он мақомоти конститутсионии ҷумҳурӣ наметавонад ба таври мӯътадил фаъолият намояд, ҳамчун тадбири муваққатӣ барои амнияти шаҳрвандон ва давлат вазъияти фавқулода эълон мегардад.

Муҳлати вазъияти фавқулода то се моҳ аст. Дар мавридҳои зарурӣ ин мӯҳлатро Президенти Ҷумҳурии Тоҷикистон метавонад дароз намояд.

 

Моддаи 47

Дар давраи вазъияти фавқулода ҳуқуқ ва озодиҳое, ки дар моддаҳои 16, 17, 18, 19, 20, 22, 25, 28-и Конститутсия пешбинӣ шудааст, маҳдуд карда намешавад.

Низоми ҳуқуқии вазъияти фавқулодаро қонуни конститутсионӣ муайян мекунад.

 

Боби сеюм

МАҶЛИСИ ОЛӢ

 

Моддаи 48

Маҷлиси Олӣ – парламенти Ҷумҳурии Тоҷикистон – мақоми олии намояндагӣ ва қонунгузори Ҷумҳурии Тоҷикистон мебошад.

Маҷлиси Олӣ аз ду Маҷлис – Маҷлиси миллӣ ва Маҷлиси намояндагон иборат аст.

Муҳлати ваколати Маҷлиси миллӣ ва Маҷлиси намояндагон 5 сол аст. Ваколати Маҷлиси миллӣ ва Маҷлиси намояндагон дар рӯзи оғози фаъолияти Маҷлиси миллӣ ва Маҷлиси намояндагони даъвати нав қатъ мегардад.

Ташкил ва фаъолияти Маҷлиси Олиро қонуни конститутсионӣ танзим мекунад.

 

Моддаи 49

Интихоботи Маҷлиси намояндагон ба таври умумӣ, баробар, мустақим ва бо овоздиҳии пинҳонӣ сурат мегирад. Маҷлиси намояндагон доимоамалкунанда ва касбӣ мебошад. Вакили Маҷлиси намояндагон шахсе интихоб шуда метавонад, ки танҳо шаҳрвандии Ҷумҳурии Тоҷикистонро дошта бошад ва синни ӯ аз 30 кам набуда, дорои таҳсилоти олӣ бошад.

Аз чор се ҳиссаи аъзои Маҷлиси миллӣ ба таври ғайримустақим дар маҷлисҳои якҷояи вакилони халқи Вилояти Мухтори Кӯҳистони Бадахшон ва шаҳру ноҳияҳои он, вилоятҳо ва шаҳру ноҳияҳои онҳо, шаҳри Душанбе ва ноҳияҳои он, шаҳру ноҳияҳои тобеи ҷумҳурӣ (якҷоя) бо овоздиҳии пинҳонӣ интихоб мегардад. Дар Маҷлиси миллӣ Вилояти Мухтори Кӯҳистони Бадахшон, вилоятҳо, шаҳри Душанбе, шаҳрҳо ва ноҳияҳои тобеи ҷумҳурӣ намояндагони баробар доранд.

Аз чор як ҳиссаи аъзои Маҷлиси миллиро Президенти Ҷумҳурии Тоҷикистон таъин мекунад.

Фаъолияти Маҷлиси миллӣ даъватӣ мебошад.

Узви Маҷлиси миллӣ шахсе интихоб ё таъин шуда метавонад, ки танҳо шаҳрвандии Ҷумҳурии Тоҷикистонро дошта бошад ва синни ӯ аз 30 кам набуда, дорои таҳсилоти олӣ бошад.

Ҳар Президенти собиқи Ҷумҳурии Тоҷикистон узви якумраи Маҷлиси миллӣ мебошад, агар ӯ аз истифодаи ин ҳуқуқ даст накашад.

Узви Маҷлиси миллӣ ва вакили Маҷлиси намояндагон баъди интихоб ё таъин шудан дар иҷлосияи Маҷлиси миллӣ ва Маҷлиси намояндагон ба халқи Тоҷикистон савганд ёд мекунанд.

Шумораи аъзои Маҷлиси миллӣ ва вакилони Маҷлиси намояндагон, тартиби интихоб ё таъин гардидани онҳоро қонуни конститутсионӣ муайян менамояд.

 

Моддаи 50

Аъзои Ҳукумат, судяҳо, кормандони мақомоти ҳифзи ҳуқуқ, хизматчиёни ҳарбӣ ва шахсони дигаре, ки қонуни конститутсионӣ муайян кардааст, наметавонанд узви Маҷлиси миллӣ бошанд.

Шаҳрванд наметавонад дар як вақт узви Маҷлиси миллӣ ва вакили Маҷлиси намояндагон бошад. Узви Маҷлиси миллӣ наметавонад вакили зиёда аз ду мақоми намояндагӣ бошад.

Вакили Маҷлиси намояндагон наметавонад вакили дигар мақомоти намояндагӣ бошад, вазифаи дигареро иҷро кунад, фаъолияти соҳибкорӣ намояд, ба истиснои фаъолияти илмиву эҷодӣ ва омӯзгорӣ.

 

Моддаи 51

Узви Маҷлиси миллӣ ва вакили Маҷлиси намояндагон ба амри интихобкунандагон тобеъ набуда, ҳуқуқ дорад фикри худро озодона изҳор намояд, мувофиқи ақидаҳои худ овоз диҳад.

Узви Маҷлиси миллӣ ва вакили Маҷлиси намояндагон ҳуқуқи дахлнопазирӣ дорад, ӯро ҳабс кардан, дастгир кардан, маҷбуран овардан, кофтуков кардан мумкин нест, ба истиснои дастгир шуданаш дар ҷойи содири ҷиноят. Узви Маҷлиси миллӣ ва вакили Маҷлиси намояндагон ҳамчунон мавриди кофтукови шахсӣ қарор дода намешавад, ба истиснои ҳолатҳое, ки қонун барои таъмини амнияти дигарон муқаррар намудааст. Масъалаи маҳрум намудани дахлнопазирии узви Маҷлиси миллӣ ва вакили Маҷлиси намояндагон бо пешниҳоди Прокурори генералӣ аз ҷониби маҷлиси дахлдор ҳал карда мешавад.

Ваколати узви Маҷлиси миллӣ ва вакили Маҷлиси намояндагон ҳангоми вафот, истеъфо, ғайри қобили амал эътироф шудани онҳо аз ҷониби суд, эътибори қонунӣ пайдо кардани ҳукми айбдоркунандаи суд, қатъи шаҳрвандӣ, соҳиб шудан ба шаҳрвандии давлати дигар, тарки доимии ҷумҳурӣ, ишғоли вазифае, ки ба ваколати узви Маҷлиси миллӣ мувофиқ нест, парокандашавии Маҷлиси миллӣ ва Маҷлиси намояндагон қатъ мегардад.

