Сокинони ҷамоати деҳоти Ваҳдати шаҳри Левакаяди вилояти Хатлон Раҷабов Шамсулло, Боев Олимҷон, Насриддинова Ҳанифа, Муродов зокирҷон, Гулов Сабзалӣ, Саидов Саидмурод, Абӯалии Сабзалӣ, Чалишев Шариф ва Ҷойлобов Элмурод мутаносибан аз 0,01 то 0,11 га қитъаҳои замини ғайрикишоварзиро худсарона ишғол намуда, атрофашро бо симтур маҳкам карда зироатҳои кишоварзӣ кишт намудаанд. Боев Сафар, Собирова Манзура, Гулаева Мавлуда, Сафаров Маҳмадшариф, Ҳусейнов Алӣ, Сангинмуродов Шариф, Амиралиев Раҳматулло, Турахонов Бекмурод, Тағоев Мурод, Қарахонов Диловар ва Мавлонов Шоназар бошанд, қитъаҳои замини наздиҳавлигиашонро дар масоҳатҳои аз 0,06 то 0,12 га бидуни шаҳодатномаи ҳуқуқи истифодаи замин истифода бурда истодаанд.

  Камолов Каврак Шодибекович моҳҳои сентябр-октябри соли 2018 худсарона бидуни ҳуҷҷатҳои ҳуқуқмуайянкунанда масоҳати 0,08 га қитъаи замини чарогоҳи деҳоти Ориёни шаҳри Ҳисорро ишғол намуда, дар масоҳати 18 метри мураббаи он иншооти манзилҳои ёрирасонро бунёд намудааст.

 Кумитаи идораи замини шаҳр бошад, нисбати Камолов К.Ш. барои худсарона истифода бурдани қитъаи замин бо моддаи 141 Кодексы ҳуқуқвайронкунии маъмурии Ҷумҳурии Тоҷикистон парвандаи ҳуқуқвайронкунии маъмурӣ оғоз намудааст.

   Бинобар бармаҳал ва ғайриқонунӣ будани қарори қабулнамудаи Кумитаи идораи замини шаҳри Ҳисор ҷиҳати бекор намудан эътироз оварда шуда, қитьаи замин ба ҳолати аввала баргардонида шуд.

  Абдураҳмонов Абдумутолиб Баҳриддинович дар шафати бинои «Илҳомбонк» воқеъ дар маркази шаҳри Ҳисор аз ҳиссиёти авбошӣ шаҳрвандон Амонова Маъруфа Зайдуллоевна ва Рузиева Зарифа Зиёдуллоевнаро мавриди лату куб қарор дода, дар натиҷаи ин ба саломатии Амонова М.З. зарари миёна дар намуди шикасти пӯшидаи ангушти пой бардоштааст.

  19 июни соли 2018 тахминан соати 21-00 Миров Абдуфатоҳ Ҷурахонович дар ошхонаи “Навобод”-и шаҳри Ҳисор бо ҳамдеҳааш Давлатов Абдуҷалол Алиевич вохӯрда, оиди якҷоя истироҳат кардан, яъне истеъмол кардани машруботи спирта маслиҳат мекунанд...