Вазъи ҳуқуқии узви Маҷлиси миллӣ ва вакили Маҷлиси намояндагонро қонуни конститутсионӣ танзим менамояд.

 

Моддаи 52

Иҷлосияи якуми Маҷлиси миллӣ ва Маҷлиси намояндагонро дар давоми як моҳи баъди интихоби онҳо Президенти Ҷумҳурии Тоҷикистон даъват мекунад.

Иҷлосияи якуми Маҷлиси миллӣ ва Маҷлиси намояндагонро узв ва вакили синну солаш калонтарин мекушояд ва то интихоб шудани раисони ин Маҷлисҳо онро мебарад.

Фаъолияти Маҷлиси миллӣ дар шакли иҷлосия сурат мегирад. Иҷлосияи Маҷлиси миллӣ соле на камтар аз чор бор аз тарафи Раиси Маҷлиси миллӣ даъват карда мешавад.

Фаъолияти Маҷлиси намояндагон дар шакли иҷлосия сурат мегирад. Иҷлосияи навбатии Маҷлиси намояндагон дар як сол як маротиба аз рӯзи аввали кории моҳи октябр то рӯзи охирини кории моҳи июн гузаронида мешавад.

Дар давраи байни иҷлосияҳои Маҷлиси миллӣ ва Маҷлиси намояндагон ҳангоми зарурат Президенти Ҷумҳурии Тоҷикистон иҷлосияҳои ғайринавбатии онҳоро даъват менамояд. Дар ин иҷлосияҳо танҳо он масъалаҳое баррасӣ мешаванд, ки боиси даъвати ин иҷлосияҳо гаштаанд.

 

Моддаи 53

Маҷлиси миллӣ ва Маҷлиси намояндагон аз байни аъзо ва вакилон раисони Маҷлисҳо, муовинони якум ва муовинони онҳоро интихоб менамоянд. Яке аз муовинони Раиси Маҷлиси миллӣ аз ҳисоби намояндагони Вилояти Мухтори Кӯҳистони Бадахшон мебошад.

Раиси Маҷлиси миллӣ ва Раиси Маҷлиси намояндагон бо овоздиҳии пинҳонӣ бо тарафдории аксарияти шумораи умумии аъзо ва вакилони онҳо интихоб мешаванд. Тартиби интихоби муовинони Раиси Маҷлиси миллӣ ва Раиси Маҷлиси намояндагонро Дастури Маҷлисҳо танзим мекунад.

Раисони Маҷлиси миллӣ ва Маҷлиси намояндагон дар назди Маҷлиси дахлдор ҳисоботдиҳанда мебошанд ва онҳо метавонанд бо тарафдории на камтар аз се ду ҳиссаи шумораи умумии аъзо ва вакилон бозхонда шаванд.

Раисони Маҷлиси миллӣ ва Маҷлиси намояндагон, муовинони якум ва муовинони онҳо ба иҷлосия роҳбарӣ мекунанд ва дигар масъалаҳои дахлдорро ҳал менамоянд.

Маҷлиси миллӣ ва Маҷлиси намояндагон мақомоти ҳамоҳангсозанда ва кории худро мустақилона ташкил медиҳанд, инчунин кумита ва комиссияҳои дахлдорро таъсис менамоянд ва аз рӯи масъалаҳои ба Маҷлисҳо тааллуқдошта муҳокимаҳои парламентӣ доир мекунанд.

Мақомоти ҳамоҳангсозандаи Маҷлиси миллӣ ва Маҷлиси намояндагон дар алоҳидагӣ ҷаласа мегузаронанд.

Маҷлиси миллӣ ва Маҷлиси намояндагон Дастури фаъолияти худро қабул мекунанд.

 

Моддаи 54

Маҷлиси миллӣ ва Маҷлиси намояндагон алоҳида ҷаласа мегузаронанд.

Ҷаласаҳои Маҷлиси миллӣ ва Маҷлиси намояндагон ҳамон вақт гузаронида мешавад, ки агар аз се ду ҳиссаи шумораи умумии аъзо ва вакилони онҳо ҳузур дошта бошанд. Ҷаласаҳои Маҷлиси миллӣ ва Маҷлиси намояндагон ошкоро гузаронида мешаванд. Дар ҳолатҳои пешбиникардаи қонун ва Дастури Маҷлиси миллӣ ва Маҷлиси намояндагон мумкин аст ҷаласаи пӯшида гузаронида шавад.

Маҷлиси миллӣ ва Маҷлиси намояндагон дар ҳолатҳои пешбининамудаи Конститутсия ҷаласаҳои якҷоя мегузаронанд.

 

Моддаи 55

Салоҳияти Маҷлиси миллӣ ва Маҷлиси намояндагон ҳангоми гузаронидани ҷаласаҳои якҷоя:

Тасдиқи фармони Президент дар бораи таъин намудан ва озод кардани Сарвазир ва дигар аъзои Ҳукумат;

Тасдиқи фармони Президент дар бораи ҷорӣ намудани ҳолати ҷангӣ ва вазъияти фавқулода;

Ризоият ба истифодаи Қувваҳои Мусаллаҳи Ҷумҳурии Тоҷикистон берун аз ҳудуди он барои иҷрои уҳдадориҳои байналмилалии Тоҷикистон;

Таъини интихоботи Президент;

Қабули истеъфои Президент;

Сарфароз гардонидани Президент бо мукофотҳои давлатӣ ва рутбаи олии ҳарбӣ;

Баррасии масъалаи дахлнопазирии Президент.

Маҷлиси миллӣ ва Маҷлиси намояндагон дар ҷаласаҳои якҷояи худ аз рӯйи масъалаҳои зикршудаи салоҳияташон қарор қабул мекунанд. Қарори якҷояи Маҷлиси миллӣ ва Маҷлиси намояндагон бо тарафдории аксарияти шумораи умумии аъзои Маҷлиси миллӣ ва вакилони Маҷлиси намояндагон, ки ҳар яке аз маҷлисҳо дар алоҳидагӣ овоз медиҳанд, қабул мегардад, агар тартиби дигари қабули қарорро Конститутсия муқаррар накарда бошад.

Дар ҷаласаи якҷояи Маҷлиси миллӣ ва Маҷлиси намояндагон Президент савганд ёд мекунад ва бо паёми худ дар бораи самтҳои асосии сиёсати дохилӣ ва хориҷии ҷумҳурӣ баромад менамояд.

 

Моддаи 56

Салоҳияти Маҷлиси миллӣ:

Таъсис ва барҳам додани воҳидҳои маъмурию ҳудудӣ ва тағйири онҳо;

Интихоб ва бозхонди раис, муовинон ва судяҳои Суди конститутсионӣ, Суди Олӣ ва Суди Олии иқтисодӣ бо пешниҳоди Президент;

Ҳалли масъалаи бекор кардани дахлнопазирии раис, муовинон ва судяҳои Суди конститутсионӣ, Суди Олӣ ва Суди Олии иқтисодӣ;

Ризоият барои таъин ва озод намудани Прокурори генералӣ ва муовинони ӯ;

Амалӣ намудани ваколатҳои дигаре, ки Конститутсия ва қонунҳо муайян кардаанд.

Маҷлиси миллӣ аз рӯйи масъалаҳои дар салоҳияташ буда қарор қабул мекунад. Қарори Маҷлиси миллӣ бо тарафдории аксарияти шумораи умумии аъзои он қабул мегардад, агар тартиби дигари қабули қарорро Конститутсия муқаррар накарда бошад.

 

Моддаи 57

Салоҳияти Маҷлиси намояндагон:

Таъсиси Комиссияи марказии интихобот ва раъйпурсии Ҷумҳурии Тоҷикистон, интихоб ва бозхонди раис, муовин ва аъзои он бо пешниҳоди Президент;

Ба муҳокимаи халқ пешниҳод намудани лоиҳаи қонунҳо ва дигар масъалаҳои муҳими давлатию ҷамъиятӣ;

Тасдиқи барномаҳои иқтисодӣ ва иҷтимоӣ;

Ризоият ба додугирифти қарзи давлатӣ;

Тасдиқ ва бекор кардани шартномаҳои байналмилалӣ;

Таъини раъйпурсӣ;

Таъсиси судҳо;

Тасдиқи рамзҳои давлатӣ;

Тасдиқи мукофотҳои давлатӣ;

Тасдиқи фармонҳои Президент дар бораи таъин ва озод намудани раиси Бонки миллӣ ва муовинони ӯ;

Муқаррар намудани рутбаҳои ҳарбӣ, дипломатӣ, рутбаҳо ва унвонҳои махсус;

Муайян намудани маоши Президент;

Амалӣ намудани ваколатҳои дигаре, ки Конститутсия ва қонунҳо муайян кардаанд.

Маҷлиси намояндагон аз рӯйи масъалаҳои дар салоҳияташ буда қарор қабул мекунад. Қарори Маҷлиси намояндагон бо тарафдории аксарияти шумораи умумии вакилон қабул мегардад, агар тартиби дигари қабули қарорро Конститутсия муайян накарда бошад.

Дар ҷаласаи Маҷлиси намояндагон роҳбарони давлатҳои хориҷӣ метавонанд суханронӣ кунанд.

 

Моддаи 58

Аъзои Маҷлиси миллӣ, вакили Маҷлиси намояндагон, Президенти Ҷумҳурии Тоҷикистон, Ҳукумати Тоҷикистон, Маҷлиси вакилони халқи Вилояти Мухтори Кӯҳистони Бадахшон ҳуқуқи ташаббуси қонунгузорӣ доранд.

 

Моддаи 59

Лоиҳаи қонунҳо ба Маҷлиси намояндагон пешниҳод мешаванд.

Лоиҳаи қонун дар бораи авф аз тарафи Президенти Ҷумҳурии Тоҷикистон ба Маҷлиси намояндагон пешниҳод мешавад.

Лоиҳаи Қонун дар бораи буҷет, оид ба муқаррар кардан ва бекор кардани андозҳо аз ҷониби Ҳукумати Ҷумҳурии Тоҷикистон ба Маҷлиси намояндагон пешниҳод мешавад.

 

Моддаи 60

Қонунҳоро Маҷлиси намояндагон қабул менамояд. Қонун бо тарафдории аксарияти шумораи умумии вакилон қабул мегардад, агар тартиби дигарро Конститутсия муқаррар накарда бошад.

Қонунҳое, ки Маҷлиси намояндагон қабул намудааст ба Маҷлиси миллӣ пешниҳод мешаванд, ба истиснои қонунҳо дар бораи буҷети давлатӣ ва авф.

Маҷлиси миллӣ қонунро бо тарафдории аксарияти шумораи умумии аъзои худ ҷонибдорӣ мекунад. Дар мавриди дастгирӣ наёфтани қонун аз ҷониби Маҷлиси миллӣ қонун такроран дар Маҷлиси намояндагон баррасӣ мешавад.

Дар сурати бо қарори Маҷлиси миллӣ норозӣ будани Маҷлиси намояндагон, қонун ҳамон вақт қабулшуда ҳисоб мешавад, ки агар Маҷлиси намояндагон онро такроран бо тарафдории на камтар аз се ду ҳиссаи шумораи умумии вакилон тасдиқ намояд.

Қонунҳо дар бораи буҷети давлатӣ ва авф танҳо аз ҷониби Маҷлиси намояндагон қабул карда мешаванд. Маҷлиси намояндагон иҷрои буҷети давлатиро назорат мекунад.

 

Моддаи 61

Қонунҳои конститутсионӣ оид ба масъалаҳое қабул мешаванд, ки Конститутсия муайян намудааст. Қонунҳои конститутсионӣ бо тарафдории на камтар аз се ду ҳиссаи шумораи умумии вакилони Маҷлиси намояндагон қабул мегарданд ва Маҷлиси миллӣ бо тарафдории на камтар аз се ду ҳиссаи аъзои худ ҷонибдорӣ мекунад.

Дар сурати бо Қарори Маҷлиси миллӣ норозӣ будани Маҷлиси намояндагон, қонуни конститутсионӣ ҳамон вақт қабулшуда ҳисоб мешавад, ки агар Маҷлиси намояндагон онро такроран бо тарафдории на камтар аз чор се ҳиссаи шумораи умумии вакилон тасдиқ намояд.

Тафсири Конститутсияро тибқи тартиби мазкур Маҷлиси намояндагон дар шакли қонуни конститутсионӣ қабул намуда, Маҷлиси миллӣ онро ҷонибдорӣ менамояд.

 

Моддаи 62

Қонунҳо барои имзо ва интишор ба Президенти Ҷумҳурии Тоҷикистон пешниҳод мешаванд. Агар Президент ба қонун ё қисми он розӣ набошад, қонунро дар муддати понздаҳ рӯз бо далелу эродҳо ба Маҷлиси намояндагон бармегардонад. Маҷлиси миллӣ ва Маҷлиси намояндагон бо тартиби муқарраркардаи Конститутсия қонуни мазкурро такроран баррасӣ менамоянд. Дар сурати баррасии такрорӣ қонун дар матни пештар қабулшудааш бо аксарияти аз се ду ҳиссаи шумораи умумии аъзои Маҷлиси миллӣ ва вакилони Маҷлиси намояндагон дастгирӣ ёбад, Президент дар муддати даҳ рӯз ба қонун имзо мегузорад ва онро интишор менамояд.

Ҳангоми баррасии қонуни аз тарафи Президенти Ҷумҳурии Тоҷикистон баргардонидашуда, ки онро пештар Маҷлиси намояндагон бо аз се ду ҳиссаи овозҳо қабул намуда буд, Маҷлиси миллӣ ва Маҷлиси намояндагон онро такроран бо аксарияти на камтар аз се ду ҳиссаи овозҳо тарафдорӣ мекунанд.

Агар Президент қонуни конститутсиониро баргардонад, Маҷлиси намояндагон ва Маҷлиси миллӣ бо тартиби муқарраркардаи Конститутсия қонуни мазкурро такроран баррасӣ менамоянд. Дар сурати баррасии такрорӣ қонуни конститутсионӣ дар матни пештар қабулшудааш бо аксарияти аз чор се ҳиссаи шумораи умумии аъзои Маҷлиси миллӣ ва вакилони Маҷлиси намояндагон тасдиқ шавад, Президент дар муддати даҳ рӯз ба қонуни конститутсионӣ имзо мегузорад ва онро интишор менамояд.

 

Моддаи 63

Маҷлиси миллӣ ва Маҷлиси намояндагон метавонанд пеш аз муҳлат дар ҷаласаи якҷояи худ бо тарафдории на камтар аз се ду ҳиссаи аъзои Маҷлиси миллӣ ва вакилони Маҷлиси намояндагон ихтиёран пароканда шаванд.

Маҷлиси миллӣ ва Маҷлиси намояндагон дар давраи вазъияти фавқулода ва ҳолати ҷангӣ пароканда намешаванд.

 

Боби чаҳорум

ПРЕЗИДЕНТ

 

Моддаи 64

Президенти Ҷумҳурии Тоҷикистон сарвари давлат ва ҳокимияти иҷроия (Ҳукумат) аст.

Президент ҳомии Конститутсия ва қонунҳо, ҳуқуқу озодиҳои инсон ва шаҳрванд, кафили истиқлолияти миллӣ, ягонагӣ ва тамомияти арзӣ, пойдориву бардавомии давлат, мураттабии фаъолияти мақомоти давлатӣ ва ҳамкории онҳо, риояи шартномаҳои байналмилалии Тоҷикистон мебошад.

 

Моддаи 65

Президентро шаҳрвандони Тоҷикистон ба тарзи умумӣ, мустақим, баробар ва овоздиҳии пинҳонӣ ба муҳлати 7 сол интихоб менамоянд.

Шахсе ба номзадии Президенти Ҷумҳурии Тоҷикистон пешниҳод шуда метавонад, ки танҳо шаҳрвандии Ҷумҳурии Тоҷикистонро дошта бошад, синни ӯ аз 30 кам набуда, дорои таҳсилоти олӣ бошад, забони давлатиро донад ва дар ҳудуди ҷумҳурӣ на камтар аз 10 соли охир истиқомат дошта бошад.

Шахсе ба номзадии Президент ба қайд гирифта мешавад, ки ҳадди ақал 5 фоизи интихобкунандагон ба пешниҳоди номзадии ӯ имзо гузошта бошанд.

Як шахс ба вазифаи Президент бештар аз ду муҳлат пай дар пай интихоб шуда наметавонад.

Маҳдудияти дар қисми чоруми ҳамин модда пешбинигардида нисбат ба Асосгузори сулҳу ваҳдати миллӣ – Пешвои миллат татбиқ намегардад. Вазъи ҳуқуқӣ ва ваколатҳои Асосгузори сулҳу ваҳдати миллӣ – Пешвои миллатро қонуни конститутсионӣ муайян мекунад.

 

Моддаи 66

Интихоботи Президент вақте боэътимод шумурда мешавад, ки дар он аз нисф зиёди интихобкунандагон ширкат варзида бошанд.

Номзаде Президент интихобшуда ҳисоб меёбад, ки ба тарафдории ӯ бештар аз нисфи интихобкунандагони ширкатварзида овоз дода бошанд.

Тартиби интихоби Президентро қонуни конститутсионӣ муайян мекунад.

 

Моддаи 67

Президент пеш аз шурӯъи вазифа дар ҷаласаи якҷояи Маҷлиси миллӣ ва Маҷлиси намояндагон савганд ёд мекунад:

«Ман, ҳамчун Президент савганд ёд мекунам, ки Конститутсия ва қонунҳои ҷумҳуриро ҳимоя менамоям, таъмини ҳуқуқ, озодиҳо ва шарафи шаҳрвандонро кафолат медиҳам, сарзамин, истиқлолияти сиёсиву иқтисодӣ ва фарҳангии Тоҷикистонро ҳифз мекунам, ба халқ содиқона хидмат менамоям».

Ваколати Президент баъд аз савганд ёд кардани Президенти нав қатъ мегардад.

 

Моддаи 68

Президент наметавонад вазифаи дигарро иҷро намояд, вакили мақомоти намояндагӣ бошад, ба соҳибкорӣ машғул шавад.

 

Моддаи 69

Салоҳияти Президент:

Самтҳои асосии сиёсати дохилӣ ва хориҷии ҷумҳуриро муайян мекунад;

Тоҷикистонро дар дохили кишвар ва дар муносибатҳои байналмилалӣ намояндагӣ мекунад;

Вазоратҳо ва кумитаҳои давлатиро таъсис ва барҳам медиҳад;

Сарвазир ва дигар аъзои ҳукуматро таъин ва озод мекунад; фармон дар бораи таъин ва озод кардани Сарвазир ва дигар аъзои Ҳукуматро ба тасдиқи ҷаласаи якҷояи Маҷлиси миллӣ ва Маҷлиси намояндагон пешниҳод менамояд;

Раисони Вилояти Мухтори Кӯҳистони Бадахшон, вилоят, шаҳри Душанбе, шаҳр ва ноҳияро таъин ва озод мекунад ва ба тасдиқи Маҷлиси дахлдори вакилони халқ пешниҳод менамояд;

Санадҳои мақомоти ҳокимияти иҷроияро ҳангоми мухолифати онҳо ба Конститутсия ва қонунҳо бекор мекунад ва ё бозмедорад;

Раиси Бонки миллӣ ва муовинони ӯро таъин ва озод мекунад ва фармонро барои тасдиқ ба Маҷлиси намояндагон пешниҳод менамояд;

Номзадии раис, муовинон ва судяҳои Суди конститутсионӣ, Суди Олӣ, Суди Олии иқтисодиро барои интихоб ва бозхонд ба Маҷлиси миллӣ пешниҳод менамояд;

Бо ризоияти Маҷлиси миллӣ Прокурори генералӣ ва муовинони ӯро таъин ва озод мекунад;

Дастгоҳи иҷроияи Президентро таъсис медиҳад;

Шӯрои амниятро таъсис ва роҳбарӣ мекунад;

Судяҳои суди ҳарбӣ, судҳои Вилояти Мухтори Кӯҳистони Бадахшон, вилоят, шаҳри Душанбе, шаҳр ва ноҳия ва судҳои иқтисодии Вилояти Мухтори Кӯҳистони Бадахшон, вилоят, шаҳри Душанберо таъин ва озод мекунад;

Раъйпурсӣ, интихоботи Маҷлиси миллӣ ва Маҷлиси намояндагон ва мақомоти намояндагии маҳаллиро таъин мекунад;

Ба қонунҳо имзо мегузорад;

Низоми пулиро муайян менамояд ва маълумотро ба Маҷлиси миллӣ ва Маҷлиси намояндагон пешниҳод менамояд;

Ихтиёрдор ва масъули сармояи захиравӣ мебошад;

Ба татбиқи сиёсати хориҷӣ роҳбарӣ мекунад, шартномаҳои байналмилалиро имзо ва ба тасдиқи Маҷлиси намояндагон пешниҳод менамояд;

Сарони намояндагиҳои дипломатиро дар давлатҳои хориҷӣ, намояндаҳои ҷумҳуриро дар ташкилотҳои байналмилалӣ таъин ва озод мекунад;

Эътимодномаҳои сарони намояндагиҳои дипломатии давлатҳои хориҷиро қабул менамояд;

Сарфармондеҳи Олии Қувваҳои Мусаллаҳи Тоҷикистон мебошад; фармондеҳони қӯшунҳои Қувваҳои Мусаллаҳи Тоҷикистонро таъин ва озод мекунад;

Ҳангоми таҳдиди хатари воқеӣ ба амнияти давлат ҳолати ҷангро эълон менамояд ва фармонро ба тасдиқи ҷаласаи якҷояи Маҷлиси миллӣ ва Маҷлиси намояндагон пешниҳод мекунад;

Барои иҷрои уҳдадориҳои байналмилалии Тоҷикистон Қувваҳои Мусаллаҳи Ҷумҳурии Тоҷикистонро берун аз ҳудуди он бо ризоияти Маҷлиси миллӣ ва Маҷлиси намояндагон истифода мебарад;

Дар саросари ҷумҳурӣ ва ё дар маҳалҳои алоҳидаи он вазъияти фавқулода эълон намуда, фармонро фавран ба тасдиқи ҷаласаи якҷояи Маҷлиси миллӣ ва Маҷлиси намояндагон пешниҳод менамояд ва ба Созмони Милали Муттаҳид хабар медиҳад;

Масъалаҳои шаҳрвандиро ҳал мекунад;

Паноҳгоҳи сиёсӣ медиҳад;

Масъалаҳои бахшиши ҷазоро ҳал мекунад;

Бо рутбаҳои олии ҳарбӣ, дипломатӣ, рутбаҳо ва унвонҳои махсус сарфароз мегардонад;

Шаҳрвандонро бо мукофотҳои давлатӣ, ҷоизаҳои давлатӣ, нишонҳо ва унвонҳои ифтихории Тоҷикистон сарфароз мегардонад;

Ваколатҳои дигареро, ки Конститутсия ва қонунҳо муайян кардаанд, амалӣ менамояд.

 

Моддаи 70

Президент дар доираи салоҳияти худ фармон мебарорад ва амр медиҳад, дар бораи вазъи кишвар ба ҷаласаи якҷояи Маҷлиси миллӣ ва Маҷлиси намояндагон маълумот медиҳад, масъалаҳоеро, ки заруру муҳим мешуморад, ба муҳокимаи ҷаласаи якҷояи Маҷлиси миллӣ ва Маҷлиси намояндагон пешниҳод менамояд.

 

Моддаи 71

Ҳангоми вафот, истеъфо ва ғайри қобили амал донистани Президент вазифаи ӯ то ба вазифааш шурӯъ намудани Президенти нав ба зиммаи Раиси Маҷлиси миллӣ мегузарад. Дар ин маврид ваколати Раиси Маҷлиси миллӣ ба зиммаи муовини якуми ӯ мегузарад.

Дар ҳолатҳои зикршуда дар муҳлати се моҳ интихоботи Президент гузаронида мешавад.

Ваколатҳои Президент дар ҳолате, ки ӯ дар ҷаласаи якҷояи Маҷлиси миллӣ ва Маҷлиси намояндагон дар бораи ба истеъфо баромаданаш хабар медиҳад, бо тарафдории аксарияти аъзои Маҷлиси миллӣ ва вакилони Маҷлиси намояндагон, ки ҳар яке аз онҳо дар алоҳидагӣ овоз медиҳанд, қатъ карда мешавад.

Дар сурате, ки Президент бинобар беморӣ вазифаҳои худро иҷро карда натавонад, ҳар ду Маҷлис дар ҷаласаи якҷояи худ дар асоси хулосаи комиссияи тиббии давлатии ташкил кардаашон, дар бораи пеш аз муҳлат аз мансаб озод намудани Президент бо тарафдории на камтар аз се ду ҳиссаи овозҳои шумораи умумии аъзо ва вакилони ҳар яке аз Маҷлисҳо қарор қабул мекунанд.

Таъминоти иҷтимоӣ, хизматрасонӣ ва муҳофизати Президенти Ҷумҳурии Тоҷикистонро қонуни конститутсионӣ танзим менамояд.

 

Моддаи 72

Президент ҳуқуқи дахлнопазирӣ дорад.

Дахлнопазирии Президент дар сурати аз тарафи ӯ содир шудани хиёнат ба давлат дар асоси хулосаи Суди конститутсионӣ ва бо тарафдории аз се ду ҳиссаи шумораи умумии аъзои Маҷлиси миллӣ ва вакилони Маҷлиси намояндагон, ки ҳар яке аз онҳо дар алоҳидагӣ овоз медиҳанд, бекор карда мешавад.

 

Боби панҷум

ҲУКУМАТ

 

Моддаи 73

Ҳукумати ҷумҳурӣ аз Сарвазир, муовини якум ва муовинони ӯ, вазирон, раисони кумитаҳои давлатӣ иборат аст.

Ҳукумат роҳбарии самараноки соҳаҳои иқтисодӣ, иҷтимоӣ, фарҳангӣ ва иҷрои қонунҳо, қарорҳои якҷояи Маҷлиси миллӣ ва Маҷлиси намояндагон, қарорҳои Маҷлиси миллӣ, қарорҳои Маҷлиси намояндагон, фармону амрҳои Президенти Тоҷикистонро таъмин мекунад.

Аъзои Ҳукумат баъди аз ҷониби Президенти Ҷумҳурии Тоҷикистон таъин шудан ва тасдиқ гардидани фармон дар ҷаласаи якҷояи Маҷлиси миллӣ ва Маҷлиси намояндагон ба Президенти Ҷумҳурии Тоҷикистон савганд ёд мекунанд.

Аъзои Ҳукумат бояд танҳо шаҳрвандии Ҷумҳурии Тоҷикистонро дошта бошанд ва онҳо наметавонанд вазифаи дигареро иҷро намоянд, вакили мақомоти намояндагӣ бошанд, ба соҳибкорӣ машғул шаванд, ба истиснои фаъолияти илмиву эҷодӣ ва омӯзгорӣ.

 

Моддаи 74

Ҳукумат мувофиқи Конститутсия ва қонунҳои ҷумҳурӣ қарор мебарорад ва фармоиш медиҳад, ки иҷрои онҳо дар ҳудуди Тоҷикистон ҳатмист.

Ҳукумат ваколаташро дар назди Президенти навинтихобшуда вомегузорад.

Ҳукумат дар мавриди ғайриимкон донистани иҷрои фаъолияти муътадили худ метавонад ба Президент аз хусуси истеъфо арз намояд. Ҳар як узви Ҳукумат ҳуқуқи истеъфо дорад.

Тартиби ташкил, фаъолият ва салоҳияти Ҳукуматро қонуни конститутсионӣ муайян мекунад.

 

Моддаи 75

Ҳукумат барномаҳои иқтисодиву иҷтимоӣ, сиёсати додугирифти қарзи давлатӣ ва ёрии иқтисодӣ ба дигар давлатҳо, лоиҳаи буҷети давлатӣ, масъалаи андозаи имконпазири касри буҷети давлатӣ ва манбаи ҷуброни онро ба Маҷлиси намояндагон пешниҳод менамояд. 

 

Боби шашум

МАҚОМОТИ МАҲАЛЛИИ ҲОКИМИЯТИ ДАВЛАТӢ

ВА ХУДИДОРАКУНӢ

 

Моддаи 76

Мақомоти маҳаллии ҳокимияти давлатӣ аз мақомоти намояндагӣ ва иҷроия иборат буда, дар доираи салоҳияти худ амал мекунад. Онҳо иҷрои Конститутсия, қонунҳо, қарорҳои якҷояи Маҷлиси миллӣ ва Маҷлиси намояндагон, қарорҳои Маҷлиси миллӣ, қарорҳои Маҷлиси намояндагон, санадҳои Президент ва Ҳукумати Ҷумҳурии Тоҷикистонро таъмин менамоянд.

 

Моддаи 77

Мақомоти намояндагии маҳаллӣ дар вилоят, шаҳр ва ноҳия Маҷлиси вакилони халқ аст, ки онро раис роҳбарӣ мекунад. Муҳлати ваколати Маҷлиси вакилони халқ 5 сол аст.

Маҷлиси вакилони халқ буҷети маҳаллӣ ва ҳисоботи иҷрои онро тасдиқ мекунад, роҳҳои инкишофи иқтисодиву иҷтимоии маҳалро муайян менамояд, андоз ва пардохти маҳаллиро мувофиқи қонун муқаррар мекунад, дар доираи қонун тарзи идора ва ихтиёрдории моликияти коммуналиро муайян менамояд ва ваколатҳои дигареро амалӣ месозад, ки Конститутсия ва қонунҳо муайян кардаанд.

 

Моддаи 78

Мақомоти иҷроияи маҳаллии ҳокимияти давлатиро раиси вилоят, шаҳр ва ноҳия роҳбарӣ менамояд.

Мақомоти намояндагӣ ва иҷроияро дар воҳидҳои маъмурию ҳудудӣ раис сарварӣ мекунад.

Раиси Вилояти Мухтори Кӯҳистони Бадахшон, вилоят, шаҳри Душанбе, шаҳр ва ноҳияро Президент таъин ва озод мекунад ва ба тасдиқи Маҷлиси вакилони халқи дахлдор пешниҳод менамояд.

Раис дар назди мақомоти болоӣ ва Маҷлиси вакилони халқи дахлдор масъул аст.

Тартиби ташкил, ваколат ва фаъолияти мақомоти маҳаллии ҳокимияти давлатиро қонуни конститутсионӣ танзим менамояд.

Мақомоти худидоракунии шаҳрак ва деҳот Ҷамоат аст, ки тартиби ташкил, ваколат ва фаъолияти онро қонун танзим менамояд.

 

Моддаи 79

Мақомоти намояндагӣ ва раис дар доираи салоҳияти худ санадҳои ҳуқуқӣ қабул мекунанд, ки иҷрояшон дар он ҳудуд ҳатмист.

Дар сурати бо Конститутсия ва қонун мувофиқат накардани санадҳои мақомоти намояндагӣ ва раис онҳо аз тарафи мақомоти болоӣ, худи ин мақомот, раис ва ё суд бекор карда мешаванд.

 

Моддаи 80

Дар сурати талаботи Конститутсия ва қонунро мунтазам иҷро накардани Маҷлиси вакилони халқи Вилояти Мухтори Кӯҳистони Бадахшон, вилоят, шаҳри Душанбе, шаҳр ва ноҳия Маҷлиси миллӣ метавонад онро пароканда намояд.

 

Боби ҳафтум

ВИЛОЯТИ МУХТОРИ КӮҲИСТОНИ БАДАХШОН

 

Моддаи 81

Вилояти Мухтори Кӯҳистони Бадахшон қисми таркибӣ ва ҷудонопазири Ҷумҳурии Тоҷикистон аст.

Ҳудуди Вилояти Мухтори Кӯҳистони Бадахшон бе ризоияти Маҷлиси вакилони халқи вилоят тағйир дода намешавад.

 

Моддаи 82

Маҷлиси вакилони халқи Вилояти Мухтори Кӯҳистони Бадахшон ҳуқуқи ташаббуси қонунгузорӣ дорад.

 

Моддаи 83

Салоҳияти Вилояти Мухтори Кӯҳистони Бадахшон дар соҳаи иҷтимоӣ, иқтисодӣ, фарҳангӣ ва ваколатҳои дигари вилоятро қонуни конститутсионӣ танзим мекунад. 

 

Боби ҳаштум

СУД

 

Моддаи 84

Ҳокимияти судӣ мустақил буда, аз номи давлат ва аз тарафи судяҳо амалӣ мегардад. Ҳокимияти судӣ ҳуқуқ, озодии инсону шаҳрванд, манфиати давлат, ташкилоту муассисаҳо, қонунияту адолатро ҳифз менамояд.

Адолати судиро Суди конститутсионӣ, Суди Олӣ, Суди Олии иқтисодӣ, Суди ҳарбӣ, Суди Вилояти Мухтори Кӯҳистони Бадахшон, судҳои вилоят, шаҳри Душанбе, шаҳр ва ноҳия, Суди иқтисодии Вилояти Мухтори Кӯҳистони Бадахшон, судҳои иқтисодии вилоят ва шаҳри Душанбе амалӣ мекунанд.

Тартиби таъсис, ташкил ва фаъолияти судро қонуни конститутсионӣ муайян мекунад.

Муҳлати ваколати судяҳо 10 сол аст.

Таъсиси суди фавқулода манъ аст.

 

Моддаи 85

Ба вазифаи судяҳои Суди Олӣ, Суди Олии иқтисодӣ, судҳои Вилояти Мухтори Кӯҳистони Бадахшон, вилоят ва шаҳри Душанбе шахсе интихоб ё таъин мешавад, ки танҳо шаҳрвандии Ҷумҳурии Тоҷикистонро дошта бошад, дорои таҳсилоти олии ҳуқуқшиносӣ буда, синни ӯ аз 30 кам набошад ва ҳадди ақал 5 сол собиқаи кории судягӣ дошта бошад.

Ба вазифаи судяҳои судҳои шаҳр ва ноҳия, суди ҳарбӣ, судҳои иқтисодии Вилояти Мухтори Кӯҳистони Бадахшон, вилоят ва шаҳри Душанбе шахсе таъин мешавад, ки танҳо шаҳрвандии Ҷумҳурии Тоҷикистонро дошта бошад, дорои таҳсилоти олии ҳуқуқшиносӣ буда, синни ӯ аз 25 кам набошад ва ҳадди ақал 3 сол собиқаи кории касбӣ дошта бошад. Синни ниҳоии дар вазифаи судя фаъолият намуданро қонуни конститутсионӣ муайян менамояд.

Шахсе, ки бори аввал ба вазифаи судя таъин шудааст, дар вазъияти тантанавӣ савганд ёд мекунад.

 

Моддаи 86

Судяҳои Суди ҳарбӣ, судяҳои Суди Вилояти Мухтори Кӯҳистони Бадахшон, вилоят, шаҳри Душанбе, шаҳр ва ноҳия, судяҳои Суди иқтисодии Вилояти Мухтори Кӯҳистони Бадахшон, вилоят ва шаҳри Душанберо бо тартиби муқарраркардаи қонуни конститутсионӣ Президент таъин ва озод мекунад. 

 

Моддаи 87

Судяҳо дар фаъолияти худ мустақил буда, танҳо ба Конститутсия ва қонун итоат мекунанд. Дахолат ба фаъолияти онҳо манъ аст.

 

Моддаи 88

Судяҳо парвандаҳоро ба таври дастҷамъӣ ва ё танҳо баррасӣ мекунанд.

Мурофиа ба тарзи мубоҳиса ва дар асоси баробарии тарафҳо сурат мегирад.

Мурофиа дар ҳамаи судҳо ба тарзи ошкоро мегузарад, ба истиснои мавридҳое, ки қонун муайян кардааст.

Мурофиа ба забони давлатӣ ва ё забони аксарияти аҳолии маҳал баргузор мегардад. Шахсоне, ки забони мурофиаро намедонанд, бо тарҷумон таъмин карда мешаванд.

 

Моддаи 89

Суди конститутсионӣ аз 7 нафар иборат буда, яке аз онҳо намояндаи Вилояти Мухтори Кӯҳистони Бадахшон мебошад.

Ба вазифаи судяи Суди конститутсионӣ шахсе интихоб мешавад, ки танҳо шаҳрвандии Ҷумҳурии Тоҷикистонро дошта бошад, дорои таҳсилоти олии ҳуқуқшиносӣ буда, синни ӯ аз 30 кам набошад ва ҳадди ақал 7 сол собиқаи кории касбӣ дошта бошад. Синни ниҳоии дар вазифаи судяи Суди конститутсионӣ фаъолият намуданро қонуни конститутсионӣ муайян менамояд.

Шахсе, ки бори аввал ба вазифаи судяи Суди конститутсионӣ интихоб шудааст, дар иҷлосияи Маҷлиси миллӣ савганд ёд мекунад.

Салоҳияти Суди конститутсионӣ:

1) муайян намудани мувофиқати қонунҳо, санадҳои меъёрии ҳуқуқии якҷояи Маҷлиси миллӣ ва Маҷлиси намояндагон, Маҷлиси миллӣ, Маҷлиси намояндагон, Президент, Ҳукумат, Суди Олӣ, Суди Олии иқтисодӣ ва дигар мақомоти давлатию ҷамъиятӣ, шартномаҳои ба қувваи қонун надаромадаи Тоҷикистон ба Конститутсия;

2) ҳалли баҳсҳои байни мақомоти давлатӣ доир ба салоҳияти онҳо;

3) иҷрои ваколатҳои дигаре, ки Конститутсия ва қонунҳо муайян кардаанд.

Санадҳои Суди конститутсионӣ қатъист.

 

Моддаи 90

Судя наметавонад вазифаи дигареро иҷро намояд, вакили мақомоти намояндагӣ, узви ҳизб ва созмонҳои сиёсӣ бошад, ба соҳибкорӣ машғул гардад, ба истиснои фаъолияти илмиву эҷодӣ ва омӯзгорӣ. 

 

Моддаи 91

Судя ҳуқуқи дахлнопазирӣ дорад. Ӯро бе ризоияти мақомоте, ки интихоб ё таъин кардааст, ҳабс кардан ва ба ҷавобгарии ҷиноятӣ кашидан мумкин нест. Судяро дастгир кардан мумкин нест, ба истиснои дастгир кардани ӯ ҳангоми содири ҷиноят.

 

Моддаи 92

Ёрии ҳуқуқӣ дар тамоми марҳилаҳои тафтишот ва мурофиаи судӣ кафолат дода мешавад.

Тарзи ташкил ва тартиби фаъолияти адвокатура ва дигар шаклҳои ёрии ҳуқуқиро қонун муайян мекунад.

 

Боби нуҳум

ПРОКУРАТУРА

 

Моддаи 93

Назорати риояи дақиқ ва иҷрои якхелаи қонунҳоро дар ҳудуди Тоҷикистон Прокурори генералӣ ва прокурорҳои тобеи он дар доираи ваколати худ татбиқ менамоянд.

 

Моддаи 94

Низоми ягонаи марказонидашудаи прокуратураи Тоҷикистонро Прокурори генералӣ сарварӣ мекунад. Прокурори генералӣ дар назди Маҷлиси миллӣ ва Президент масъул аст.

 

Моддаи 95

Прокурори генералии Тоҷикистон ба муҳлати 5 сол таъин мешавад.

Прокурори генералӣ прокурорҳои тобеи худро таъин ва озод мекунад. Муҳлати ваколати прокурорҳо 5 сол аст.

Фаъолият, салоҳият ва сохтори мақомоти прокуратураро қонуни конститутсионӣ танзим мекунад.

 

Моддаи 96

Прокурори генералӣ ва прокурорҳои тобеи он бе дахолати дигар мақомоти давлатӣ ва шахсони мансабдор мустақилона дар асоси қонун фаъолият мекунанд.

 

Моддаи 97

Прокурор наметавонад вазифаи дигареро иҷро намояд, вакили мақомоти намояндагӣ, узви ҳизб ва созмонҳои сиёсӣ бошад, ба соҳибкорӣ машғул шавад, ба истиснои фаъолияти илмиву эҷодӣ ва омӯзгорӣ.

 

Боби даҳум

ТАРТИБИ ТАҒЙИРИ КОНСТИТУТСИЯ

 

Моддаи 98

Тағйиру иловаҳои Конститутсия бо роҳи раъйпурсии умумихалқӣ сурат мегирад.

Раъйпурсиро Президент ва ё Маҷлиси намояндагон бо тарафдории на камтар аз се ду ҳиссаи шумораи умумии вакилон таъин мекунанд.

 

Моддаи 99

Тағйиру иловаҳоро ба Конститутсия Президент ё ҳадди ақал аз се як ҳиссаи умумии аъзо ва вакилони Маҷлиси миллӣ ва Маҷлиси намояндагон пешниҳод мекунанд.

Пешниҳоди тағйиру иловаҳои Конститутсия се моҳ пеш аз раъйпурсӣ дар матбуот чоп мешавад.

 

Моддаи 100

Шакли идораи ҷумҳурӣ, тамомияти арзӣ, моҳияти демократӣ, ҳуқуқбунёдӣ, дунявӣ ва иҷтимоии давлат тағйирнопазиранд.

 

Муқаррароти интиқолӣ

Тағйиру иловаҳо ба Конститутсияи Ҷумҳурии Тоҷикистон пас аз эълони натиҷаи раъйпурсии умумихалқӣ ва аз рӯзи интишори расмиаш эътибори ҳуқуқӣ пайдо мекунанд.

Қонунҳо ва дигар санадҳои меъёрию ҳуқуқие, ки то ворид намудани «Тағйиру иловаҳо ба Конститутсияи Ҷумҳурии Тоҷикистон» амал мекарданд, дар он қисме, ки ба тағйиру иловаҳо мухолиф нестанд, амал мекунанд.

Интихоби пай дар пайи Президент барои ду муҳлат, ки дар қисми чоруми моддаи 65 пешбинӣ шудааст, баъд аз ба охир расидани ваколати Президенти амалкунанда оғоз меёбад.

Аъзои Маҷлиси миллӣ, вакилони Маҷлиси намояндагон ва аъзои Ҳукумат баъд аз эътибори ҳуқуқӣ пайдо кардани «Тағйиру иловаҳо ба Конститутсияи Ҷумҳурии Тоҷикистон» бо тартиби муқаррарнамудаи Конститутсия ва қонунҳои конститутсионӣ савганд ёд мекунанд.

 

                                               ФАРМОНИ ПРЕЗИДЕНТИ ҶУМҲУРИИ ТОҶИКИСТОН

                                    Дар бораи Нишони мақомоти прокуратураи Ҷумҳурии Тоҷикистон

Мутобиқи моддаи 67 Қонуни конститутсионии Ҷумҳурии Тоҷикистон "Дар бораи мақомоти прокуратураи Ҷумҳурии Тоҷикистон" ва моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

1. Низомнома "Дар бораи Нишони мақомоти прокуратураи Ҷумҳурии Тоҷикистон", тасвир ва таснифи он тибқи замимаҳои 1, 2 ва 3 тасдиқ карда шаванд.

2. Фармони Президенти Ҷумҳурии Точикистон аз 4 апрели соли 2015, № 429 "Дар бораи нишони мақомоти прокуратураи Ҷумҳурии Тоҷикистон" аз эътибор соқит карда шавад.

Президенти

Ҷумҳурии Тоҷикистон  Эмомалӣ Раҳмон

ш.Душанбе

25 июни соли 2016 № 712

 

Замимаи 1

ба Фармони Президенти

Ҷумҳурии Тоҷикистон

аз "25" июни соли 2016, № 712

 

                           Низомнома дар бораи Нишони мақомоти прокуратураи Ҷумҳурии Тоҷикистон

1. Нишони мақомоти прокуратураи Ҷумхурии Тоҷикистон Нишони расмӣ буда, ба мақомоти прокуратура тааллуқ дорад.

2. Тасвири Нишони мақомоти прокуратураи Ҷумҳурии Тоҷикистон дар воситаҳои нақлиёти хизматӣ, ашёи инфиродӣ, либоси хизматӣ, нишони хизмативу сарисинагӣ, таҷҳизоти хизматӣ, ҳуҷҷатҳои хизматӣ, муҳрҳо (ба љайр аз муҳри асосӣ бо тасвири Нишони давлатии Ҷумҳурии Тоҷикистон), инчунин дар биною иншооти Прокуратураи генералии Ҷумҳурии Тоҷикистон ва сохторҳои поёнин он ҷойгир карда мешавад.

3. Нишони мақомоти прокуратураи Ҷумҳурии Тоҷикистон дар дигар ҳолатҳо бо тартиби муайяннамудаи Прокурори генералии Ҷумҳурии Тоҷикистон истифода бурда мешавад.

 

Замимаи 2

ба Фармони Президенти

Ҷумҳурии Тоҷикистон

аз "25" июни соли 2016, № 712

 

Тасвири Нишони мақомоти прокуратураи Ҷумҳурии Тоҷикистон

                                                          

 

Замимаи 3

ба Фармони Президенти

Ҷумҳурии Тоҷикистон

аз "25" июни соли 2016, № 712

                       

                                 Тавсифи Нишони мақомоти прокуратураи Ҷумҳурии Тоҷикистон

1. Нишони мақомоти прокуратураи Ҷумҳурии Тоҷикистон, бо дарназардошти яке аз ниҳодҳои муҳими низоми мақомоти давлатии Ҷумҳурии Тоҷикистон будани мақомоти прокуратура, ба Нишони давлатии Ҷумҳурии Тоҷикистон асос ёфта, мақом, вазифаҳо, хусусиятҳои хоси фаъолият ва мақсаду мароми мақомотро ифода менамояд.

2. Нишони мақомоти прокуратура ба таври байзашакл омода карда шуда, дар дохилаш сипар бо ранги кабуд бо навиштаҷоти "ПРОКУРАТУРАИ ҶУМҲУРИИ ТОҶИКИСТОН", шамшер ва тарозуи дупалладор ҷойгир карда шудааст. Аз ду тарафи Нишон рамзҳои Нишони давлатӣ, пахта ва гандум, дар қисмати боло тоҷ ва дар қисмати поёнӣ Парчами Тоҷикистон омадааст. Нишон аз хӯлаи биринҷии зарҳалӣ тайёр карда шуда, як тараф дорад, дарозии он аз бараш калонтар аст.